إستفسار | وش رايكم أكوورد 2007 قبل الشراء (( V6 ولا V4 ))

**iPhone 3G** · 08-11-2008, 11:59 PM

السلام عليكم ورحمة الله وبركاته

أخواني معليش جديد على المنتدى .. وبصراحه مدري إذا مكان الموضوع هنا صح ولا لا

المهم .. حبيت أستشيركم أخواني قبل الشراء

أنا ناوي أشتري هونداء أكوورد 2007 خلال هالأسبوع هذا إن شاء الله <<< دعواتكم لي

ولكني محتار بين السته سرندل V6 ولا الأربعه سرندل V4
لأني حصلت كل النوعين ونظاف مره ماشاء الله
أنا بصراحه ودي بالسته سرندل عشان نشاطها والصوت الخفيف بس خايف !!
اللي يقولي تراها نظام كمبيوتر واللي يقولي تبلشك بالخرابات واللي يقول لو تبي تبيع ما لقيت زبون واللي واللي واللي

وأنا الحمدلله عن نفسي راح استخدمها من 4 - 5 سنوات بإذن الله

وشرايكم الله يخليكم وش أجزم عليه !!

**B Useful** · 09-11-2008, 12:09 AM

v6 والعالم من خلفك ،،
ان كانك بتسمع كلام الناس اللي وابصم ع العشرة ماجربوها ،،، فأنصحك تشتري سيكل ابو 3 كفرات اصرف ، لا خرابات ولاتغيير زيوت ولا شي ،،
خلك من الناس اللي ماعندهم الا الهرج ويقولون ويقولون ويقولون ،، بس ينقلون كلام ولا يدرون صحتة ..