14 مشاهدة بدون أي رد
مستحيل ما فيه احد جرب toyo
السلام عليكم
لما طلعت السيارة أكورد 2008 من الوكالة الكفر اللي عليها من نوع بريدجستون تورانزا جي آر 80 وبصراحة مافيه مطب صغير و لا حفرة صغيرة ولا حجار ولا شيء في الخط إلا تحس فيه بصراحة شيء يقهر غير كذا صوت الاحتكاك مع الأزفلت
ودي اغير بنوع كفرات مريح فجا في بالي Toyo وعندي استفسارات عنه ؟؟؟
1- الدين النصيحة .. هل تنصحوني فيه ؟؟؟
2- يتحمل السرعات العالية 120 - 140 160 180 200 ؟؟
3- يقال أنه ناعم وماتحس بالمطبات الصغيرة والحفر والطلعات اللي في شوارعنا هل الكلام صحيح ؟؟>>>> أكيد عارفين شوارع جدة
4- يمسح بسرعة وإلا يبقى فترة طويلة ؟
5- هل هو عملي مثل البريدجستون ؟
والله محتار بس اركب الكامري سيارتي القديممة عليها كفر toyo والله ما تحس بشيء والأ:ورد تحس بكل حفرة ومطب
ودي اغير للأكورد بس اخاف ما يتغير شيء
انتظر ردودكم يا مجربين TOYO
ودمتم ..
14 مشاهدة بدون أي رد
مستحيل ما فيه احد جرب toyo
والله أنا ماعندي خلفية عن الكفرات بس حبيت أوضحلك أنه تصبر شوي وأنشاء الله الأعضاء يفدونك ويمكن ال14 إلي شافوا موضوعك زوار مو أعضاء وبالتوفيق أخوي ,,,,,,,,,,,,,,,
عيب التويو الوحيد .. انه ينمسح بسرعه
وغير كذا يعتبر راااائعه وممتاز
غريبة !!
اذا كان اهدا كفر معروف هو بريدجستون تورنزا والمعروف انة على السيارات الفخمة كالانفينيتي Q45 والكزس والافالون لانة هااااااااادئ ولا عجبك !! اجل وش بيعجبك !!
غريبه!!
أخبر كفرات الوكاله تجي ميشلان مب صندوق بريدجستون .
وكل اللي مجربين تورنزا يمدحون فيها .
صراحة شباب وخلينا واقعيين .... الاكورد 2008 هي نفس كلام الاخ وخشنة مرة على الشارع و عيون القطط ولا تنسوا ان حتى فئة تورنزا تتقسم الى فئات عدة ومو شرط هالفئة اللي عالاكورد نفسها اللي عالانفينيتي .... تسمع اصوات عجيبة وانت فيها ...... طبعا اخونا يتكلم عن الستاندرد لأنها تجي كفرات بريجيستون ...... وبالنسبة لاستفسارك اخوي عن التويو .... فهي كفرات جدا ممتازة وانا مجربها على جنوط ال18 .... مريحة جدا وهادئة جدا وثباتها يعتبر جيد وانا بنفسي مشيت عليها اكثر من مرة للـ220 ..... عيبها اللي لاحظته انها تنمسح اسرع من البريجيستون بواجد :(
^^^
وأنا أقولك إن أكورد العضو أكشن سبيشل 2008 .. كفراتها بريدجستون تورنزا ..
وواحد ثاني من أخوياي مو عضو هنا .. معاهـ سبيشل 2008 نفس سيارة العضو أكشن بالضبط ..
لكن كفراتها ميشلان .. وكلهم موديل واحد ومابينهم إلا ثلاث أسابيع ..
جربت سيارة العضو أكشن مدة أسبوع كامل متواصل ..
بصراحة كفراتها سيئة جداً جداً .. والله يا هي أنواع الإزعاج وصوت الزفلت براسك ..
وإذا دخلت للبيت وجلست تحس للحين صوت الطريق براسك ..
نصيحة للي معاهـ كفرات بريدجستون تورنزا ..
يروح للي يأجرون دبابات بالبر .. ويعطيها إياهم هدية عشان يحطونها حدود لمسار اللعب بالدباب ..
يا شباب سيارتي أكورد 2008 سبشل والكفرات من نوع بريدجستون gr 370 مو gr 80 اسف على الغلط بس المهم انها بريدجستون وخوي عنده نفس السيارة بس الكفرات ميشلان
المهم السيارة تجيب البلا صوت الأزفلت والمكبات وكل شيء واضح
ابغى اغير الكفر بنوع هادي
قبل شوي رحت محل موزع لكل أنواع الكفرات مشهور في شمال جدة ونصحني ب good year الفرنسي يقول ناعم والكفرة الواحدة ب 480
والله محتاار
انا والله مركب على سيارتي 2005 كفرات فينتو ( مرنجوني ) مدري شنو اسمها المهم انها ايطاليه والله تمام
والله اخذ المعطفات القويه 160 ولا تزحف ولا تقول شي وناعمه بالمطبات ولا تسمع لها اصوات
انا مركب كفرات سوموتومو يابانيه والله على كيف كيفك وانصحك فيها ولاتفكر بغيرها واذا ركبتها روح لمحل الطيار اللي على شارع انكاس (خالد بن وليد) وعبها نيتروجين وسو لها ترصيص ليزر من عندهم وربي تنسا من هم الكفرات على طول اسال خبير ومجرب وصدقني ماراح تندم
التويو ممتازه جدا .. واسألني انا مجربها والحمد لله مرتاح منها ,,
هادية ما عندي فكرة...بس افضل تيرات للأداء و سعرها بالمتناول هي Yokohama S-Drive ، و هي اللي بركبها على جنوطي الجاية ان شاء الله،،
السلام عليكم
انا ماعندي خبره في الكفر
ولا اعرف ان هل هاذي الاصوات من الكفر ولا لا
انا عندي اكورد 2007 سبيشل
ومحطين لي كفر من الوكااله دنلوب سبوورت 200
مدري هل هاذي مزعجه ولا قااسيه
اعذرووني وماعندي اي خبره عنهاا
^^^^^^^^^
وأنا من مجربي البوتينزا
صراحه لا يعلى عليها
شوف ابو عزوز انا ماكذبت الرجال
لاكنه يقول ان الكفرات تورنزا جي ار 80 والله قوية وانا اخوك
اولا مستحيل الوكاله تركبها
وثانيا معروفه كفرات تورنزا جي ار 80 بالهدوء المطلق
مواقع النشر (المفضلة)