رعين التطييحات يدخلون ؟؟؟؟؟؟؟؟؟؟؟
رد مع اقتباس
ABSOLUTELY مافي شي اسم فك او قص يايات!!!!! هذا شئ خلاص من الجاهلية، ماله اي محل و مش خيار تفكر فيه من الأساس!
بالنسبة لتهبيط لموتر، فيعتمد على التهبيط الي تختاره، انش، انشين، ٣ انشات...اذ ركب حد ورا، اكيد بيهبط الموتر من ورة حوالي انش او اقل، على حسب الوزن..
التهبيط الصح ما بيضر الجير و لا شي طبعا، اكيد اذا الشوارع تعبانة و تهبيطة كبيرة، فطبيعي تحك السيارة من تحت بس مافي هالمشاكل الكبيرة...بس اكيد اذا شوارع تعبانا، مثل شوارعنا، ما انصح بأكثر من انش ونص، على اساس تلغي المسافة بين الرفرف و الكفر..
اذا بتهبط لازم لازم لازم تغيير ال shocks ، مو عارف اسمهم بالعربي، اللي هم مثل العصايات اللي تجي داخل السبرينج، اذا ما غيرتها ما راح يعيشوا معك نفس المدة اذا كنت على يايات الوكالة، لانهم مو معيرين على السبرينجات الجديدة الأقصر و العادة تكون اجمد -stiffer- ، حتى تحسن من التحكم بالسيارة على المنعطفات..
و اذا التهبيطة كبيرة (اكثر من انش) لازم تركب كامبر كيت خلفي و امامي حتى ترجع السيارة لميزانية الوكالة عشان ما تخرب التحكم بالسيارة و ما تزيد من تأكل الكفر الي بيدوخك..
و اكيد لازم تعمل ميزانية بعد اي تهبيط بأسبوع من سواقة السيارة حتى تهدى و يستقر موضع اليايات الجديدة، لترجع ميزانية السيارة لميزانية الوكالة، لان لما تركب اليايات تتغير الميزانية..
التهبيطة العملية، بتكلفك قول بحدود:
٨٠٠ ريال قول يايات eibach+ ١٢٠٠ كامير امامي و خلفي skunk2/spc + ١٠٠ ميزانية + ١٠٠٠ shocks = بحدود قول ٣٠٠٠ ريال
بالنسبة للهيدروليك، اللي هو ينطنط السيارة مثل شغال البتان، هذا ماله اي معنى،،، شكلك مع احترامي لك تطلع مثل الأهبل...
اذا محتاج سيستم تقدر تغير ارتفاعه باي وقت، ركب coilovers ، حسب الشركة، بيكون سعرها بين ٥-١٥ الاف، تجي يايات و شوكس و سترس، و تقدر تعيير اليايات و تغير من انضغاطها حتى تحصل الإرتفاع المطلوب..
هذا اذا انت يهمك انك ما تلعن خير السيارة بس عشان تهبط...اذا ما كان يهمك، شفلك واحد بتان يقصلك اليايات و رووح كووول...
انا ان شاء الله بكتب موضوع كامل عن هالشئ بعد ما اخلص السيارة و يكون نظام السسبنشين بكل قطعه جاهز.
المشاركة الأصلية كتبت بواسطة الحظ الميت
مواقع النشر (المفضلة)