الهم اجرني في مصيبتي واخلفني خير منها

**هـ ل ن السعوديه 818** · 29-10-2006, 06:58 PM

امس وانا في طريقي الى الجامعه كنت والله مبسوط على الموتر ومستانس ونازل الداري وانا فالها ليش مدري

وعند مخرج 13 كلكم تعرفون يوقف الخط ماخذ الحيطه من السياره الى قدامي كنت مسرع لاكن بعيد عن الى قدامي وقف الخط ضربت فليشر وفرامل وقفت قبل السياره الي قدامي بشوي وناظرت في المرايه الى ذاك الجيب الي جاي مسرع ولا ضرب فرامل الى عند الشنطه ويلخني والخ الي قدامي ويلخني مرة ثانيه نزلت من السياره وشفتها اثر السياره راحت وقفت قدامها وانا شوي واصيح على السياره

ويجي راعي الجيب ويقول بسيطه السياره ماجاها شي وانفجر واقعد اتهاوش معه

وتقفل اخلاقي

واتكلم عليه

مافيه كلمه شينه ما قلتها له (ماكنت افكر ذيك الحظه من القهر) وتجي الدوريه في دقايق(من عجايب الدنيا السبع) وياخذ رخصنا ويقول الحقوني عند مخرج 12
ونمشي ويوم وصلنا بديت الدوخ على شوي شوي ركبوني الومينا وجلست شوي جا الدوريه وسجل الحادث 50% علي و 50% عليه جا ابوي وقال الولد كان موقف وشلون 50 50 عقبه سجل 100% على الجيب حجزو راعي الجيب عندهم وانا قالولي ظف موترك وتعالنا عقب الظهر يوم رحت لهم عطوني ورقه وعشان موتري جديد قالو تروح لشيخ المعارض وهذي السالفه.
الاضرار الي على الموتر :-
1- راحت الشنطه كامله.
2- الوجه شوي.
3- القير خرب.

والله يعيني على التمرمط ورى الي صدمني لاني قدرت الموتر ويبي يكلف 22الف ريال وهو كن وده يسحب.

**ن ك د السـعــــوديه 3 5 7** · 29-10-2006, 07:58 PM

سلامات والله حبيبي ه ل ن في الحديد ولا فيك

وماتشوف شر والله

ياحبيب هذولا الناس وش تسوي معاهم والله ماتقول الا الله يعيننا عليهم الواحد يغلط عليك ثم يقول ماصار شي السياره ياحبيبي احر ماعندك ابرد ماعنده

ومن ناحية المرمطه الله يعينك عليها اسأل مجرب سيارتي الى الان في الوكاله صار لها شهر تقريبا

بس نرجع ونقول الحمد لله على سلامتك اول شي

**اتــشـــــ** · 29-10-2006, 09:29 PM

الحمد لله على سلامتك اخوي ه ل ن
وماتشوف شر يالغالي
وفي الحديد ولا فيك .

**دحوم** · 29-10-2006, 11:11 PM

الحمد الله على سلامتك اول شيء , وفي الحديد ولافيك والسيارة إن شاء الله تتصلح بس اللي قهرني شيء واحد كيف تدخل القير من ضمن الأضرار .

وسلامة مرة ثانية وماتشوف شر .

**beckhaam** · 29-10-2006, 11:23 PM

الحمد لله على سلامتك والحديد بداله حديد اهم شيء سلامتك ...؟

***قلبي اكورد*** · 30-10-2006, 01:36 AM

الحمد لله على السلامة في الحديد ولا فيك

**JUVENTUS** · 30-10-2006, 07:40 AM

المشاوير تهون لعيون الأكورد بس أحس إن الصدمه قوية من كلامك؟!؟!؟!؟
الله يعينك؟!؟!؟!؟

**HONDA 888** · 30-10-2006, 08:45 AM

الحمد لله على سلامتك اخوي ه ل ن
وماتشوف شر يالغالي

**HONDA 888** · 30-10-2006, 08:46 AM

المشاركة الأصلية كتبت بواسطة ن ك د السـعــــوديه 3 5 7

سلامات والله حبيبي ه ل ن في الحديد ولا فيك

وماتشوف شر والله

ياحبيب هذولا الناس وش تسوي معاهم والله ماتقول الا الله يعيننا عليهم الواحد يغلط عليك ثم يقول ماصار شي السياره ياحبيبي احر ماعندك ابرد ماعنده

ومن ناحية المرمطه الله يعينك عليها اسأل مجرب سيارتي الى الان في الوكاله صار لها شهر تقريبا

بس نرجع ونقول الحمد لله على سلامتك اول شي

:d :d :d :d

**NEO FOX** · 30-10-2006, 09:41 AM

الف حمدلله على السلامة

عوضك الله من طيب رزقه

لي كلمتان واحدة لك و للأخوان بالمنتدى .... التعاونية للتأمين ... وبس

تحياتي لك

**أبـوسعـود** · 30-10-2006, 02:25 PM

هلا وغلا .. والحمدلله ع السلامه والحديد بدالة حديد ..

ونصيحة لاتسامحه لو ايــــــــــــــــــــــــــــش ..

.

**هـ ل ن السعوديه 818** · 30-10-2006, 05:40 PM

الله يسلمكم جميعا ويسلم كل اعضاء المنتدى من كل شر

اخوي دحوم شيخ المعارض عي يدخل القير تبع الاضرار

طبعا حركت السياره اليوم واثر الدعوه خربانه مانع الانزلاق مشتغل نوره وشكل فيها بلاوي

يمكن ابيعها (بعد ماحبيتها) لاكن لن انسى منتدى محبي هوندا ولا اعضاءه ولن انسى تجربتي مع هوندا الى اثبتت فخامتها وقوتها

**حياتي كلها اكورد** · 30-10-2006, 08:44 PM

اخوي الحمد لله على السلامه والله لو اني بموقفك لانفجر وسوي اللي ماحد يسويه

الله يعينك واذا حتجت شي ترانا حاضرين

**S T ! N G** · 30-10-2006, 09:08 PM

اول شي الحمد لله انك سالم

والسياره تتعوض ان شاء الله

وجعلها اخر المصايب

لاحول ولاقوه الا بالله

**The Black Accord** · 30-10-2006, 10:57 PM

الحمدلله على سلامتك الحديد يروح ويجيء
وخلها على ربك

**ياسر الشمراني** · 30-10-2006, 11:33 PM

سلامات ياغالي

ماتشوف شر يارب ..

الله يعوضك خير ياغالي

**the_sniper2024** · 30-10-2006, 11:46 PM

المشاركة الأصلية كتبت بواسطة NEO FOX

الف حمدلله على السلامة

عوضك الله من طيب رزقه

لي كلمتان واحدة لك و للأخوان بالمنتدى .... التعاونية للتأمين ... وبس

تحياتي لك

الله يعينك على بلواك ه ل ن و ان شاء الله تتعوض..........

بالنسبة لأخوي NEO FOX أنا سألت أحد المشايخ عن الناحية الشرعية بالنسبة للتأمين الشامل للسيارة و قال لي كلام كثير لكن النهاية أنه حرام و العلم عند الله

**zeek** · 31-10-2006, 12:03 PM

ماتشوف شر في الحديد ولافيك

والله انا بعد صارلي حادث امس بالاكورد بس الحمد لله بسيطة

والله يعوضك
:(

**ابوفهد.** · 31-10-2006, 02:31 PM

الحمد لله على سلامتك اخوي ه ل ن
وماتشوف شر يالغالي
وفي الحديد ولا فيك .

تحياتي
ابوفهد

**accord 06** · 01-11-2006, 07:36 PM

الحمد لله على سلامتك اخوي هـ ل ن

و الله يجعلها آخر المصايب

المشاركة الأصلية كتبت بواسطة هـ ل ن السعوديه 818

اخوي دحوم شيخ المعارض عي يدخل القير تبع الاضرار

طبعا حركت السياره اليوم واثر الدعوه خربانه مانع الانزلاق مشتغل نوره وشكل فيها بلاوي

يمكن ابيعها (بعد ماحبيتها) لاكن لن انسى منتدى محبي هوندا ولا اعضاءه ولن انسى تجربتي مع هوندا الى اثبتت فخامتها وقوتها

وش ما يدخل القير تبع الاضرار

الدعوه فوضى ؟

اذكر فيه شي اسمه اعتراض على التقييم
اسأل عنه و قدم اعتراض على تقييم شيخ المعارض

و ان شاء الله تأخذ حقك

**HONDA OWNER** · 02-11-2006, 03:49 AM

الحمدلله على سلامتكـ أخوي ..

قبل فتره حصلي حآدث بالأكورد نفس قصة الحآدث تبعك بس جآت من ورآ والسالفه كلها رش

الله يعينك إنشالله

تحيآتي ...

**DuGarrY** · 04-11-2006, 10:47 PM

والله اخوي اني شفتك وصراحه حزنتتتتتتتتتت جدا للمنظر كان اليوم سبت حوالي الساعه 7 صحح؟

والله للحين الحادث بذاكرتي وكل ما تذكرته يضيق صدري قهر صراحه

**الاخطبوط** · 05-11-2006, 10:10 AM

الله يعينك يا اخوي هلن

والله اني بالزحمه انتبه للسيارات اللي وراي اكثر من اللي قدامي

اللي قدامي انا اهتم فيه بس اللي جايك بالسياره صاك الطبلون من ورا وش الدبره معه

اذا السالفه مخبوصه انصحك تبيعها بعد التصليح وتاخذلك جديد

**هـ ل ن السعوديه 818** · 08-11-2006, 03:58 PM

الله يسلمكم من كل المصايب
واسف على التاخر في الرد

اخوي accord 06 نضاما عند المرور ما يدخل القير ولا الارباق

اخويDuGarrY نعم كان حوالي السابعه تحت مخرج 13