اكورد Vs لومينا

**ذياب** · 02-11-2006, 09:09 AM

السلام عليكم....
شباب انا ركبت اللومينا LS بس لاحظت ان الاكورد المفروض تتحلى في بعض هذي المميزات لاسيما ان الاكورد السياحي ب70 واللومينا ب68 بالجنوط لاحظوا مميزات مثل بالطبلون يذكرك بالبانزين اذا بقى الربع ويعلمك كم بيمشي ويذكر بالصيانه واذا تعدى ال120 يعطي نغمه ويسكت تقسيه وتليين المراتب وتكييف خلفي وغير الدركسون مثيت وتحكم بالصوت ونفس المسجل تقدر توقفه نظام PAUSE بدال ماتطفي الCD اذا جتك مكالمه ولما توقف عند اشاره يتقصر توماتيك نظام التراك والبور بس مافيها ABS وكل هذا ب68 بالجنوط والاكورد لويحطون فيها كل هذا قالك بمليون بس ولكن مهما صار راح اكون مع
الالالالالالالاككككككك

ووووووورررررددد

**black.H.V6** · 02-11-2006, 09:21 AM

يالغالي ذياب كلامك كله صحيح لاكن الأكورد تعطيك بعد لطف ربك أفضل وسائل أمان من فئتها لاكن اللومينا والله من الـ إل إس إلى الرويال ماعندك أمان والأمان بالله كنك راكبنلك صابونة لوكس!!!!

وإتشرفت بالرد عليك يالغالي....

**أبـوسعـود** · 02-11-2006, 09:51 AM

هلا وغلا ..

الأكــــوورد .. ياباني 95% وأنت عارف ارتفاع تكلفة العامل الياباني ..

اللومينـا .. أسترالية 90% وأنت عارف أجر تكلفة العامل الأسترالي ..

على سبيل المثال لا الحصر :

العامل الياباني اقل مرتب له فوق ال 20.000 ريال سعودي ..

العامل الأسترالي راتبه مايتعدى ال 10.000 ريال سعودي ..

المعادلة وش تقوول (( تخصصي محاسبة )) .. عند ارتفاع تكلفة العامل لابد ان يلحقها ارتفاع قيمة المنتج او السلعه وعند انخفاظها يحدث العكس تماماً ..

أرجو أني أفدتك ياعزيزي وعلى فكرة ترى الياباني يصنف افضل من الأمريكي للمعلومية فما باالك بالأسترالي ؟؟؟ ....

.

**دحوم** · 02-11-2006, 10:25 AM

انا اقول الاكورد وبس مهما صار شكل وامان واحلى نظرة وفخامة الفل كامل تغطي على الفل كامل اللومينا ومالها شغل الإس إس ، تحمل اكثر تعيش اكثر ، واكيد فيها انظمة تتميز بها عن اللومينا ومايحتاج ذكرها .

وسلامتك .

**BLK** · 02-11-2006, 01:22 PM

وش نقدر نقول :(

و اللومينا كمان فيها عيوب ما تشجع الواحد ياخذها !!

لكن وش نقدر نقوووووووول

**اكورد لؤلؤي** · 03-11-2006, 12:49 AM

والله الاخوان ماقصرو كفو ووفو

لكن الاشياء الي انت قلتها ليست بتلك الاهميه<<كيف اللغه

يعني ماراح تخليني اترك الهوندا عشانها

يعني عندك التكييف الخلفي زي ماتفضلت

باللهي عليك انت تشوف الاكورد تحتاج مكيف خلفي

والله ان تطلع ثلاجة غنم :d

يعني ماشالله مكيفها دفعه قوي ويوصل للشنطه بعد مو ورا وبس

ومثل زر الـ PAUSE مااعتبره مهم ابد

يعني باللهي عليك بتشتري لومينا عشان ذا الزر

بس صراحه اكثر شي اعجبني من الي قلته

صوت الجرس بعد 120

لانه بصراحه مزعج شوي في الهوندا

وبعدين فيه اشيااء في الهوندا مو في اللومينا ((السياحي طبعا))

مثل ارباقين واي بي اس

وطبلون ليد مهبوووول

وتفتح النوافذ بالريموت.....والخ

واذا كان قصدك السعر

يعني باللهي عليك تقارن جودة الهوندا بالومينا

ولا رساوتها ولاامانها ولا شكلها ولا فخامتها الداخليه

يعني فرق كبيييير

ويعطيك العافيه يالغالي على الموضوع

واسف جدا على البربره الي على غير سنع :d

ومشكور وماقصرت...

**BLK** · 03-11-2006, 08:05 AM

صحيح إخواني

أنا أدري بتقولون تعصب :(

لكن هذا رأيي في النهاية لا راح يقدم و لا يأخر ....

أنا ركبت لومينا رويال في الوكالة ... والله أحس الأكورد أفخم حتى لو كانت الأكورد فاضية من المواصفات ...

بس عجبني مرتبة السائق الجلد مريييييييييييييييحة

شكلي بابدل كراسي الأكورد :d

**vip_ryo** · 03-11-2006, 07:15 PM

هوندا وارفع يدك

**R32 HPA** · 03-11-2006, 08:53 PM

مشكور على الموضوع بس لاتقارن ياباني مع امريكي في السعر لأنه معروف الأمريكي أرخص وكذلك تشطيباته الداخلية تعبانة مقارنة مع الياباني إذاً ايش الفايدة من المميزات !!

**ذياب** · 04-11-2006, 01:48 AM

اخ ابو عابد انت قاعد تحسب انا اجي معك بس عاى كل هذا وفيه مشاكل مثل الهواء من القزاز!!!ومثلا لو شي بريالين ورفعوه لك بعشره وقالولك هذا جيد وانت عارف انه بريالين بتاخذه؟؟
انا مع الاكورد بس لو تشوف الاسعار في الامارت يمكن اقل انا ما ادري ياليت لو احد بالامارات يوضح وشكرا للجميع.

**ن ك د السـعــــوديه 3 5 7** · 04-11-2006, 02:58 AM

والله ياشباب من ناحيتي لو يقولون لي تختار اكورد والا 4 لومينات عند باب بيتكم والله لاقول اكورد

وين ياحبيبي انا مجرب الثنتين من ناحية اللومينا في الرساوه 0 % والامان 0% عكس الاكورد وبعدين ماعمري سقت سياره وانا خايف مثل اللومينا

المهم سلم لي على الاكووووووووووووووووووورد وبس يابيي

**اكورد 2006** · 05-11-2006, 11:50 PM

شوف ياخوي اللي مخلي الاكورد يكون مرتفع سعرها المواد المستخدمه فيها البلاستك وغيره

انا بقولك شي انا كنت شغال في شركة التنصيع الوطنيه للبتروكيماويات بالجبيل الصناعيه وكنا ننتج البروبلين والبولي بروبلين مواد بلاستيكيه وتستخدم بالسيارات وغيرها وكان يطلع بعض الاحيان من المفاعل منتوج داج لك عليه وكان ينباع وينشرا من الشركات ابو طقه زي شفر واللومينا والكابرس والشله الحلوه:d

**zeyad** · 06-11-2006, 04:31 AM

انا مع الاكورد

يكفيك انها اريح بال

الومينا ميزتها هي والكابرس يغير التعشيق والضغط 6 يعني تتفتف وتغير
وناس يقولون ان الاكورد ماتغير الى 3وشوي

وهاذي ميزه الومينا

الومينا 6سلندر بال60 الى 70 الاكورد السته سلندر ب80 ومدري اكثر

بس الاكورد تقدر تحكم فيها الى هجت بس الومينا لو تدعس تطير فيك طيرااااان
والى لفت تزلق وياويلك الى ماكان فيها مانغ انزلاق في ذا الوقت سلمني عليها

**ROYALE V8** · 06-11-2006, 06:28 PM

المشاركة الأصلية كتبت بواسطة اكورد 2006

شوف ياخوي اللي مخلي الاكورد يكون مرتفع سعرها المواد المستخدمه فيها البلاستك وغيره

انا بقولك شي انا كنت شغال في شركة التنصيع الوطنيه للبتروكيماويات بالجبيل الصناعيه وكنا ننتج البروبلين والبولي بروبلين مواد بلاستيكيه وتستخدم بالسيارات وغيرها وكان يطلع بعض الاحيان من المفاعل منتوج داج لك عليه وكان ينباع وينشرا من الشركات ابو طقه زي شفر واللومينا والكابرس والشله الحلوه:d

المصدر ؟؟!!

**ROYALE V8** · 06-11-2006, 06:31 PM

المشاركة الأصلية كتبت بواسطة zeyad

بس الاكورد تقدر تحكم فيها الى هجت بس الومينا لو تدعس تطير فيك طيرااااان
والى لفت تزلق وياويلك الى ماكان فيها مانغ انزلاق في ذا الوقت سلمني عليها

طبيعي ..

دفع خلفي و 340 حصاان وما تبيها تهج اذا دعست ؟؟!

**ROYALE V8** · 06-11-2006, 06:34 PM

المشاركة الأصلية كتبت بواسطة black.H.V6

يالغالي ذياب كلامك كله صحيح لاكن الأكورد تعطيك بعد لطف ربك أفضل وسائل أمان من فئتها لاكن اللومينا والله من الـ إل إس إلى الرويال ماعندك أمان والأمان بالله كنك راكبنلك صابونة لوكس!!!!

وإتشرفت بالرد عليك يالغالي....

ممكن اعرف وش تقصد بمواصفات الأمان ؟

**ROYALE V8** · 06-11-2006, 06:35 PM

المشاركة الأصلية كتبت بواسطة أبـوسعـود

هلا وغلا ..

الأكــــوورد .. ياباني 95% وأنت عارف ارتفاع تكلفة العامل الياباني ..

اللومينـا .. أسترالية 90% وأنت عارف أجر تكلفة العامل الأسترالي ..

على سبيل المثال لا الحصر :

العامل الياباني اقل مرتب له فوق ال 20.000 ريال سعودي ..

العامل الأسترالي راتبه مايتعدى ال 10.000 ريال سعودي ..

المعادلة وش تقوول (( تخصصي محاسبة )) .. عند ارتفاع تكلفة العامل لابد ان يلحقها ارتفاع قيمة المنتج او السلعه وعند انخفاظها يحدث العكس تماماً ..

أرجو أني أفدتك ياعزيزي وعلى فكرة ترى الياباني يصنف افضل من الأمريكي للمعلومية فما باالك بالأسترالي ؟؟؟ ....

.

هنا الكلام

**ROYALE V8** · 06-11-2006, 06:39 PM

المشاركة الأصلية كتبت بواسطة ن ك د السـعــــوديه 3 5 7

وين ياحبيبي انا مجرب الثنتين من ناحية اللومينا في الرساوه 0 % والامان 0% عكس الاكورد وبعدين ماعمري سقت سياره وانا خايف مثل اللومينا

مدري من وين هالكلام ؟

**اتــشـــــ** · 06-11-2006, 06:51 PM

المشاركة الأصلية كتبت بواسطة ROYALE V8

مدري من وين هالكلام ؟

بالتجربه تقدر تستنتج هالكلام ;)

**BLK** · 06-11-2006, 06:56 PM

المشاركة الأصلية كتبت بواسطة ROYALE V8

مدري من وين هالكلام ؟

أحسك تقول ::

منتدى متعصبين :d :d :d

**ROYALE V8** · 06-11-2006, 07:37 PM

المشاركة الأصلية كتبت بواسطة اتش

بالتجربه تقدر تستنتج هالكلام ;)

المشكلة ان البعض يسمع كلام الناس وينقله على لسانه كالببغاء ..

ولا تحسب اني اعنيك بهذه الكلمة .. حاشاكـ ..

واذا هي سالفة تجربة فالسيارة سيارتي ومفصفصها تمام ..

وسالفة الامان ..

خير دليل حادث اول يوم بالعطلة الماضية

لك أن تتصور ان سيارة طمرت رصيف بالعرض على 140 !!

وما انقلبت ولا تعرض البدي لاي خدش .. الأصابات بالمقص والمساعد والجنوط فقط !!

وإذا كنت تقصد وسائل الامان فانا أقولك ان السيارة فيها ارباقين في المقدمة ..

وايرباقين على الجوانب الامامية ..

وارباقين على الجوانب الخلفية ..

المجموع = 6 ارباقات ..

اذا نسيت شي علمني ..

**ROYALE V8** · 06-11-2006, 07:40 PM

المشاركة الأصلية كتبت بواسطة BLK

أحسك تقول ::

منتدى متعصبين :d :d :d

التعصب بكل مكان مهو واقف على هالمنتدى ..

لكن تهميش السيارات الثانية .. هنا الكلام

**اكورد لؤلؤي** · 06-11-2006, 08:06 PM

المجموع = 6 ارباقات ..

انت متاكد يالغالي..؟

**ROYALE V8** · 06-11-2006, 08:15 PM

المشاركة الأصلية كتبت بواسطة اكورد لؤلؤي

انت متاكد يالغالي..؟

نعم .. طبعا أقصد سيارتي اللي هي الرويال ..

أما الـ LS ارباقين كما هو الحال في اكورد 4 سلندر

ويتوفر كتجهيز قياسي ..

**اتــشـــــ** · 06-11-2006, 09:41 PM

المشاركة الأصلية كتبت بواسطة ROYALE V8

المشكلة ان البعض يسمع كلام الناس وينقله على لسانه كالببغاء ..

ولا تحسب اني اعنيك بهذه الكلمة .. حاشاكـ ..

واذا هي سالفة تجربة فالسيارة سيارتي ومفصفصها تمام ..

وسالفة الامان ..

خير دليل حادث اول يوم بالعطلة الماضية

لك أن تتصور ان سيارة طمرت رصيف بالعرض على 140 !!

وما انقلبت ولا تعرض البدي لاي خدش .. الأصابات بالمقص والمساعد والجنوط فقط !!

وإذا كنت تقصد وسائل الامان فانا أقولك ان السيارة فيها ارباقين في المقدمة ..

وايرباقين على الجوانب الامامية ..

وارباقين على الجوانب الخلفية ..

المجموع = 6 ارباقات ..

اذا نسيت شي علمني ..

بدون زعل أو تعصب
بس احب اقولك امريكا سمحت بدخول الاكورد لاراضيها لانها مطابقه لمواصفات الجوده والسلامه والبيئه <<< وركز على البيئه لان محركات الهوندا ماحد قدر ينافسها في المحافظه على البيئه

وفي المقابل منعت دخول الكابرس والومينا ( الاستراليه ) لاراضيها لعدم توفر الجوده والسلامه في هالمركبتين :o
وهذا رابط الشفروليت الامريكي وبتلاحظ عدم توفر الكابرس والومينا في هالموقع ;)
http://www.chevrolet.com/

وزي ماقلنا في البدايه
بدوووووووون زعل