الأسعار الجديده لتغيير الزيت في فروع شركة عبدالله هاشم

**الشامخ** · 02-01-2009, 01:12 AM

أنا اليوم غيرت عندهم الزيت والسيفون
بــ 110 ريال
والأسعار هاذي من بداية اليوم
واللي مغير أمس مغير بـ 91 ريال
حتى الفواتير تغيرت وطلع كل شيء بالكمبيوتر
وتفاصيل الفاتورة
كالتالي
أجور = 48 ريال
قطع = 62 ريال
المجموع = 110 ريال
يعني الله يسلمك اشتر الزيت والسيفون بـ 62 ريال
ورح لأبو يمن وخله يركبه وعطه 10 ريال أو 20 ريال
أنت وكرمك
والإجمالي 72 أو 82 ريال

أنا أقول كذا
أول شيء علشان فيه فرق 30 ريال
يعني مرتين تغسل سيارتك
وثاني شيء
يا أخي زحمة
أنا اليوم رحت عندهم الساعة 9.30
وطلعت من عندهم الساعة 11.30
ولو أني رايح لأبو يمن كان ربع ساعة وأنا مخلص من زمان .......
ما أقول إلا انسى الوكالة

**heemo2008** · 02-01-2009, 02:28 AM

يوم الاثنين غيرت زيت فقط بـــ 60 ريال بالشركة بجدة

**A h M 3 D** · 02-01-2009, 12:27 PM

طق كرتون زيت وكرتون فلاتر وعلى ابو يمن بـ15 ريال

الحسبه ماتزيد عن 80 ريال

الواحد سار وين مايروح يلقى الاسعار نار

**THE_HUNTER** · 02-01-2009, 03:16 PM

السلام عليكم

والله بصراحه شي متوقع من الوكلاء وليس من وكاله هوندا فقط. مثل ماقال أخوي بي يونك يبي يغطون على خسائرهم

تقبل مروري ياخالد

**B free** · 02-01-2009, 06:28 PM

المشاركة الأصلية كتبت بواسطة mohammed Ss

انا اغير الزيت

4 لتر + فلتر الزيت يطلع علي كامل بحدود 600 ريال

ومع اجرة العامل بيطع 700 ريال

.. يا خي ذكرتني بواحد الله يستر علي ..

مغير الزيوت مثلك
عند علي بـ 880

**المسافر راح** · 04-01-2009, 05:25 AM

وربي زحمه على قلت فايده

زايدين ريال وزداو لكم خدمتين وطايرين فيهم ؟ خخخخخخ

**عاشق HONDA** · 04-01-2009, 01:23 PM

غريبه ياخوي انا اليوم كنت في الوكاله وسألتهم وقلي لا بـ 91 ريال الزيت والسيفون والورده ..

ويقول ماتغيرت اسعارنا ....

**S.M.A.R.T** · 04-01-2009, 04:14 PM

انا رايح لهم بكره بعد اغير الزيت وبشوف :o

تشاااااااااو

**H خالد H** · 10-01-2009, 09:42 PM

ملاحظ اختلاف الاسعار اللي يغيرو في الوكاله

سيارتي 6 سلندر اغير بـ 89 مع الفلتر + تشييك على البطاريه واجزاء داخل الكبوت وتحت السياره يبخو عليها بمزيل الصداء

وانا اغير عندهم عشان يختمو على دفتر الصيانه ........ يعني مستفيد شغلتين

وبالتوفيق للجميع

**القبطان الحزين** · 11-01-2009, 07:16 AM

انا غيرت الزيت مثلكم بـ 91 ريال طبعا قبل عام 2009م

اخر مرة قلت بروح للبنشر بغير عنده بجرب الفرق قال علبه الزيت بـ 15ريال والفلتر بـ20 ريال يعني 80 ريال وشغل يده 20 ريال المجموع 100 ريال قلت له الوكاله ارخص قال ايه احنا علب والوكالة توانك يعني ارخص لهم والمفروض يرخصونه اكثر

وغيرت فلتر الهواء بـ 90 ريال بس ما ادري هذا سعرة ولا لاعب على ابويمن ..

وبعدين وش الصرة والوردة ؟ فاتحين حديقة تحت السيارة ؟؟

**الـمـسـافـر** · 11-01-2009, 09:02 AM

^^^^^^^^^^^^^^^

الزيت بـ 14 ريال ( 4,2 علبه مع السيفون .. يعني اكثر من 4 علب بشوي )
الفلتر بـ 13.5 ريال
ما ياخذ شغل يد ولا ريال اذا غيرت الزيت من عنده (شغل يد ياخذ اذا جبت الزيت من برا )

يعني ابو يمن .........:d

**hartnight** · 11-01-2009, 12:43 PM

ياشباب حسبة بسيطة جدا

الحين سعر علبة الزيت 15 ريال ==== وانت تحتاج 4.2 علب = 5 علب
5*15 = 75
الحين الفلتر اللي عند ابويمن اتحداك اذا كان نفس العلبة اللي عند الوكالة. روح اشتر من الوكالة ورح شوف حق ابو يمن وراح تلاقي فرق واضح حتى في جودة الفلتر تقريبا السعر 25 الى 20 ريال
الصرة عشان تغيرها عند ابو يمن 10 ريال وبعض المحلات 2 ريال !! شفت العجب .. وقول كمان حقت مزيل الصدا 3 ريال ..
المهم :
75 +25+10+3=113 ريال
ولو قلنا بالحسبة الرخيصة ..
75+20+2+3 =100 ريال
بس اش الفرق بين الوكالة وابو يمن انه يوم يحصل لاقدر الله تهريب في السرة تقدر تراجع الوكالة لانها شغلها تضمنه لمدة 3 اشهر تلاقيه مكتوب خلف ورقة التشغيل ...
انا ما اقول ان الوكالة احسن لانك لو تاخذ كرتون كامل للزيت وتسويه عند ابو يمن اوفر لك بكثير ممكن تزيد عن 100 ريال لكن اذا انك تغير كل مرة من عند ابو يمن فروح الوكالة احسلك ...
لكن عشان اكون صادق ما غيرت عند الوكالة الا مرة وحدة يوم التشيك على السيارة ..
شكرا لكم جميعا...

**عمري الأكورد** · 11-01-2009, 11:45 PM

وصل الخبر

وصراحه مالهم داعي

**gray2008** · 15-01-2009, 03:51 AM

المشاركة الأصلية كتبت بواسطة A h M 3 D

طق كرتون زيت وكرتون فلاتر وعلى ابو يمن بـ15 ريال

الحسبه ماتزيد عن 80 ريال

الواحد سار وين مايروح يلقى الاسعار نار

والخوف انه بعد يومين يجيك ابو يمن ويزيد الاسعار كمان وتكمل :d

حسبي الله عليهم

**FiRe || TeaR** · 22-01-2009, 11:44 PM

شاكر لك على هالخبر ,

وانا سألت أحد الربع يعمل في صيانة السيارات بوكالة هوندا ,

وقلتله ليش تغيرون الصرة والوردة عند كل تغيير زيت وفلتر ,

قال لأن الصرة والوردة حقت جميع سيارات الهوندا مصنوعة من الألومنيوم , وماتتحمل زي الحديد , يعني ماتتحمل الربط الشديد وكذلك ماتتحمل الزيت اذا ضغط على الصرة , ولذلك يغيرونه منع من تهريب الزيت , لأنه قد صارت معي وانا سياراتي جديدة وماكملت 5000 ,

لأن أغلب السيارات الآخرى , الصرة والوردة فيها حديد , مثل تويوتا ونيسان الخ...

وطبعاً الحديد أفضل ,

لاهنت ~

**K H A @ L I D** · 23-01-2009, 12:52 PM

المشاركة الأصلية كتبت بواسطة الــمــســافــر

^^^^^^^^^^^^^^^

الزيت بـ 14 ريال ( 4,2 علبه مع السيفون .. يعني اكثر من 4 علب بشوي )
الفلتر بـ 13.5 ريال
ما ياخذ شغل يد ولا ريال اذا غيرت الزيت من عنده (شغل يد ياخذ اذا جبت الزيت من برا )

يعني ابو يمن .........:d

اخوي ممكن حتوفر كم ريال 40 ريال والله ادفع في الوكالة ولا ابو يمن بخرب الصرة صح ولا لا خليك زكي

**ابو سراج** · 23-01-2009, 04:45 PM

لاقول انا اغير زيت وفلتر بي 68ريال

انا اقولكم
اولا
الزيت
روحوا عند محلات الجملة يبيعوا كاسترول بي 11 ريال
11 في 4 = 44
وروح الوكالة اشتري الفلتر بي
14 ريال
هذي صارت 58
و10 حق ابو يمن الشغل

وصلى الله على محمد