مساحة الكوبيه الخلفية !

[T H A M E R]

السلام عليكم

اظن عرفتوني من كثر اسئلتــي :d .. لكن مالي بعد الله غيركم استشيره :( ،،

المهم .. مثل ما قلت لكم عزّمت عالاكورد كوبيه .. لكن الوالد رافض فكرة الكوبيه بـ حكم مساحتها الخلفية وزي كذا ،،

انا رحت الوكاله وشفت السياره احسها عادي مو ضيقه ،،

فـ تكفون معلوماتكم وآرائكم وياليت صور بـ خصوص مساحة الكوبيه الخلفية ،،

انتظركم ،،

::

ثـامر :o ،،

[المـــــلكـ اكـــــورد]

هذا رابط في اليوتيوب
http://www.youtube.com/watch?v=_2wvWsYEb_w

مالقيت الا هو وممكن تحصل غيره

المهم
اول شي اسأل نفسك هل انت من النوع اللي دايما تركب اهلك معك بالسياره ولا نادرا جداااااااااا


تحيتي

[T H A M E R]

بالنسبه لاهلي مو من كثرهم الله يحفظهم .. يعني اذا ركبوا .. بيصيرون 3 أفراد غيري !

بالكثير بالكثير 4 ... ومو دايم بعد ،،

جاري مشاهدة المقطع .. تسلم حبيبي ع الرد السريع ،،

[Black Heart]

اذا انت دايم اتوصل اهلك مشاوير ف ما انصحك بها
أما اذا العكس ف توكل على الله وخذها :d

[lonly style]

والله انا ما انصحك بالكوبيه لانها سياره لواحد في ثانوي توه يسوق ماحسها سياره عليها القيمه لو حبيت تطلع مع الاهل لو حبيت تسافر لو حبيت شي ؟؟؟

وحتى لما تجي بتبيع السياره مو مرغوبه مثل الاربعه ابواب وانت وبراحتك

[@اكورد وبس@]

والله ما أدري عن مساحتها

الاعضاء يفيدونك:d

[أبو الريش]

تــميز في عـالمك الخـاص

و تمتع بـ رفاهية الكـوبيه من أكووورد

و بالنسبة للمساحة الداخليه انا اشوفها مثل السيدان

اللهم هذيك بس فيها باب خلفي ;)

[أبو عــزوز ..]

بناء ع المقطع اللي وضعهـ الملك أكورد ..

وبناء على تجربتي بركوبي في المقعد الخلفي للكوبيهـ ..


مناسبة .. ومساحهـ كافيه للجلوس ..


طيب : ليش مايشوفها الوالد ع الطبيعة .. ويمكن يقتنع

[zeyad]

سبحان الله ابوي يقول لي خذ كوبيه وانا اقول ابي سيدان

انا الصراحه لو ابي كوبيه اخذت موتر كبير شوي يعني مرسيدس cl500 بحيث تجي السياره اصلا طويله

والاكورد ولله حلوه بكل انواعها حتى الكوبيه

بس تخيل تشوف واحد راكب كوبيه ومعه درزن حريم وش بتقول ولله شكلك يجي تحفه

الحين الى ركب 2قدام ولو انهم صغار يضحكون عليك الناس اجل كيف لو تركب 3حريم ورا ولله احسها فشيله

الكوبيه تصلح لواحد بالكثير يركب 2شباب معه غيره او واحد متزوج يركب زوجته قدام وولدينه ورا كذا يجي الشكل اوكي
اما تقلبها عائليه ماعمري شفت انا ولا هو من البرستيج بعد

ولا تزعل من كلامي

[lonly style]

اخوي زايد كلامك عين العقل ؟؟؟

اصلا ما اتخيل نفسي راكب كوبيه ومركب الوالده والخاله معاها هههههه

او مثلا لو حبيت تسافر وانتو اربعه في السياره راح تحس بضيق وتتمنى لو سيارتك كانت سيدان طبعا هدا الشي من تجربه ...

وحتى مستقبلا لو جيت تبيع ترى الكوبيه مو مرغوب مثل السيدان لان فئه معينه من الشرايين يرغبو فيه بس ؟؟
وكمان الكوبيه ينزل عليه شكل جديد تلاقي الشكل الي عندك ولا بريال

[BLK]

السيارات الكوبيه مو حقنا !

حق الأجانب الي ما يركب سياراتهم أحد ...

أما إحنا العرب عادي يركب 10 في سيارة سيدان :d

نصيحة لك خذ سيدان

و ما راح تندم

[T H A M E R]

ماقصرتوا ..

رحت اليوم للوكالة وللمرة الثانية وحسمت الأمر خلاص ،،

هوندا أكورد سيدان v6 .. ادعولي بالتوفيق ،،

[Jack]

الله يوفقك واختيار موفق

[مشعل الحربي]

اختيار موفق

وخصوصا انها 6 سلندر

بس ماقلتنا وش اللون

والله يعطيك خيرها ويكفيك شرها

[محجوب]

الله يبارك لك فيها يا ثامر اختيار رائع للـv6 ;)

[T H A M E R]

اللون لؤلؤي ان شاء الله ،،

بصراحة هو أفضل لون .. حتى لو كان منتشر !!

يعني ما أخذ أفضل لون بس عشانه منتشر :d ،،

[امبراطور الاكورد]

حرام عليك تأخذ لؤلؤي فيه اللون الجديد مره حلو الي يشبه الفيراني

[T H A M E R]

^
عندك صوره له ؟!

ما اظن يعجبني انا مقتنع باللؤلؤي

[الاخطبوط]

ألف مبروك ياثامر

الله يعطيك من خيرها ويكفيك شرها

ماخاب من إستشار ولاندم من إستخار

الكوبيه شكلها جميل جدا لكن يوم ركبتها بالوكالة الصراحه المقاعد الخلفية جدا ضيقه :p

لكن الشباب ماشاء الله كفوا ووفوا بالنصائح

ولاتنسى تبشرنا إذا إستلمت السيارة

اللؤلؤي أعتبره أفضل لون ويعيبه الإنتشار فقط >>> أكيد أفضل لون ولا ماكان تشوفه منتشر

[lonly style]

ايه احلى لون اللؤلؤي بس تعبر شارع تلاقي 10 سيارات لؤلؤي موقفين غير الي ماريين بس هههههههههههههه