بالنسبه للمشاكل ممكن تواجهكم يأصحاب الاكورد لكن ماشاء الله لم تواجهني بسيارتي السيفيك 2008 ولابسيارة اخوي 2003 ماشاء الله
بالنسبه للاسعار هذي اسعار هوندا روح شوف وكالة البحرين بتحصل السعر متقارب والامارات اعلى مننا بالسعر
السلام عليكم ورحمة الله وبركاته
كيف حالكم يا اعضاء نادي محبي هوندا ..
انا واحد مثلي مثلكم احب الهوندا لكن وش رايكم نتكلم شوي عن الهوندا قديما والهوندا حديثا ونتكلم عن الوكيل ونتكلم عن عيوب سياراتنا ومميزاتها ويكون الموضوع يستفيد منه الجمع سواء الاعضاء الجدد او الزوار ..
قديما كانت الهوندا سياره تمتاز بالجوده وقلة الاعطال خصوصا في المحركات ( قير + مكينه ) يعني انس الحاجتين دول يعني مثلا اخوي استخدم هوندا موديلها 98 وكانت تلاقي قلة عنايه يعني المقصود من قلة عنايه : عدم تبديل الزيت في المواعيد المحدده يعني السياره تمشي 10 الاف كيلو بالزيت مشاوير طويله طبعا مو داخل المدينه ثانيا عدم تسخين المحرك في الصباح ثالثا كان يلعب بالقير تنزيل نمر ومقاوم وسرعات عاليه على الطرق السريعه رابعا قلة صيانه يعني لو احتاجت السياره قطعه ما تتبدل الا بعد فتره طبعا هي ما كانت تحتاج كثير ومع ذلك السياره ما كانت تقول شي ومع احترامي ليكم وانتون بكرامه نقدر نقول عنها ( حمار شغل )
الاقمشه والبريكات ما كانت تخرب مثل ماهو الحال في سيارات هوندا الجديده الخرابات البسيطه الي احنا نقول عنها بسيطه ورخيصه بينما هي في الواقع تسحيب فلوس من العميل مثل الاقمشه والبريكات والهوبات والصيانه الدوريه الي تسحب منك بكل سهوله مبلغ 7 الاف ريال انا كان عندي 2004 استخدمتها 3 سنوات اشهد ان الوكاله بحسبتي وبجميع فواتيري سحبت مني مبلغ 3783 ريال على حكات خفيفه رش وتبديل زيوت واقمشه ... طبعا الاقمشه اخر مره بدلتها في الوكاله اخدت عندي شهرين بس وطقت نفسي قلت اروح اغيرها بره ورحت بره اخدت اقمشه اصليه ورحت لواحد يبدلها ولما بدلها قال لي اكيد بتخلص بسرعه لانك مركب تجاري قلت له انا مركب في الوكاله كيف تجاري
وراني الاقمشه صناعه المانيه ومكتوب عليها بورش <<< :d مكشخينه من قدك اقمشة بورش
نتجه الى مشكله اخرى ما كانت متواجده في الهوندا اكيد نص الاعضاء يعانو منها ؟؟
عرفتوها ؟؟
حزرو ؟؟؟
التكيف وما ادراك ماهو التكييف ؟؟؟
التكييف كان في الهوندات القديمه من ابرد ما يمكن وكانت السياره تتوقف في درجات حراره عاليه وتجي تركب السياره تشغل المكيف خمس دقائق وبدون عازل تحس بالمكيف وبرودته يعني التكييف كان ميه ميه الان بعد هدا وش نقول التكييف في سيارات هوندا نقدر نقول مسخها ؟؟؟
تركب عازل ويادوب تحس بالبرد في درجات حراره عاليه مثل ايام الحر الشديد في الظهر لما توصل الدرجات 45 وفوق ؟؟ صح كلامي او لا يا اعضاء ؟؟؟
نتجه لمشكله اخرى ؟؟؟
طبعا اكثر الاعضاء يعانو منها ؟؟؟
عرفتوها اكيد ؟؟؟
( الديكور )
انا عانيت في سيارتي وما ادري هل الشباب يعانو او لا اصوات مادري من وين طالعه والوكاله ماتدري من وين طالعه ديكور يتفكك واصوات ؟؟؟ وش هدا يعني معقوله سياره بهدا السعر تطلع اصوات كدا انا مو شاري سياره كوريه او سياره سيئة الصناعه انا شاري سياره تعتبر من اغلى السيارات في فئتها يعني اغلى من الكامري والالتيما كيف بكل سهوله تطلع اصوات والديكور يتفكك ؟؟؟
باقي المشاكل تعتبر مشاكل بسيطه مثل الحذفه وغيرها بس انا توجهت ليكم للمشاكل الي تعتبر توب في الهوندا حاليا والي ما كانت موجوده قديما ؟؟؟
السؤال هنا هل انا بالغت في وصف المشاكل ؟؟ هل الوكيل يتعمد هده المشاكل لجل تسحيب الفلوس من العميل ؟؟ هل هده كلها عيوب مصنعيه لو كانت كدلك لكان الوكيل ارسل تقرير بمشاكل الزباين للمصنع في اليابان وتصلحت العيوب هدي في موديل 2009 صح كلامي ياناس او غلط ؟؟؟
يعني الوكيل عنده علم ويقدر يصلح هدي المشاكل لكن هو متناسي الشي هدا لانه في صالحه ؟؟؟
الشي الثاني الهوندا شكلها احلى من الكامري والالتيما صح واغلى منهم يعني الهوندا تعتبر الاغلى في فئتها ؟؟ هل هي كذلك في الخارج ام هنا يتدخل طمع وجشع الوكيل في رفع الاسعار لتصبح خياليه ؟؟ معقوله سياره قيمتها 87500 مافيها حتى كشافات ؟؟؟ يعني بأختصار اشتري الكشافات على شان نسحب منك فلوس ؟؟ بينما الكامري ارفع نوع se سعره 85000 ويحتوي على مواصفات اكثر من الهوندا ؟؟؟
ابغ اعرف ياشباب العيب من الوكيل او من المصنع في اليابان في العيوب هدي وفي الاسعار وهل نستطيع التواصل مع الشركه الام في اليابان ؟؟؟
ياشباب اسف على الاطاله لكن اتمنى الكل يناقش وخصوصا مستخدمي هوندا القدماء وكبار شخصيات المنتدى واتمنى مندوبو الوكاله يشوفو الموضوع ويعرفو ان الاشياء هدي بصراحه مشاكل مو هينه وتبعد العملاء عنهم
واتمنى كل واحد يبدي رايه في الاشياء الي تكلمت عنها
بالنسبه للمشاكل ممكن تواجهكم يأصحاب الاكورد لكن ماشاء الله لم تواجهني بسيارتي السيفيك 2008 ولابسيارة اخوي 2003 ماشاء الله
بالنسبه للاسعار هذي اسعار هوندا روح شوف وكالة البحرين بتحصل السعر متقارب والامارات اعلى مننا بالسعر
يقول ابليس لله عز وجل
( وعزتك وجلالك لأغوينهم مادامت أرواحهم في أجسادهم )
ويقول الله تعالى
( وعزتي وجلالي لأغفرن لهم مادامو يستغفرونني )
استغفرك ربي واتوب اليك
شاشات ستيل كول قوقل اندرويد 3g - wifi - full hd للاكورد 2008 - 2012 تفضل بالدخول
زنـــون اللكــــزس 4300k 55w خصم 15% وشحن فيديكس مجانا لفترة محدودة
شكرا اخي ميشو على المداخله وانشالله الله يوفقك مع السفيك وننتظر بقية الاعضاء
أنا عندي أكورد 2008 .. وسيفيك 2007 .. وأكورد 92 كوبية
بصراحة ما شفت مشاكل بالسيارات ... ماشاء الله
وبالنسبة للأسعار أنا احسها طبيعية جدا .. من ناحية قطع الغيار .. بالأكسسوارات الخارجية .. أحس انها مبالغ فيها
بس بالنهاية .. شركة الهوندا بالفعل من الشركات الرائدة .. وأتمنى تزيد مواصفات السيارات الجديدة حتى ننافس الأنواع اليابانبة الفخمة
مثل الليكزس والأنفنتي
طيب ياشباب اشكر مروركم بس المكيف ماجبتو له طاري ليش ؟؟؟
هيييييييييييييييييه يا بو الشباب...أنا عندي أكورد 2007 v6 ماشية تقريباً 92 ألف..لاعن أبو أبو أبو أبو مكينتها...مافيه إلا قوة مقاومات ودزززززز..والحمد لله..ماعانيت مثل ماتقول إنك عانيت(حلوة..قصيدة:d)..لا أصوات..لا حذفات..لا تبريد ..على طاري المكيف ..أقسم قسم إنك ودك تشب النار داخل السيارة من قوة البرد..والحمد لله..ماشية معي زي اللوزززززززز..
اخوي بنسبه لتكيف انا عندي اكورد 2007 كنت زيك اشتكي كثير من التكيف
رحت للوكاله وقلت له في مشكله في التكييف وكذا قالي طيب بسوي لك تنظيف لمواصير المكيف وكل شي
قلت له طيب
رجعت استلمت السياره انا قبل اول ما اشغل السياره احط التكييف على 4 شرطات او 3
ركبت حطيتها على شرطه وحده وربي ثلجت و نزلت من التبريد شوي >> السياره سبيشل :d
خلاصه الكلام روح الوكاله قوله ينظف مواصير حق التكييف وبتشوف الفرق >> كان ودي اعلمك السعر بس المشكله اني
نسيت
تحياتي لك
مواقع النشر (المفضلة)