الموضوع: هنا تقبل مواساتي للحادث الاليم...

اول شي الحمد لله على سلامه الوالد

ثاني شي ليش هالسعر المرتفع 80000 ريال صح اني ماعرف كم تساوي بحريني

المبلغ من شكله يساوي مبلغ كبير بالبحريني

وثالثا ويش دا المده الطويله 18 ؟؟؟؟؟؟؟؟ قويه هادي يصنعون صاروخ هدلين

وانا في رايي اتبدل الشيئ الي اضرر فقط اي شي اتحس انه سليم لا تبدله

وانا في اعتقادي الورش مو ضمان الوكاله احسن

الله يسلمك أخوي راعي الاكورد..الحادث كان تافه جدا لكن التكلفه عاليه...

المبلغ يساوي بالبحريني حدود 800 دينار ...

وما دام كل شي على الضمان فأنا مايهمني حتى لو غيروا الماكينه... بكيفهم ...

الله يسلمك أخوي اتش ويعطيك العافيه..


آخر الأخبار تأتيكم من مراسلكم بوكالة هوندا :

مع احترامي للوكاله (( الدمام )) أقول ان نظام السمكره والصيانه فيه تلاعب بشكل كبير واكتشفت الشي هذا من زمان لكن تأكدت أكثر بعد موقف صار للوالد معهم .. (( معلومه : الوالد هو الي ماسك موضوع الحادث من والى لأن السياره باسمه وثانيا انا أدرس برى الدمام وأخلي سيارتي بالدمام ))

اتصلت الوكاله على الوالد يوم الاربعاء الصباح وقالوا ان فني السمكره يقول السياره ماتحتاج تغيير قطع لأن الصدمه بسيطه وبنسمكرها وراح تكلفك أقل بكثير ... قال الوالد مو مشكله .. سأل عن الفرق بين السمكره وتغيير القطع من ناحية سعر لقى الفرق حدود 1500 ريال ... آمنا بالله الفرق حلو ... مع انه على التأمين .... لكن الضحكه الي صارت انهم زادو 1400 ريال على أجور اليد (( قيمة السمكره )) ...

ذكروني بدورة المياه في الطبيعه ...:D


يعني يبغون يضحكون على الناس بطريقتهم الغبيه..

طبعا جاهم الوالد ماشي 3000000 والضغط عنده40000 وقام يهددهم بالشرطه اذا ماقابل المدير .. طبعا خافوا وجابوا نائب مدير الصيانه وقال حقك علينا ... بس هو هندي يعني هقك الينا..

وقال خلاص نغير كل شي وفيه اشياء أضافها من عنده عشان يراضي الوالد الي ملكته في ذاك الوقت نشوة النصر والانتصار ويمكن لو قال لهم غيروا ماكينه غيروها من الخوف...