اللي يعبي سيارته بنزين 95 يدخل للاهميه؟؟؟

**خط النار** · 28-01-2009, 03:56 AM

السلام عليكم
كالعاده ما احب اطول عليكم يالغاليييييين
سمعت وحبيت اقولكم لاننا كلنا هنا يد وحده ونتمنى لكم الخير
سمعت ان اي واحد يعبي 95 يروح على طول الضمان
وشركه نيسان يطبقونها بعد
اللي عنده اي خبر يفيد اللي يعبون 95 لا يبخل ؟
لاني انا اعبي 91

تحياتي لكم

**King** · 28-01-2009, 04:28 AM

السلام عليكم

وعليكم السلام

سمعت وحبيت اقولكم لاننا كلنا هنا يد وحده ونتمنى لكم الخير

الله يجزاك خير ويسلمك

سمعت ان اي واحد يعبي 95 يروح على طول الضمان

معليش يالغالي ممكن تتأكد من إلى سمعت منه الخبر وتتأكد من مصدرها

وشركه نيسان يطبقونها بعد

هذا منتدى هوندا وليس نيسان

اللي عنده اي خبر يفيد اللي يعبون 95 لا يبخل ؟

البنزين ماله أي علاقة بالضمان أبد

لاني انا اعبي 91

تعبي 91 ولا 95 ماتفرق عند الوكالة سواء هوندا ولا نيسان ولا مرسيدس

أتمنى لك التوفيق

**بريق الصحوة** · 28-01-2009, 05:05 AM

انا عبي 95 وبعدين البنزين هذا هو القديم

**accord 2007** · 28-01-2009, 05:14 AM

حتى انا سمعت اللي يغير الزيت ويحط زيت غير حق الوكاله يروح عليه الضمان
وان شاء الله من بكره ابي اغير البنزين الى 91

**المباشر** · 28-01-2009, 05:59 AM

المشاركة الأصلية كتبت بواسطة accord 2007

حتى انا سمعت اللي يغير الزيت ويحط زيت غير حق الوكاله يروح عليه الضمان

وان شاء الله من بكره ابي اغير البنزين الى 91

في كلام في خاطري بس اخليه لكوكوكورد وبعدين ودي أسألك :d

انت تتكلم من جد ولا تمزح ؟؟؟؟

**A S I M O** · 28-01-2009, 08:48 AM

وش دعوة شباب ..

ماصدقتوا الرجال يغلط ... هذا وهو يبي الخير لكم .. الله يصلحكم

على العموم اخوي ... يعطيك العافية .. وياليت تتأكد من الاخبار ..

والف عافية ..

محبك

**اللقماني** · 28-01-2009, 09:21 AM

يا اخي الكريم لا تقول كلام الا انت متأكد منه 100%

ترا اليومين هذي الشائعات صارت عادة عند الناس

ومشكور على التنبيه...

**A N M A R** · 28-01-2009, 09:35 AM

كلام فاضي

لايلغي ولاشي

انا ساعة لمن طلعت سيارتي قالي الموظف

تعبي 91 او 95 ماتفرق

**الـمـسـافـر** · 28-01-2009, 10:01 AM

**و ق د السعودية 030** · 28-01-2009, 10:04 AM

شباب شوي شوي على الرجال احس انه يقول ليتني ما حطيت الموضوع!!
وبعدين هو يقول سمت ما قال ترا الي يعبي بيروح الضمان
ومعليش على الاطاله

**المباشر** · 28-01-2009, 10:18 AM

ياشباب الله يهديكم وش فيكم على الرجال :d

حبيبي خالدي عنك : المصدر ياغالي أهم شي في الموضوع

وترى ماعليك من السالفة ( سنين راحت وبتجي والشباب قطعوا المواتر تقطيع وانتهى الضمان والكل فرحان )

الوكالة تبي منك شغلات بسيطة علشان ماتلغي الضمان ( 1- لاتلعب بظفيرة الموتر أو تلفق شغلات تضر الكهرباء )

( 2- لاتلغم الموتر او تركب قطع تجارية والموتر مازال تحت الضمان )

( 3- لاتصلح الموتر خارج الوكالة اذا كانت القطعة تشملها الضمان ) وهكذا

عبيت بنزين 91 ولا 95 مالهم خص فيك / طيب انا سافرت بالموتر وعبيت ممتاز 95 خارج المملكة وش يخصكم ياوكالة ومش معقول الغاء الضمان علشان نوعية بنزين .. هذا لو بعبي ديزل لهم حق يلغون الضمان ويحطوني في البلاك لست لعدم اهليتي لتملك سيارة

**accord 2007** · 28-01-2009, 04:07 PM

المشاركة الأصلية كتبت بواسطة المباشر

في كلام في خاطري بس اخليه لكوكوكورد وبعدين ودي أسألك :d

انت تتكلم من جد ولا تمزح ؟؟؟؟

أيش تقصد ؟؟؟ بكوكورد
ومن جد انا ابتداءً من اليوم اعبي 91:d
تعرف ليه <<<معه ايجار اكسنت لان سيارته في الورشه ;)

**dhsv2** · 28-01-2009, 08:26 PM

هو كل شيئ جايز خخخخخ من الوكالة بس ماضن الخبر صحيح لانة اناا كل ماودي السيارة الوكالة لو اقول لهم سيارتي ترج قالو لي ويش تعبي اقل 95 يسكت الموضف

**خط النار** · 28-01-2009, 11:56 PM

للاسف الشديد كنت اتوقع انكم ارقى من هالاسلوب الي يدل على صغر العقول مع احترامي الشديد للمباشر واللي مثل شرواه
صدق من قال سو خير تجد شر انا قلتلكم اسالو وتراني ادري ان هذا المنتدى هوندا بس اللي ما وصل لحد تفكيري فهذي مشكلته واللي يقول اذا عبيت ماء للمساحات من برى الوكاله راح الضمان فانا اقوله عقلك بس يالحبيب ؟؟؟؟؟؟

**FiRe || TeaR** · 29-01-2009, 12:30 AM

ياخواان , الرجال ترا حط كلمة ويبي النقااش ,

ماقاال شئ , هو ينااقش

ولاتخلون الرجال يندم على المـوضوع ,

وفعلاً , انا موتري جديد ومحتر وش اعبئ بنزين 95 ولا 91 , وكل اللي اعرفهم يعبون 91 , اما 95 ماعرف احد يستعمله ,

كلامي على الأكورد 2009 أو 2008

انت يالغلا , على اي موديل تقصد ؟!

**المباشر** · 29-01-2009, 02:54 AM

^^^^^^^^^^

حبيب قلبي الكلام كثير عن نوعية البنزين لكن الأغلبية اتفقوا على 95 انه افضل للموتر

توكل على الله وفلها مع الأحمر

**ابوعليان** · 29-01-2009, 03:14 AM

يعطيك العافيه اخوي على فتحك لموضوع للنقاش فيه بس حبيت ابلغ للناس كلها ان 95 افضل البنزين من 91 واذا بغيت تجرب مين الافضل استعمل سياره قديمه وعبها 91 ونفس اللشيء عبها 95 شوف الفرق مين الاحسن طبعا 95 هو الاحس والافضل لكل انواع السيارات بالمملكة

وشكرا

**momo** · 29-01-2009, 04:27 AM

الوكاله قالو لي 91 ليه اعبي 95

**خط النار** · 29-01-2009, 11:41 AM

الله يعطيكم العافيه وماقصرتوا وانا يالغالي اقصد موديل 08 و09
شاكر ومقدر

**B Useful** · 30-01-2009, 10:20 AM

اهل العقول في راحة (.......) طوط .

**الاخطبوط** · 30-01-2009, 05:11 PM

شوف الكلام النظري هو اللي مكتوب بكتالوج السيارة

على ماأذكر انه 89 اوكتان اذا ماكنت غلطان

واذا زدت عن ذلك >>> يعني مثلا عبيت 91 او 95 فهو مجرد صرف مال زائد بدون فائدة

لكن حسب تجربتي وتجربة بعض الشباب

بنزين 95 صرفيته أقل ويعطي عزم اكبر وصوت الماكينة يكون أهدأ

الخلاصه لو تعبي 95 مايروح الضمان لانه اللي يضر الماكينة هو نقص الاوكتان وليس العكس

ورجاء من الاخوان اللي عنده كلام مفيد يقوله والا فالصمت من ذهب