الموضوع: الطبه في الاكورد مثل الطبه في الاسهم السعوديه

السلام عليكم ازيكوا يا شباب
شايفنلي اكورد 6 سلندر امريكيه على النت والسياره مرررره ورده وفل كامل من الى
والله اني كل يوم افك عليها واقول يارب ما تنباع احسها لقطه يا جماعه الربع
ما ادري لو قدر الله علي وشريتها هل ساقعدبها يعني هل صيانتها يوفرها الوكيل او لا قدر الله سار فيها شي كذا والا كذا
اقدر اسويها هنا وهل قطع الغيار متوفره
والله اني اعرف ان شراء سياره من زفتيكا قصدي امريكا مغامره مثل الطبه في الاسهم السعوديه لكن مواصفات السياره مرررره مغريه اقصد تشتري سياره بدون ما تشوفها

( شوروا علي بما يمليه عليكم ضميركم ولكم مني جزيل الشكر والتقدير والعطاء بما اقدر)

محبكم : حسن ال ثابت
kfupm

اخوي انتبه ترى مواصفاتها مختلفه و محد يقدر على صيانتها و قطعها غير الي عندنا يعني معقده هذا رأي و حسب معرفتي

الافضل لا لانها مو مصممه للخليج المواصفات الخليجيه افضل في هالاجواء الحر اقصد

لاكن اذا انتا مصمم خذ من البحرين من الي حوالينا افضل مواصفات وسعر بس مواصفات زياده بسيطه

بالنسبه للمواصفات اكيد بتكون احلى وافضل لكن من ناحيه الصيانه اقولك هي من دحين مالها صيانه في الوكاله نهائيا وممكن تلاقي قطع غيار ومن ناحيه الصيانه ممكن الورش المتخصصه في سيارات هوندا تصلحها لانو واحد من العيال معاه اكورد 2004 كوبيه امريكيه ماشيه معاه تمام التمام وما اشتكى منها وشفت كم اكورد امريكيه عندنا في جده وما اتوقع انو فيه اختلافي كبير بينها وبين الخليجيه

وهاذا الي عندي واخر شي اقولك هوا ;)لا تنسا الاستخاره من استخار ما خاب

اخوي انا بعطيك شي يمكن تتذكره لو اشتريت السياره ...

القير ثم القير ثم القير ما يتحمل حراره ابد الكتروني وحساس يعني مو حق السعوديه ..مثل قير اللومينات اس اس ..

اما بالنسبه لقطع الغيار انشالله متوفره ...

بالنسبه لمواصفات السياره الامريكي مواصفاته كثيره بلوتوث وتدفئه وتبريد للمقاعد وغيره والسياره مغريه وسته سلندر بس في النهايه الامر راجع لك لو لك رغبه توكل على الله واشتريها .

على فكره الصيانه ما تختلف شي عن الخليج يعني في ورشات متخصصه لهوندا وحتى لو كانت غير متخصصه وقطع الغيار انشالله متوفره <<< هدا الكلام في القطيف مادري خارج القطيف يختلف او لا ..

لكن مثل ما قلت لك قيرها الكتروني مايتحمل حراره

يا شيخ استخير الله واذا ارتحت اشتريها يعني حتسوي شي في الشركة لاقدر الله وصار شي في سيارتك ... الشركة تذبح على غير قبلة السيارات الجديدة ما يعرفو يصلحوها وهيا من هنا ومن عندهم... ما عندهم الا كلمة عادي مافيها شي ..

المشاركة الأصلية كتبت بواسطة accord 2007

صراحه اشوف الكلام كثير وكل واحد يكتب من راسه

اللي يقول صيانه وقطع ومافي ورش
والله حسيت انها Airbus' A380 ماهي Accord
اخوي اذا عجبتك حاول تراسل البائع وخذ منه جميع المعلومات عن السياره
وان شاء الله يكتب اللي فيه خير

والله انا مالومك يوم تفكر هذ التفكير واهنيك صراحه على تفكيرك هذا
وبكل صراحه الاكورد الامريكيه تستاهل انك تغامر وتطلبها من برى
واهم شي انك تكون Unique بين الناس<< مايقصد المشرف العام

لاكن على موضوع الصيانه والقطع
انا ماابي اتفلسف واصرف كلام واقول كلام ماعندي علم فيه
يكون في علمك ان جميع قطع الاكورد الامريكيه هي نفسها قطع الاكورد اللي عندنا
واذا تبي تتأكد ادخل اي موقوع مختص بقطع الغيار وقارن ارقام القطع بارقام القطع عندنا في الخليج
ورايح تتأكد ان كلامي صحيح 100%
تحياتي لك

واتمنى مااحد يجي يتفلسف بعدي
اللي عنده شي ؟؟؟؟
يحطلي الدليل مع الرابط ومن وين جاب الكلام
ويبشر لو يبينا نفتح موضوع نقاش اهم شي نطلع بكلام واقعي

مو كلام على الفاضي

اخوي طيارة الايرباص A380 مالها قطع غيار عندنا بس انت استوردها :d

ما هذا المنجم المهجور الذي مر عيه عليه عمال التنقيب عن الذهب ولم يجدوا فيه شيأً فقرروا الذهاب ولعلهم كتبوا على منفذ الدخول لهذا المنجم وهم خارجون " آيل للسقوط " حتى لا يدخله احد من بعدهم فلا نفع من ذللك المنجم.
لم اعد اسمع في هذا المنجم الى ارتدادات صوتي،اسئلتي،استفساراتي،حيرتي القاتله.
فقررت ايضًا ان اخرج من هذا المنجم المهجور ولعلى لن اعود اليه سابحث عن منجم اخر في احد الهجر الاخرى.
فلعلى اجد هناك من يساعدني لاجد ضالتي.

ولن انسى ما حييت كل من رد علي وساعدني وساحاول ان اساعده بما استيطع حتى ارد له جزء من هذا الجميل والتعاون
شكرًا.وداعًا

والله مدري وش اقولك

بس اللي اقوله الأمريكية فخامة << مسوي جاايب شئ جديد &&

وبالنسبة للفير الألكتروني أول مرهـ اسمع به الصراحة , لأني مالي بالسيارات المستوردة

بس بصراحة الأكورد الأمريكية فرق عن السعودية بمليون حاجة , مثل نظام الصوت , والشاشة تختلف لأنه اللي عندهم فيها كل شئ مثل النفوقيشن , بس مادري متوفر فيها الدولة الي تبغى ولالا :(

وكذلك عندك التدفئة للمراتب , واشياء كثيرة

بس ابسألك , اللون وشو

والله لقيت الوان كثير يعني لولي وذهبي واحمر وكحلي تقريبا كل الالوان اللي بالسعوديه
لكن اللي طحت في حبها من اول نظره وكتيت فيها الموضوع لونها رصاصي

ينقل للقسم العام مع التحية

هلا فيك أخوي

شوف بقول لك شي عن واقع تجربه لأن أكوردي أمريكيه 2005

الحمد لله السياره لها معاي الحين سنتين ولا عانيت من أي مشكله "ماشاء الله"

بإستثناء بعض الأمور

1- أولا ريمونت السياره ضاع مني فأضطريت أروح الوكاله وللأسف جاوبني المهندس إن أكوردي فيها جهاز إنظار زي إلي بالفورد ( بوري ) وقال لي حرام تشتري لها ريمونت من عندنا (بدون الإنظار) جيبه من برى أفضل لك
فلما سافرت الأردن بالصيفيه رحت الوكاله عندهم وأشتريته بكل سهوله.

2- الشي الثاني لما جيت بنزل السياره أكتشفت إن اليايات الأمامية تختلف عن الخليجي ( من فوق أكبر من تحت شكل مخروطي )
وبرضه نفس القصه أشتريت لها يايات إيباخ من الأردن.

من ناحية الصيانه بالوكالة لا تخاف ما تختلف كثير

توكل على الله وأشترها بعد الأستخاره

.
.
.
:o


تحياتي لك"MaLiK1987

المشاركة الأصلية كتبت بواسطة كوكو كورد

المنجم مليئ بالعمال ،، لكن ،، احدهم مسافر والاخر مريض والاخر عندة اختبار والرابع قدم استقالة والعاشر عندة حالة وفاة والخامس مافية حيل يكتب والعشرطعش طاحت علية حصاة كبيرة والثاني زرف ذهب وراح يبيعة والاخر طالع يدخن برا المنجم وفية 4 (سعوديين) قاعدين يصورون رقم عشرطعش اللي طاحت علية الحصاة وواحد معة كونكت موبايلي جوة المنجم يطقطق على ترافيان ،،، ،،، فلذلك ،،، متى مارجع العمال للشغل وشافو موضوعك بيردون عليك ويفيدونك ،، وكل واحد ولة ظروفة ،، لا تتوقع ان العلم بيجيك بين يوم وليلة ولا تتوقع ان السيارة اذا طلبتها من امريكا بتجيك خلال 7 ايام عبر dhlبتجيك خلال 4 اشهر عبر المحيط !!!

هذا هو حال المتيم والمحب يا ابن الحلال
الدقيقه عنده بساعه
ولكن انا لم اعني ما قلته عن كونه منجم مهجور، عداه العيب، بس كان ودي احمس الشباب واثيرهم شوي
حاشاه يكون مهجور وامثالك فيه وجميع الاخوان والنعم فيك وفيهم

اقول هات الموقع ..

الظاهر إني باشريها انا .. :d

من ناحيتي بدون فلسفه .. توكل على الله ..


تحيتـ ي ..

والله الشباب فيهم الخير ماقصروا عطوك المفيد وأكثر

بخصوص الريموت للموتر الأمريكي قبل الطلب من النت ممكن يكون موجود عند الشباب ومنهم الأخطبوط اذا كان للحين عنده موجود:d ممكن التجربة وبرمجته على الموتر واذا تبرمج بعدها قصه بأي محل مفاتيح

مافي فايده ، انا قلت بحصل حق السعي الحين لكن خربت السالفة :d

هاااه بشر شريت ...
ترااا من الحين أول وااحد يفر به من المنتدي أنا :p

المشاركة الأصلية كتبت بواسطة AHN

هاااه بشر شريت ...


ترااا من الحين أول وااحد يفر به من المنتدي أنا :p

لا والله بعدي اشاور واطقس واشوف
لكن ابشر اذا شريت ابا اخليها معك اسبوع :d