مواصفات جديدة للاكورد

**هوندا للابد** · 02-02-2009, 12:52 AM

السلام عليكم
جايب ليكم موضوع مفيد للي
للحين ما اشترى اكورد
اليوم وانا اصفح الجريدة
القى صورة اكورد 2009
المفاجاة القير صار تبترونك (vgr)
والسكان صار رياضي واصغر
في الستة بس متوفر على ما اعتقد

بس الي يقهر ليش جدي احنا اصحاب 2008
مظلومين من كلشي في الاكورد لا قير تبترونك
ولا في اس ايه ( للاربعة سلندر )
والحركة الجديدة قير تبترونك ليش من البداية
ما خلو هل الاشياء وريحونا المواصفات اجي
في كل موديل صفة جديدة
يعني وش المقصد من الحركة البايخة من هوندا
توه الاكورد ثاني سنة ليها ليش جدي اسون فينا
احس نفسي بكره شىء اسمه هوندا الظاهر اذا جدي
الحركة السيارة اجي بدون مواصفات وبعدين فجاة
اجي المواصفات شوي شوي ( بس انا عشقي
شىء اسمه هوندا )

وانتظر تعليقاتكم

**B Useful** · 02-02-2009, 01:05 AM

اما قير تبترونك على الاكورد !! صراحة صدمة !!

صدمة قوية لكل اللي شروا 2009 هالدفعة اللي بالسوق واللي معهم 2008 بعد ،،

لكن بالله عطني رابط هالجريدة خلني امتع نظري ولا عالاقل اروح ادورها عند الشيبان ،،

سالفة هوندا والتبترونك بدأو فيها هالسنة ،، (على ما اظن ) هالسنة سيفيك 2009 و الجاز 2009 كلها فيها خيار التبترونيك ،،

واهم حاجة ^^ كلهم التحكم بالقير من خلف الدركسون ^^ مثل السيارات السوبر سبورت ،،

اتطلع لشوفة هالاكورد بفارغ الصبر ،،

اذا الجريدة قريبة من عندك الله لا يهينك حط صور هالاكورد ،،

الحين بيجيكم CIVICORD مقهور على موترة 2008 مافية VSA ويبي يركبة ،،، وش بيقول لا درى عن التبترونيك ؟؟؟ اتوقع بيغمى علية خخخخ:p

**meshoo** · 02-02-2009, 01:10 AM

شي غريب انهم ينزلونها بسيارات 2009 الدفعه الثانيه

وليه ماتكون بالدفعه الاولى ؟؟ زي السيفيك والجاز 2009

**هوندا للابد** · 02-02-2009, 01:13 AM

**T H A M E R** · 02-02-2009, 01:48 AM

أوما !!

انا خلال يومين بأطلّع 2009 v6 ... تكفون أكدوا لنا الخبر !

**O m a r** · 02-02-2009, 01:52 AM

وشو التبترونك ؟

**business man** · 02-02-2009, 02:03 AM

انا اتوقع ذي الحركه انه كل سنه يزيد الوكيل صفه في السياره على اساس انه يظهر انه في تجديد في السياره عشان يكون في اقبال على السياره اما اذا نزلها دفعه وحده من بدايه تغير شكل السياره حيضطر انه خلال خمس سنوات على الاكثر انه ينزل السياره بالمواصفات نفسها وبالتالي راح يقل الاقبال عليها لانها ماتحتوي مواصفات جديده فالشغله كلها سياسه تجاريه ارجو انه تكون وضحت الصوره
تحياتي للكل

**هوندا للابد** · 02-02-2009, 02:03 AM

مسامحة يا شباب الخبر طلع انا غلطان في السالفة
وسامحوني جفت مكتوب في الاعلان vgr
نسبة التغير في المقود وفكرت انه تبترونك

وبالمناسبة هذا النظام على ما اظن طريقة عمله
نفس نظام التبترونك( ترى مو متأكد اذا نفس طريقة
عمل نظام التبترونك او لا بس افترضت ذلك )

vgr
نسبة التغير في المقود( انا هل العبارة خلتني احسب تبترونك
وطلع مو تبترونك)
تضمن مناورة عالية الكفاءة ثبات وتحكم من خلال
الاستجابة الدقيقة لرغبة السائق . كما توفر مقودا رياضيا
ذا نصف قطر أصغر من العادي

مسامحة مرة ثانية خطأ مني
صار قريت الاعلان قلت وش الجديد
طلع نفسها ما فيها شىء جديد
2009 ما تبدل فيها شىء نفسها
بس انا قريت الاعلان بالغلط
بس استفدتون وعرفتون وش فايدة
( يمكن البعض يعرف فايدته من قبل )
بس انا توني اليوم عارف فايدته هل النظام)
هذا النظام الي انا كنت ما اعرف وش سالفة
قبل

بس توقعي في اخر سنتين للموديل الحالي توقع بتنزل تبترونك
نفس ما صار في السيفيك لان الهوندا دائما اخر موديلين اصير
الاضافات العدلة على السيارة
اتمنى من الادارة حذف الموضوع

**T H A M E R** · 02-02-2009, 02:26 AM

الله يهديك خوّفتنا :( !!

أنا بأودي أوراق السياره بكرا او بعده .. شفت الموضوع اكتئبت صراحه :( ،،

اجتهاد تشكر عليه ماقصرت ،،

____

**ulv** · 02-02-2009, 02:28 AM

اهااا بس نظام vsa المفروض يكون بالاكوردات كلها يعني السيفيك الجديده فيها دا النظام والنظام دا نظام ثبات السياره عند اللفات القويه وشكرااااااااااااا

**هوندا للابد** · 02-02-2009, 02:31 AM

سامحوني والله انا نفسكم قلت بكره
بروح الوكالة بشوف وش صار
بس من جفت هل العبارة قلت يمكن تبترونك
وطلع مو تبترونك وطبعا قلت بما اني شفتها جدي
لازم افيد الكل في المنتدى بس طلعت انا فهمت السالفة
بالغلط وان شاء الله اي جديد بذكره ليكم هني

سؤال وش هل النظام vgr
يعني وش فايدته بالضبط يعني يعطيك
تسارع رياضي ومن هل الامور
بس ليش كاتبين ( نسبة تغير من المقود)
لان هل النظام عرفنه فايدته وهل هو موجود
بكل السيارات لو بس السيارات الرياضية

**Tony** · 02-02-2009, 03:38 AM

أخواني (VGR (variable gear ratio
و موجود في 2008-2009
هو نظام يحافظ عللى مسنن علبة السرعة الأصغر عندما يتحسسس المقود لأي مناورة أو التفف

يعني اذا انت كنت تلف بسرعة مثلا يجب أن تكون فيها السيارة على الثاني وزدت سرعت فالسيارة بالوضع الطبيعي تضع الثالث
أما عندما يتحسس المقود الالتفاف تبقي السيارة عالثاني ليش؟
لأنها دفع أمامي ففي هذه الحالة يصبح هناك عزم أقوى عاى الاطارات الأمامية و بالتالي تقوم بسحب السيارة مع الانعطاف
انشاء الله يكون شرحي واضح

**T H A M E R** · 02-02-2009, 03:46 AM

المشاركة الأصلية كتبت بواسطة tony

أخواني (vgr (variable gear ratio
و موجود في 2008-2009
هو نظام يحافظ عللى مسنن علبة السرعة الأصغر عندما يتحسسس المقود لأي مناورة أو التفف

يعني اذا انت كنت تلف بسرعة مثلا يجب أن تكون فيها السيارة على الثاني وزدت سرعت فالسيارة بالوضع الطبيعي تضع الثالث
أما عندما يتحسس المقود الالتفاف تبقي السيارة عالثاني ليش؟
لأنها دفع أمامي ففي هذه الحالة يصبح هناك عزم أقوى عاى الاطارات الأمامية و بالتالي تقوم بسحب السيارة مع الانعطاف
انشاء الله يكون شرحي واضح

ماقصرت حبيبي واضح .. ريحتنا الله يريّحك ،،