شباب ابي رايك بسرعه

[leader--_]

السلام عليكم تحياتي لكم عشاق هوندا

انا عاشق جديد لها و انا ابي رايكم انا محتار بين اكورد
فل كامل 2007 ماشية 30000 نظيفه مره وسعرها 69000

وبين اكورد 2008 standard بس ماادري كم باحصلها ؟؟؟

علما بان ميزانيتي حول 72000

اتمنى مساعدتي ياشباب شاكر للجميع

[meshoo]

في فرق كبير بين الفل والسياحي

بس انا مادري لو اخذت 2007 مابتتحسف انك ماخذت 2008 لان الشكل الجديد فخامه اكثر

طيب ليه ماتشوف لك 2008 سبيشل انا كم مره اشوفها بالمبوبه سبيشل 2008 واسود بـ 69 الف

[مشآري]

اذا كانت 2008 سبيشل وكاله اخذها افضل بـ كثير من المستعمل لانها ستكون على ايدك (دورها بالمعارض ان شاء الله راح تحصلها ارخص من الوكاله وتناسب ميزانيتك)

[meshoo]

^^^

2008 سبيشل وكاله كانت بـ 83.000

[مشآري]

^^^
والحين بكم ؟؟
ومع نصف شهر 2009 رآآح تنزل اسعار السيارات

[A C C O R D 0 8]

8888

كلام لااساس له من الصحه على ارض الواقع ..


بالتوفيق لصاحب الموضوع وانا من رأأي

انك تبحث بالمعارض جديد او مستعمل ..

افضل لك من شراء سياره نزل موديل احدث منها وتغير الشكل ..

لاسيما ان هناك زياده بالفخامه والهيبهـ ..

[leader--_]

شاكر للجميع ........ شباب يعني اتوكل وادور سياحي 2008؟؟ انا رايح وطي مع 2008 كفون ادعوا لي احصل سياره نظيفة 2008 لؤلؤي <<يتشرط بعد هههههههههه

تحياتي لكم

[meshoo]

^^^^

ان شاء الله تحصل بلي معك 2008 سبيشل يعني بفتحه

السياحي ماينفع لان السياره حلاتها بالفتحه ويبقى عليك بعض الاضافات يعني تغير مسكة الباب الى كروم وتركب جنط الفل وتصير كشكل خارجي زي الفل على الاقل اصرف من السياحي عشان ماتكرها بعدين

[يحياتوووو]

دور 2008 سبيشل نظيف حدود 74000 ولولي بعد من جده نظيفففف جدااااا

[الـمـسـافـر]

اذا بتشتري سياره سياحي لا تشتري << وش دخلك :d

حلاه الهوندا بـ فتحه السقف

وباقي الاكسسوارات لاحق عليها اذا بتقلبها فل

[Classic Design]

تكفى لا تشتري 2007 إذا أنت تقدر على 2008 حتى لو سبشل

2007 فل >> 6 سيديات و مثبت سرعة و مكيف الكتروني

2008 اسبيشل >> سي دي واحد و مثبت سرعة و تحكم بالصوت من الدركسون و ما أدري فيها حساس درجة الحرارة ولا لا


لكن صراحه أنا معي 2004 فل و ركبت مع واحد من العيال معه 2008 سبيشل صراااحه فرق كبيييييير أول شيء من ناحية الراحه و ثانيا من ناحية العزل للصوت و لا تنسى الشكل أفخم بكثير من 2007


أخيرا و آسف إن أطلت موفق إن شاء الله

[leader--_]

بيض الله وجيهكم

اليوم ستبدا رحلة اللا نهاية للبحث عن اكورد سبيشل لؤلؤي

[بروفيسور أكورد]

الله يوفقك لكن احس 2007 69 ألف غالي وانا من ناحيتي افضل 2007 على 2008 ماادري يمكن عشاني ماجربت 2008

شكراا
بروفيسور أكورد

[lonly style]

والله اخوي الشكل الجديد افخم بكثير انا انصحك لو كانت ميزانيتك كدا اشتري من الوكاله اعطيهم 72 الف ةقسط الباقي خد سبيشل تضمنها جديده ومو ماشيه شي طبلونها اصفار وتختار اللون الي في بالك

[أغـار يا هـوندا]

ياخوي لا تفكر إلا في 2008 بس خذ اسبشل والله دلع
دبر وضعك يمين ويسار واشتر اسبشل والله فــــــــــــــلـــــــــه
وبالتوفيق ياغالي

[reko]

معلييييش هوندا فل كامل 2007 احسن عندي بالف مره من الــ سبيشل 2009 حتى مع احترامي لآرائكم يا شباب
انا عندي سبيشل 4سلندر 2009 والله مافيها غير فتحه وبس السياره ممله سي دي واحد مقاعد بدون كهربا والتعتيم حق المرايا يدوي والمرايا الجانبيه تسفطها يدوي والدركسون يدوي وغير المكيف مو الكتروني واكيد الـ 2007 فل احسن بس االي حصلتها سعرها غالي اشوف ان شاء الله انزل موضوع ثاني في قسم البيع واصرفها بس هذا رأيي وانا اسف ع الاطاله
اخخخخ يا عبد الله هاشم عليك اللحمه :p

[leader--_]

خلاص ياشباب ابشركم تم شراء اكورد سبيشل 2008 اسود دعواتكم لي بالتوفيق

[meshoo]

^^^^

ماشاء الله عليك شكلك تعبت حتى حصلتها

والف مبروك

عاد قولنا بكم اخذتها وكم ماشيه ؟

وليه ماحصلت ابيض لؤلؤي ؟

[أغـار يا هـوندا]

الله يعطيك ألف عافية وانتبه من العين والله يحرسك
والله إني فرحااااااااااااااااااااااااان لك
مع إني ما أعرفك

[Slow revenge]

كل واحد ووجهة نظره زي ماقال اغآر :o عن نفسي باخذ 2009 جديده حتى لو كان سبيشل ولا آخذ مستعمل وشكل قديـم ويعطيكم العافيه

[Slow revenge]

<< بدري توك تحط رايك معليش :d

على العموم الله يعطيك خيرها ويكفيك شرها يآرب والله لايضرك ان شاء الله وبالتوفيـق :o

[leader--_]

الحمد لله السيره ماشيه ثلاثه الاف 3000 وراعيهل مخشبها من الابداع ضمان 10 سنوات تخشيب وكاله
ومركب كشافات وكاله

واخذتها ب 72000 والله يعطيني من خيرها ويكفيني شرها

[Y.k.A]

الله يعطيك خيرها ويكفيك شرها

[بروفيسور أكورد]

الله يعطيك خيره ويكفيك شره


ومبروك السياره


شكراا
بروفيسور اكورد

[@اكورد وبس@]

الله يعطيك من خيرها ويكفيك من شرها