تـحـذيـر:هام جدا زيت "كاسترول warning:very important "CASTROL ENGINE OIL" حتى ماتروح

**AHN** · 12-02-2009, 01:46 PM

السلام عليكم ورحمة الله

::::::كما وصلني على الايميل ونقلته لكم للاهميه:::::::

أولا هذه القصة حدثت معي شخصيا وليست منقولة والله على ما أقول شهيد:

سيارتي فورد- فكتوريا والسيارة ولله الحمد لم تكن تعاني من أي مشاكل ميكانيكية وعندما ذهبت لتغيير زيت الماكينة نصحني البنشري بزيت كاسترول (الكل يلاحظ عند سؤال البنشري، ماهو أفضل زيت؟ على طول يجاوب كاسترول، تعرفوا ليش؟؟؟ لأنه شركة كاسترول تعطيهم هدايا وسبائك ذهب على عدد مبيعات كراتين الزيت) المهم اخذت بنصيحته وغيرت كاسترول.

بعد فترة 3000 كلم شغلت السيارة صباحا وأفاجأ بظهور لمبة الزيت لأول مرة!! قمت بفحص الزيت فوجدته ناقص علبة!! قمت بزيادته وتجاهلت الأمر.

وبعد تغيير الزيت للمرة الثانية وبعد 3 أيام فقط عادت اللمبة للظهور وتستمر لمدة عشر دقائق ثم تختفي، عند ذلك ذهبت لورشة متخصص بالميكانيكا فأخبرت المهندس عن مشكلتي، تدرون ماذا سألني أول سؤال؟

قال لي انت تستخدم زيت كاسترول؟ انا استغربت من سؤاله وقلت له نعم.

قالي تعال شوف هذه السيارات. وشفت عنده 3 سيارات جمس 2007 ويوكون 2007 وكابريس 2006

جميع مكائن السيارات الثلاث داخلها ترسبات سوداء محروقة، الجمس ماكينته الله يعوض على راعيها واليوكون سبائك الماكينة روحت والكابريس صفايات البساتيم مقفلة بسبب الترسبات!!!!! وكلهم استخدموا زيت كاسترول.

سألته ايش السبب قالي فيه كمية كبيرة من زيت كاسترول منتشرة في البناشر معاد تصنيعها (اصلها زيوت مخلوطة زيت مكائن على جيربوكس على فرامل كوكتيل يعني) ثم يضاف لها صبغة وتصير كانها جديدة ويمكن يضيفوا ريحة زيت جايز برضوا.

المهم ذهبت فورا لاقرب بنشر وغيرت شل سوبر بلس واختفت اللمبة ولكن اكيد الماكينة تضررت لذا الله يستر وحسبنا الله ونعم الوكيل على اللي يبيعونه وهم يعلمون بضرره عديمي الضمير ربنا لا يوفقهم.

وهذه قصص أخرى لنفس المشكلة وجدتها في منتديات أخرى:

تحذير لمستخدمي زيت: كاسترول جي تي

يقول المثل إسأل مجرب ولا تسأل طبيب
وهذه تجربتي لكم مع نوع من زيوت السيارات وهو زيت:
" كاسترول جي تي "
أسوقها للتحذير مما وقع لي.
القصة يا أخوان عندي ثلاث سيارات .. للولد الكبير وسواق العائلة ومحاكيكم !!
كنت من الحرص على عدم نسيان غيار الزيوت أمشي بها للمحطة القريبة عند البيت واغير زيوتها مع بعض حتى لا ننسى شيء منها خصوصاً وحركتها متقاربة بحيث تحتاج تغيير الزيت مع بعض ..

كان الزيت المفضل لي سابقاً "سوبر شل" ثم تحولت إلى "بترومين أكسترا" بنصيحة خبير وفقه الله وجزاه عني خير الجزاء فلم أرى فيهما إلاّ خيرا ..
في أحد المرات وأنا أهم بتغيير زيت السيارات وقد اصطحبتها لنفس المحطة .. لزم علي وأغراني "البنشري" بالدعاية .. وبحكم أني زبون كما يقول .. وهو ناصح لي بأن أغير للسيارات زيت:
" كاسترول جي تي "
وقدر الله علي أن استجيب لهذه الدعاية .. وغيرت زيت السيارات الثلاث من نفس النوع !! وقبل حلول الوقت التالي لتغيير الزيت بفترة فاجأني السائق بأن زيت السياراة "فارغ" !!
سارعات للسيارات الأخرى فوجدتها على نفس الحالة طرف العيار فقط يصل لخزان الزيت !! وسيارة الولد ولعت لمبة الزيت فيها .. أخذت السيارات مسرعاً لصاحبنا الذي علل ذلك بتعليل غريب وهو أن الزيت خفيف ولا يناسب الاّ السيارات الجديدة !!
رغم أن كل سياراتي حديثة الموديل ولا تشتكي من تهريب أو مشاكل ميكانيكية أخرى !!
خرجت غضبان من صاحبي واتجهت لأقرب محطة ورجعت للزيت الأول "سوبر شل" وصحيح قديمك نديمك ،،
أسوق هذه التجربة للتحذيرفقط فانتبهو لمعايرة زيوت سياراتكم يا من تستخدمون زيوت من نوع:
" كاسترول جي تي "

وهذه قصة أخرى:

احذرواا زيت كاسترول يااخوان

السلام عليكم ورحمة الله وبركاته

يااخوان اتعهد امام الله ان ماقوله في ذمتي

يااخوان زيوت كاسترول (تم تجربه كافة انواع اللزوجه ) سبب في تخبيط سيارتين في البيت و3 سيارات لاصحابي وكلها سيارات حديثه 2005 الى 2007 يستخدمون زيوت كاسترول من فترات طويله

يااخوان زيوت كاسترول يتبخر وينقص منه كثير فصاحب السياره كل مره يغير زيت كاسترول وكل مره بعد المشي ينقص معه وكل مره ينقص على كل تغييره وبعد فتره السبايك الصبابات عمود الكرنك يسبب تخبيط بالمكينه لكثره نقصان الزيت في السياره

واذا حبيتو تتاكدو غير زيت كاسترول وشيك كل فتره تجد الزيت ينقص دائما
يااخوان احذروا هذا الزيت احذروه لااريد من اخواني يقعون في هذا المكروه

حسبي الله ونعم الوكيل من كان السبب في استمرار وجود هذي البضاعه الفاسده

لذلك وجب التنويه وحسبنا الله عليهم وربنا يعوضنا واياكم خير...

اللهم هل بلغت اللهم فاشهد

ياشباب الي كتب الايميل والي ارسلها لي سواه لوجه الله....عشان مايطيح احد من المسلمين في هالزيت ويوضب مكينه كامله وانتو عارفين البير وغطاه هالايام

الرجاء النشر في جميع المنتديات والجروبات

>>>مــــنـــــــقــــــول<<<

**نحيب الاماكن** · 12-02-2009, 01:55 PM

مشكور اخوي على النصيحه وربي انت خوفتني كذ1

انا اغير كاسترول والحمدالله ماصار شي ونفس كلامك فعلا

تقول ايش احسن زيت يقلك كاسترول :d

تقبل مروري

**برفسور الأكورد** · 12-02-2009, 02:07 PM

انا سيارتي ماشيه 50.000 ومن طلعتها من الوكالة
وأنا أستخدم زيت كاسترول وشاري منه كرتون
والحمد ماصار لسيارتي أي شي.

بس الله يستر في المستقبل لايصير لي مثل ماصار لهم
وعلى فكرة أنا ملاحظ أن البناشر يسون دعايه لزيت كاسترول!

طيب أنا بغير الزيت وش تنصحوني؟؟
أبي زيت مضمون.

وشكراً على النصيحة.

**المـــــلكـ اكـــــورد** · 12-02-2009, 03:08 PM

والله انا في سيارتي اللي بعتها كنت مااغير الا كاسترول جي تي واحيانا كاسترول ماجناتيك

ولما بعتها فحصها المشتري وكان معدل عمل المكينة (بشكل عام) 96%<<نجحت

ولاعمري نقص عندي الزيت ودايما البنشري اللي اتعامل معاه يقولي ماشاء الله الزيت المفرغ اخو الجديد

<وهذي تجربتي الشخصية

تحياتي

**meshoo** · 12-02-2009, 03:21 PM

طيب انتو لاتاخذون زيت كاسترول من البناشر اشتروه بالكرتون من رد كاب وماشابه واشترو فلاتر من الوكاله واذا جيت تغير الزيت خذ معك كم علبة زيت مع فلتر واقرب بنشري افضل واضمن لك من انك تطلب الزيت من البنشري

**محمد بن عبد العزيز** · 12-02-2009, 03:42 PM

قالي فيه كمية كبيرة من زيت كاسترول منتشرة في البناشر معاد تصنيعها

هذا الشي الي يجهلونه الناس
مايصدقون فيه زيت مكرر او زيت معاد تصنيعه

يااخوان زيوت كاسترول (تم تجربه كافة انواع اللزوجه ) سبب في تخبيط سيارتين في البيت و3 سيارات لاصحابي وكلها سيارات حديثه 2005 الى 2007 يستخدمون زيوت كاسترول من فترات طويله

ماقدر اصدق ولا اكذب .. خيارين بين نارين احلاهما مر

انا جربت جي تي اكس الخفيف
جي تي اكس الثقيل
ماجناتيك
ايدج
الترا 7
وكلللللللللللللها ماشتكيت منها
واستقريت على ماجناتيك ومشيت عليه 20000 كيلو خط وحواري
.. طبعا الزيت اصلي 100%

...

انا مستغرب الى الحين الناس تثق في البناشر

الله يادنيا ايام الماجناتيك وش كنا نسوي

مشت على الزيت 10000 وقلت خلني اشيك عن البنشري ..
اول سؤال راح يسألك البنشري ..
س/ كم ماشي على الزيت
ج/ ياتعطيه الصدق او تكذب عليه او تقول ابشيك ع الزيت والموتر مب لي
انا قلت له ابشيك ع الزيت ونسيت كم ماشي
وهالمره صار صادق
وقال الزيت عندك ممتاز ولونه ممتاز ولوزوجته ممتازه
بشكل عام ممتاز ..
مع اني ماشي عليه 10000
..
اللي يبي زيت كاسترول او يبي يغير يشتر اصلي
بلد الصنع في الامارات جبل علي
..
والله يعين الناس .. على مااصابهم
..
هالزمن ينفع معهم
جمله .. واصلي

هذي اخرت البناشر ..

**AHN** · 12-02-2009, 03:58 PM

مشكورين ياشباب ع المرور...
طيب عأدي أعبي سيارتي وهي توها ماشيه 10000 زيت كاسترول الخييف أو الثقيل..<<< و وش الزين بينهن ...

وزي مااقلتلكم ترااهـ, منقول

**محمد بن عبد العزيز** · 12-02-2009, 04:16 PM

ندري انك كاتب منقول .. بس الي كتبه هل هو صادق او كاذب .. لان الاغلبيه يكتب عن شي صار له او مالقى الخدمه الي يبيها

فـ بيكتب اي شي ويقول خالفو الشي الفلاني وقاطعو الشي الفلان وترا الشي الفلاني مب زين وصار كذا وكذا

انا كتبت لك من واقع تجربه واغلبه الشباب مجربين

**المباشر** · 12-02-2009, 04:28 PM

عادي تعبيها وتو الموتر جديد ماعندك مشكلة واخوي محمد بن عبدالعزيز ماقصر ماشاءالله عطاك المفيد وأكثر

وبعد اذنك ينقل للقسم العام

**Mr.CaR** · 12-02-2009, 04:49 PM

&&&&&&&&&
&&&&&
&&&
&

السلام عليكــم

من الطبيعي جداً أن يتلف محرّك سيّارتكـ أو جزء منه بسبب بعـض أنواع الزيوت الموجوده بالسوق ومن أشهرها ( كاسترول )
كيف ؟
أحد أقربائي يمتلكـ ورشة ميكانيكـا وتغييـر زيت ( بجميع أنواعه )

وهو من أخبرني بأن هنآلكـ أنواعاً مقلّده من زيت كاستـرول ..

حتّى أن أصحآب بعض الورش لا يعلم بأن الزيت مقلّد ((نفس العلبه , نفس الرائحه , نفس لون الزيت))
لكـنهم يغترون بالمكاسب المحققه من شرائها بأقل من سعرها -المتفق عليه بجملتها لدى وكلاء بيع الزيت المعتمدين- من المسوّقين و الوكلاء غير الشرعيين للشركه - المُقلّده- .

أمّا عن زيت كاسترول .. بكـل صراحه
كلمـة حق
من أفضــــــــــــــل أنواع الزيوت ..!!

**K.H.A.L.I.D** · 12-02-2009, 05:09 PM

أخوي معه vxr 2006
ويغير كاسترول من يومه وبشكل منتظم
ولاجاه شي
قولكم اروح اخرعوووهـ ولا أخليه على وجهوووهـ
:d

**المباشر** · 12-02-2009, 05:29 PM

لا ياخوي لا تخرعه خله على مجنونه :d

بس شيك وياه اذا الزيت اصلي ولا مغشوش

**lonly style** · 12-02-2009, 05:42 PM

والله انا كانت عندي 2004 وامشيها خطوط وحواري يمكن مشت 130 الف ماعمري عبيتها غير الكاسترول من 5 الاف الى 130 الف بس تشييك الف وخمسه الاف عبو لي الوكاله بترومين وبعدها كل كاسترول الابيض وابد والله المكينه صافيه وياحلاتها ؟

**أغـار يا هـوندا** · 12-02-2009, 05:51 PM

والله ياكاتب الموضوع
إن النيا ماصارت تنضمن عموما
البيبسي مضر بالصحة
وماكدونالدز وسخين
وهارديز تسمم
والزيوت ملعوبن فيها
ياخي وش نسوي
ما فيه حل عندي إلا أرجع لعهد جدي أبو جدي وأريح راسي من الدوخه ههههههههههههههههه:d
عموما أنا ما أغير إلا كاسترول بس بسألك زيت كاسترول كله مغشوش والا بس التقليد
ويعطيك العافية ع الموضوع واسمح لي ع مروووري

**Mr.CaR** · 12-02-2009, 06:29 PM

^^^^^^
^^^^^^^^^^^^
^^^^^^^^^^^^^^^^^^

في محلات تطمع وتبحث عن المكسب دون اعاره أي اهمتامات للمستهلكـ أو غيره ..
ومثلك عآرف لا رقابة ولا شي ..!! " محّــد لك ..!!"

فـ يجي للورشه موزّع يتعاقد معاهم بسعـر أقل

وبس

أما بخـصوص التقليد والـغش

العلـــبـة مقلّده ..!!
الزيـــــت مغشوش..!!

**Mr.CaR** · 12-02-2009, 06:35 PM

نقلا عن العضو ميـشووو

طيب انتو لاتاخذون زيت كاسترول من البناشر اشتروه بالكرتون من رد كاب وماشابه

هذا الكلام المضبوط ..!!

ولو تروح للموزّع بعـد راح يفرق معكـ السعر بحدود 30%

وهذا هو مكسـب الورشه بالزيت الأصلي ..!!

**faisal_606** · 12-02-2009, 10:49 PM

والله يا اخواان انا امس مغير زيت كاسترووووول ماجنتيك بعد ما مشيت عليه 10000 كم...

والبنشري يقووول لازااال فيه عمر ..لاكن لوونه متغير بحكم الاحترااق <<< انا من الناس اللي يدووسوون على الموتر ومركب فلتر رياضي

وعبيت ماجناتيك مره ثانيه بــ 170 خمس علب ..يعني 34 للعلبه << غااالي مره لكن ...:(

وعموما خلال العشرة الاااف كم السابقه ..الزيت لم ينقص ولا قطره واااحده والحمد لله..

الله يستررررررررر من اللي ركبته

اخووكم فيصل

**مشآري** · 12-02-2009, 11:45 PM

انتم اغلبكم سيآراتكم 4 سلندر مراح تعرفون هاذا الشي
لآكن اذا جاك موتر 8 سلندر وصآآحبه داس شي طبيعي الزيت يحترق (اقصد زيت كاسترول)
اذكر قريب لي معاه كابرس 2004 مركب زيت كاسترول واذكر انه قاوم 3 قومات ورا بعض
ثم راح وقف الموتر تقريبا نص ساعه يوم شغله قام يطلع صوت مزعج بالماكينه اذا جيت تمشي
على طول راح عاير الزيت تقريبا نااقص كله راح عباه ونفس الشي الصوت مازال
وداه ورشه وفحص الماكينه وطلع عمود الماكينه مخبط ويبيله توضيب
بشكل عآآم انا مأنصح الي عنده 6-8 سلندر انه يسسستخدم كاسترول
الحمد لله الوالد عنده يوكن 2006 و لومينا 2006 ومانغير لهم الا جي تي اكس خفيف طبعا هاذا الكلام بالوكاله
هم الي يغيرونه جي تي اكس خفيف والحمد لله زيت ولا اروح منه ولا قد عانينا منه .

**محمد بن عبد العزيز** · 13-02-2009, 04:15 PM

كيف تناقض نفسك بنفسكـ
تقول مانصح باصحاب الـ6-8 سلندر وقد صار مع قريب لك
ونهاية ردك تقول عندنا لومينا ويوكن وجمعت بين المحركين ..وماشتكينا منها .. والمعروف لدى الجميع السيارات الي قلتها 6-8 سلندر
عفواً ::: ماوصلت للصحيح

فيه وناخوكـ واحد مجربه على فياقرا .. والزيت هذا مافرق معه .. بالعكس جاني مره ثاني واخذ زيت لليوكن

**A N M A R** · 13-02-2009, 04:53 PM

الله يخلي زيت الوكاله

"زيت هوندا"

بس سؤال

كيف نعرف الزيت المعاد تصنيعه من الجديد

والأصلي من التجاري

**MaLiK1987** · 13-02-2009, 05:15 PM

8
88

والله إنك صادق

90 ريال فلتر+زيت

وأمش وإنت مطمئن

لأن لو صار شي لسياره (الفاتوره معك)

بلا كاسترول وبناشر نصابين بلا هم

**Jack** · 13-02-2009, 06:53 PM

تسلم عــ النصيحه

**مشآري** · 16-02-2009, 11:48 AM

المشاركة الأصلية كتبت بواسطة محمد بن عبد العزيز

كيف تناقض نفسك بنفسكـ

تقول مانصح باصحاب الـ6-8 سلندر وقد صار مع قريب لك
ونهاية ردك تقول عندنا لومينا ويوكن وجمعت بين المحركين ..وماشتكينا منها .. والمعروف لدى الجميع السيارات الي قلتها 6-8 سلندر
عفواً ::: ماوصلت للصحيح

فيه وناخوكـ واحد مجربه على فياقرا .. والزيت هذا مافرق معه .. بالعكس جاني مره ثاني واخذ زيت لليوكن

ياغالي انا اقصد ماشتكينها منها بـ زيت جي تي اكس

**Ëńġ․ℱάίśάℒ** · 16-02-2009, 12:33 PM

طيب السؤال الي يسدح نفسه ليش ماتغيرون زيت هوندا اكيد افضل وانسب للمكينه من كل الزيوت :p

انا الصراحه مستحيل اغير زيت غير من الوكاله

**برفسور الأكورد** · 16-02-2009, 02:02 PM

المشاركة الأصلية كتبت بواسطة mr.car

نقلا عن العضو ميـشووو

هذا الكلام المضبوط ..!!

ولو تروح للموزّع بعـد راح يفرق معكـ السعر بحدود 30%

وهذا هو مكسـب الورشه بالزيت الأصلي ..!!

وين أحصل الموزع؟
أنا من سكان الرياض

الموضوع: تـحـذيـر:هام جدا زيت "كاسترول warning:very important "CASTROL ENGINE OIL" حتى ماتروح

أدوات الموضوع

عرض

تـحـذيـر:هام جدا زيت "كاسترول warning:very important "CASTROL ENGINE OIL" حتى ماتروح

المواضيع المتشابهه

بسبب عيوب فنية في نظام التعليق الأمامي استدعاءات "هوندا" تطال طرازي "أكورد" و"بايلوت"

استدعاءات "هوندا" تطال طرازي "أكورد" و"بايلوت" بسبب عيوب فنية في نظام التعليق الأمامي

رحت للوكالة وشوفوا وش صار معاي """""""""""

اللؤلؤي " خلص" و"الستة" سلندر جايّة و"العيب" واضح!!

مواقع النشر (المفضلة)

مواقع النشر (المفضلة)

ضوابط المشاركة