الموضوع: تقرير خاص عن قصة العثور على السياره + صور

السلام عليكم

أجر و عافية يا أكورداوي ، عوضك الله خيرا منها ... و جعل مصابك في ميزام حسناتك

يا شباب الأخ أكورداوي مثال آخر على أهمية التأمين ، أنا أمنت من اليوم الأول و التغطية في دول الخليج كلها و على الركاب و تصليح الوكالة و طلبت سيارة بديلة اذا ما كانت عندي سيارتي لحادث او سرقة لا سمح الله !!

تخيل اكورداوي مو مأمن ... و تخيل الحفلة الي حيواجهها من اول يوم انسرق فيه سيارته الى ان تمشي مرة ثانية ، اولا انسى ان الواحد يصلح مثل التأمين و ثانيا مافي فلووووس !!! انت ما تضمن ظروفك ، و تخيل ان في احد معاك راكب فأنت تتحمل ديته !! ، على فكرة 100000 ريال سعودي للراس !! ، ريح راسك و أمن و أمن الرخصة و على اي شي ممكن

انا شخصيا كنت أأمن على الرخصة قبل ما يكون اجباري ، لمدة سنتين ، و مرة خلص التأمين و كنت مطفر (ايام الكلية) قلت خلي المكافئات تنزل لانهم كانو مأخرينها و أأممن في الصيف انشاء الله ، ما بيجيني شي بأذن الله ، بعد اسبوعين من انتهاة التأمين قدر الله علي بحادث و راح ضحيتها سيارتي و سيارت الرجل المسكين الي جنيت عليه انا ، كان معاه مرسيدس بورقها لسع و كان شاريها له 3 ايام !!! ، التصليحات على المرسيدس قدرت بـ 44 الف ريال سعودي !! ، من وين لأبوي اجيب مثل هذي الفلوس اذا الـ 360 ريال حق تأمين الرخصة ما عندي !!! و انواع التورط و بالنهاية انحلت و الحمدلله لأن العسكري قبل ان نبدل السائق بواحد مأمن و تحملت التأمين المشكلة كلها !!

التأمين التأمين ... اياك تشتري سيارة و تبخل تأمن !!

تحياتي للجميع و ابعد الله الشر عنا و عنكم و عن المسلمين