ولو هذا واجبنا وان بغيت اي شي ثاني ابشرالسلام عليكم ورحمة الله وبركاته
اخواني انا اشتريت معشوقة الملايين (اكورد) موديل 2008 سبيشل واسود وعندي كم سؤال اذا ممكن:
1- كم سعر الزنون في الوكاله لاني اتوقع زنون + اسود=نار ياحبيبي نار
الزنون غالي بالوكاله ومن الاساس مايركب على الـ 4 سلندر لان في فرق بقاعدة شمعات الـ 4 و الـ 6
2- شباب انا بصراحه انهبلت مع سيارتي كل يوم اجي اركبها احصل مخش جديد وانا اصلا ما اخلي احد يعتب جنبها :( هل هذا الشي عادي ؟؟
عاد وش تسوي مقدر ومكتوب والوسوسه لها دور واذا عندكم كراج وقفها داخل وبالنسبه للمخوش اذا كانت بسيطه يمديك تلقطها بالوكاله
واذا في حل للمخوش تكفون اسعفوني به
زي ماقلت لك تلقطها بالوكاله اذا كانت بسيطه كانو اول يلقطون مجانا الان بـ 50 ريال
3-شباب ليه مافي الاكورد حساسات ؟
عاد جايتنا كذا وش نسوي
4- انا شريت السياره وماشيه 3000
والان ماشيه 3700
وراعيها يوم شريتها قال اذا بتسافر غير الزيت واذا مابتسافر خلها مع صيانه 5000
<<والله مافهمت من كلامه شي تكفون اشرحوا لي
يعني ياطويل العمر زي ماهو مبين بجدول الصيانه حق الوكاله انك كل 5000 تغير الزيت وبعض الصيانات فيها زيت وتغيير قطع وزي كذا ممكن هو دخل سيارته على صيانة الـ 1000 المجانيه وغيرو له الزيت والفلتر ولما توصل 5000 فيه صيانه فك درج القفازات الي قدام الراكب ودور كتيب الضمان وبتفهم الموضوع
5-الحين كل كم افحص عند الوكاله وتغيير الزيت وتوابعه والتشييك بكم ؟؟
كل صيانه تختلف عن الثانيه زور هالرابط وشوف اسعار كل صيانه بالضبط http://www.hondaarabia.com/club/atta...6&d=1231498960
بعدين انا سمعت ان فيه تشييك مجاني ماادري وش قصته؟؟وهل انا استفيد منه ؟ وهل انا ياللي مشيت 3700 مميزات في الفحص عن اللي مثلا ماشي 10000
التشييك المجاني يعني ياطويل العمر يشيكون على 35 نقطه بسيارتك واذا طلع فيها مشكله يسجلونها لك بورقه الصيانه ويعطونك نسخه تروح لاقرب مهندس استقبال بالصيانه ويسجل لك القطع وتسعرها بالوكاله ويسوون لك خصم 20% على القطع واجور اليد واذا ماطلع فيها شي الحمد لله
ممكن تزور هالرابط وتتأكد من مواعيد الفحص واوقتها بمدينتك http://www.hondaarabia.com/club/showthread.php?t=17159
انا ثقلت عليكم لكن سامحوني على الاطاله
اتمنى ايجاد الاجابه الشافيه زكلي ثقه بكم يااعزائي رواد منتدى نادي محبي هوندا
مواقع النشر (المفضلة)