سعر الأكورد في ازدياد

اقتباس:

---

المشاركة الأصلية كتبت بواسطة civicord

-1-

من قال ان الشغل عيب .. ؟ قصدي من قال ان صيانة تويوتا احسن .....؟
غالبية اللي حولي تويوتا .. - ابوي:لكزس - خويي1:هايلكس - خويي2:اوريون - خويي3:كامري - ...
ما فيه احد يمدح صيانتهم الا الكل يسبها .. !!

-2-
من ناحية المازدا تغبر بالاكورد .. أنا قبل اسبوع مغبر بمازدا .. لا وكنت توني صادم وعندي مشكلة بالرمانه الخلفية ..,

-3-
من ناحية مواصفات المازدا ما اشوفها اكثر من الأكورد .. باللهي وش فرقت معك تضغط زر عالباب ولا بالريموت
ولا وش فرقت تدخل المفتاح وتدق سلف .. أو ترص فرامل وتضغط تشغيل ...
جنط 18" << ما اشوفه مواصفات .., اشوفه يندرج تحت الشكل .. !!

-4-
من الأسباب اللي تخلي الواحد يشتري أكورد .. " الأمان " .... !!
رح لف على المواتر بهالسعر .. ما راح تلقى أأمن منها ... !! ... صدقني اربط حزامك ومنت محتاج ايرباق ... !!

-5-
فيه واحد فوق يقول الاكورد ما فيها راحه ولا فخامه .. !! .. طيب يا حياتي رح اركب المواتر اللي بنفس السعر ..
ما فيه اريح ولا افخم من الاكورد .. !!
- راعي فورد 2004 توه راكب موتري : يا لبييييييييييييه ,, يلعن ام موترك يريح الظهر ... !! -
والكل يعرف الفورد وراحتها .. !!

-6-
الكامري الفل ام الحساسات .. !!
رح شف مرتبتها وارجع ناظر مرتبة الاكورد .. رح حرك فتحة المكيف وارجع حرك فتحة المكيف للاكورد ..
وطارتها ثقييييييييييييله .. لا وشكل طارتها غبي ... !
افتح الباب وصكه .. وسو نفس الشي بالاكورد ...
صدقني تحس بالفرق .. !!!!!!!

-7-
فيه شي فالاكورد ما اتوقع تلقاه في موتر ثاني بنفس المواصفات ... صرفية البنزين ..
عبي فل وتمشي 920 كيلو .. خط ... !!

اخييييييرا

لحد يصجنا بمواتر ما قد جربها .. رح استأجر وجرب .. وتعال تكلم ..

ولكم المايك ..

---

كلاااااااااااااااااااااااااام سليم

وعندي بعض التعليقات وإضافات بحكم التجربة

الموصفات وما أدراك مالمواصفات

يعني مثلآ الكامري يوجدبها حساسات أي حساسات وأي خرابيط ماعمري إستفدت منها شي كلها تجميع من إندونيسيا

بكل صراحة وما أظلم الكامري بأنها سيارة تكرف ما في أي مشاكل بس تحس إنها خفيفة وأي كلام مقارنة بالأكورد

يعني مثلآ الديكورات الداخلية فتحات المكيف أزرار المكيف والمسجل ديكور القير و فتحت الاكواب و الطبلون بشكل

كامل جلست أقارن بينها صارت الكامري غبية جدآ خفيفة بينما الاكورد تحس إنها قوية جدآ وتتحمل اكثر بكثير من

الكامري الحاجة الوحيدة بنطري إن الكامري تميزت بها درجة الحرارة و الاكورد مافيها مع العمل ليست بضرورية

إلا بفصل الشتاء يعني شوي ..نجي الشكل الخارجي مافي أي مقارنة بينها الاكورد تحس جاية صح تناسق الرفرف مع

الكفرات الوجه الخلفية موتر وين ماتناظر يعجبك الكامري استغفرالله تقل معوقة كفرات صغار وجنوط مادري وش تبي

تدخل راسك بين فتحة الرفرف و الكفر يعني غباء لكن إذا شفتها بجنوط لكزس 430 تحس إنها تغير وعطة نظرة ولكن

ماتنفع الشين شين لو لبسته دناديش يعني أنواع المشاكل أذرعة وخرابات ومافي فايدة الترقيع ...نجي للمحرك صحيح

مكينة الاكورد اقوى بعدد الاحصنة و سرعة الدوران وماأدراك مالدوران لكن الكامري تطلع براحة لأني جربت كم مرة

وهذا دليل على خفها وأكبر عيب بالكامري وسويت عليها إستبيان من شريحة كبيرة من الناس ماهو قولت يفولون لأ

أنا شفت هالشي بعني الكامري من 2003 إلى 2009 تنقص زيت وهذا خلل مصنعي لازم كل ماجيت تشغل عاير

ورح للورش وإسألهم عن الي يجون يضبون ...الهوندا ماتقارن بجودة الصناعة مع الكامري أبد و اللومينا ماننساها

والالتيما بعد والكابرس كلها ماتصف مع الهوندا واللحين أشوف كثير من الشباب طايح لي بالاوريون قال ايش قال

سيارة هي أخت الكامري بس المكينة واصطب اكبر وشمعة أصغر مافي فرق هي كامري لكن إذا كنت تبي تقاوم وتبي

سرعة وهبال هذا شي ثاني ..أنا شكلي طولت لكن أبختصرها الهوندا موتر ينغزا به لك ولزمن حافظ عليه تلقاه مافي

سيارة من الي ذكرتهم تقارنها بالاكورد إلا بحاجة وحدة وهي عقدة اصحاب الهوندا هي قطع الغيار بس ولا غيرة استرح

عندي كلام كثير بس غديه يكفي اليوم

والله يا اخوان انا اشوف السوبارو جوده اقل من الهوندا بقليل لكن جوده صراحه ومكيفها اطلق مكيف في الياباني وحلوه صحيح ضيقه بس حلوه ومكينتها اقوى بس يعيبها قطع غيارها الغير متوفره

البحرين عندهم عرض حلو , أنا ما عندي فكرة كم الاسعار ولكن سعر السياحي مثل ما تقولون 7.800 في هذا الحدود

بمناسبة مرور 20 سنه على الشركة

^^^^

موديل 2009 والا 2008 ؟

خخخ

مآشفتم شئ .. يااشيخ هذا وجهي اذا ماوصلت الفل 4 سلندر الى 105 ألف ..

أقسم بالله العظيم مضحووك علينآآ .. الفل كآمل برا ومآجلآن وفخآمة أحسن من اللي عندنا بـ 100 ألف ريآآل .. ولا خنبقة هالوكآلات النصآابين ..

يااخي ابي اعرف مايشبعون من الفلوس هذولي ؟! .. سبحآن الله العظيم كأنهم نآر جهنم تأكل وتأكل .. وتقول هل من مزيد ؟!

الله يرحم أيام أول بس .. مآظنتي عبدالله هآشم الله يرحمه بيعجبه اللي مسوينه عيآله بالنآس ..

يالغالي لايهمك

راح تنزل الأسعار غصبن عليهم

انت رح شف المينا والمعارض غاصات سيارات

بشكل مو طبيعي

في معرض ببريده اول مره اشوفه منتلي سيارات
بالعادة تلقاء عنده 20 سياره
الحين تقرياً 60 سياره عنده

هذي خطه من الوكلاء علشان الناس يجون يشرون منهم

انت رح وكالة هوندا فرع خريص وراح تلقى درازن اكورد 2008 عاد وشلون 2009 ولا 2010 بالطريق

واللي رد وقال لاتهمك حملة خلوها تصدي

احب اقوله ان الحمله هي اللي طلعت فضايح الوكلاء و وعت الشعب الشعودي والخليجي

بإذن الله راح تشري اكورد 2010 .6سلندر بـ66000 طبعاً الفل اوبشن

بس انت تحل بالصبر

وعموماً قارن الأسعار بالخليج و العالم

وسلامي على اللي لاعبين عليهم الوكلاء

سلاااااااام

وهذا رابط موقع هوندا اليابان

http://automobiles.honda.com/


قارن الأسعار والمواصفات

http://automobiles.honda.com/all-models.aspx

طيب هذي الاسعار يالنهيم

شوف الاكورد السيدان يبدا من 78.393 الف ريال

:)

كثر احلام ترا الاحلام بلآلآش :d

نهيم يا قلبي .. !

الموقع اللي جبته حق أمريكا ..

اليابان هذا هو .. www.honda.jp.co

وابن امك وابوك افهم كلمه .. !

ياجماعه ,,,
الموضوع صار يمشي في طريق غير اللي يهدف اليه ..
الموضوع للأسف عن سعر الاكورد بازدياد ..

رجاءا .. وحدو المسار .. لا اتحمس :d

^^^

خلاص vsa المنتدى رجع الموضوع لمساره الصحيح :p

يارجال مادام أنك وصلت 100 ألف
زود لك شويات وخذلك fj ولا جيب المازدا الجديدcx9 اتوقع اسمه كذا
الصراحه والله عيب قلنا أكورد قلنا ياباني بس مو إلى هذي الدرجه
يعني أربع سلندر بـ 100 الف وش يحسون فيه
تبون الصراحه ياشباب خذولكم سيفيك فل اوبشن وباقي الفلوس
ضبط فيها ومع التضبيط يبقى لك 20 الف
والله يعينكم ولا يوفق اصحاب الوكالات
و يطفرون كلهم واحد واحد

اقتباس:

---

المشاركة الأصلية كتبت بواسطة meshoo

http://automobiles.honda.com/all-models.aspx

طيب هذي الاسعار يالنهيم

شوف الاكورد السيدان يبدا من 78.393 الف ريال

:)

كثر احلام ترا الاحلام بلآلآش :d

---

طيب قارنها بالمواصفات

انا اتفق معك السعار متقاربه او زي بعض

لاكن فرق المواصفات
وخصوصاً الأمان

وبأذن الله الحلم راح يكون رؤيا

اقتباس:

---

المشاركة الأصلية كتبت بواسطة عاشق سيفيك4999

يارجال مادام أنك وصلت 100 ألف

زود لك شويات وخذلك fj ولا جيب المازدا الجديدcx9 اتوقع اسمه كذا
الصراحه والله عيب قلنا أكورد قلنا ياباني بس مو إلى هذي الدرجه
يعني أربع سلندر بـ 100 الف وش يحسون فيه
تبون الصراحه ياشباب خذولكم سيفيك فل اوبشن وباقي الفلوس
ضبط فيها ومع التضبيط يبقى لك 20 الف
والله يعينكم ولا يوفق اصحاب الوكالات

و يطفرون كلهم واحد واحد

---

بصراحه ..

الواحد لازم يتحمس ويحط بصمته في هذا الموضوع :d

ياجماعه اللي صار مصيبه ..

شنو اكورد بهالقيمه ؟؟

بس طبعا الوكيل ماله اي علاقه بالموضوع ..

اول شي الاقتصاد العالمي رايحن في ام خرايطها

ثاني شي سعر الين الياباني لعب في الوكييييل لعب الفتره الماضيه ..

ومو بس الهوندا ..

اجل الكامري جي ال اكس ب 82 :d

يرحم ايام اول بس ..

الاكورد كانت معقوله ..

اما الحين .. بصراحه ... من حبها عزلنا ..

اللي بيدفع مئة الف في هوندا .. يزودها حبتين ويفك له احسن الماني ..

وفي النهايه ... كل واحدن ورايه ..

اقتباس:

---

المشاركة الأصلية كتبت بواسطة meshoo

^^^^

موديل 2009 والا 2008 ؟

---

2009 و العرض ساري لمدة 20 يوم

و لمعرفة الاسعار بالضبط إتصل على 0097317457100

اقتباس:

---

المشاركة الأصلية كتبت بواسطة * النهيم *

يالغالي لايهمك

راح تنزل الأسعار غصبن عليهم

انت رح شف المينا والمعارض غاصات سيارات

بشكل مو طبيعي

في معرض ببريده اول مره اشوفه منتلي سيارات
بالعادة تلقاء عنده 20 سياره
الحين تقرياً 60 سياره عنده

هذي خطه من الوكلاء علشان الناس يجون يشرون منهم

انت رح وكالة هوندا فرع خريص وراح تلقى درازن اكورد 2008 عاد وشلون 2009 ولا 2010 بالطريق

واللي رد وقال لاتهمك حملة خلوها تصدي

احب اقوله ان الحمله هي اللي طلعت فضايح الوكلاء و وعت الشعب الشعودي والخليجي

بإذن الله راح تشري اكورد 2010 .6سلندر بـ66000 طبعاً الفل اوبشن

بس انت تحل بالصبر

وعموماً قارن الأسعار بالخليج و العالم

وسلامي على اللي لاعبين عليهم الوكلاء

سلاااااااام

---

:rolleyes: :rolleyes: :rolleyes:
من الجميل ان يحلم الانسان من فترة الى اخرى

اقتباس:

---

المشاركة الأصلية كتبت بواسطة * النهيم *

طيب قارنها بالمواصفات

انا اتفق معك السعار متقاربه او زي بعض

لاكن فرق المواصفات
وخصوصاً الأمان

وبأذن الله الحلم راح يكون رؤيا

---

وش مواصفاته يا قلبي .. ؟؟ :d

تدري ان الفل عندهم ما فيه مكيف الكتروني مزدوج .. !!!
وازيدك .. ما عندهم مرايات باشاره .. والسوح والسبشل ما تقدر تركب فيها كشافات .. !!
وMade in Japan

واللي عندهم مب عندنا ...
مكينة 4 سلندر 191 .. !!
للفل .. وممكن تركب شاشه وكاله .. تكييف مراتب .. وترا مواترهم Made in U.S.A ... :)
بلوتوث ..وخرابيط ثانيه ..




وبالنسبه للامان .. !!
اللي عندنا نفس اللي عندهم بالضبط .. عدا .. الايرباقات .. بس

ولا تحسب الايرباق شي غير طبيعي ومنقذ من الموت .. !!!

الانظمه اللي عندنا تعتبر كافيه ...

شوف 2008 كانت الفل 4 سلندر = 94400 ريال
و اكيد الهوندا بتزيد لانه سعرها واحد ... في السعودية وحتي واحد من اصحابي في امريكا لما تأكدت منه قال لي نفس السعر

شكرا لك

سعر الأكورد 4 سلندر فل كامل في أمريكا 99,000 تقريبا ..
وتفرق عن اللي عندنا ...
للأفضل:
1- مكينة بقوة 190 حصان
2- جلد طبيعي ناعم مثل الألماني موب زي اللي عندنا قاسي كنه تلبيسة أرضيات
3- الأنوار الأمامية فيها تشغيل اوتوماتيكي يعني لمن يصير المكان ظلمة تشتغل اوتوماتك
4- الأسيات الأمامية فيها هيتر
5- ايرباقات جانبية امامية وخلفية
6- نظام مراقبة ضغط الاطارات (TPMS)ا
7- نظام توزيع الفرملة الالكتروني(EBD)
8- سب ووفر في الخلف حق سيستم الصوت
9-المرايات الخارجية فيها هيتر عن الضباب

للأسوأ:
1- ما فيها اشارة في المرايات
2- ما تجي كشافاتها شد بلد لكن ممكن تركب لها كإكسسوار
3- الكبوت للـ4 سلندر يفتح بعصا وليس هيدروليكي
4- مقابض الأبواب بلون السيارة وليست كروم

أما باقي المواصفات فأغلبها هي هي والمكيف يجي بجهتين في الفل يا سيفيكورد :d
ولكم الحكم أي الأفضل :rolleyes:

اليوم رحت شركه هوندا اللي على طريق المدينه

4 سلندر ب 89500

و

6 سلندر ب 100000 بالتماااااااااااام


وحسب كلام الموظف الاسعار بتطلع لين رمضان ويمكن يكون فيه شوووووويه عروض لاتذكر من ابو الفين ثلاثه تخفيض

يعني خلوها تصدي كلاااام كلو في رسائل ايميل ينمسح ثاني يووووم خخخ

سلام

مساالخير الاخوه جميع كنت افكر ان الكورد ولا شي قدام الكامري لكن بعد ماسقت الهوندا تبين الفرق جوده ورساوه

ومازال السعر مرتفعا
4سلندر 100000
6سلندر 115000

والله وكالة عبدالله هاشم قمة المهزلة اجل اربع سلندر ب100
بالله كيف الستة ب120
اخوي عندك عدة خيارات للاربعة او الستة افضل بمليوون مرة وتوفير بالجيب
شوف الاوريون والالتيما والله مواصفات خيالية واذا تبي ياباني 100%
عندك المازدا6 والليجاسي...

والله صادق أخوي

أنا امس مطلع الأكورد فل أوبشن 4 سلندر

99000 ألف طبعا هذا من موزع لعبدالله هاشم

يقولي في الوكالة 99700 أظن

وللمعولومية أول مانزلت كانت 93000

بعدين 97000 بعدين 98 إلى 99700

الله لا يوفق ذا الوكلات كانهم مستغلين الشعب أستغلال

لك ودي...

ههههههههههههههههههههههههههاي هذا كلامكم الحين وبكره بيجيني واحد من اللي ردو وياخذ له اكورد
2009 4 سلندر فل كامل ب 100 الف .. ولا رفعها
الا العالم هبو فيها كن مافيه سياره الا اكورد مع ان فيه سيارات بسعرها اطلق منها مع احترامي الشديد لملاكها
لانا شعب متخلف اذا طحنا في شي خلاااااااااااااااااااااص هذيك الاياااام كااامري والحين اكورد
حتى تشوف الاكورد 2008 راعيها مسكين حاط فيها 100 الف ولا 115 ولا احد يناظره
واذا مرت مازدا زوم بنفس قيمتها تقريبا انهبلو عليها العالم .. و الزوم سياااااره قويييييه مرررره وصبوره ورااااااااسيه
وتستحق كل ريال يندفع فيها بس ماحولك احد ..؟