بسم الله الرحمن الرحيم..
السلام عليكم ورحمه الله وبركاته..
عــدنا لكم بعد غيـــاب طــويل..:o
ماشاء الله صار تطورت في المنتدى وحركات جديده << ماشاف الا الاستايل :d
ندخل بالسالفه لان مالي علاقه بالمقدمات يقولون انها ماتحبني:d
سيارتي ماغيرها :d عرفتوها
المهم لها شهر وهي تطفى بلحالها ومرات ترجع تشتغل ومرات لا عاد تعرفون الذهانه :d
قلت مايبي لها فحص كمبوتر:d وندور ورشه فحص كمبوتر قالوا مالك الا الوكاله..
وروح وكاله خريص وقالوا مافيه الا بعد الفحص المجانيقلت اوكيه قال رح لفرع الخالديه
واطير لمخرج 18 واتصل على فرع الخالديه ويرد واحد حسبي الله عليه ويقولي قدام مصنع الاسمنت
لاقيني باللفه :d وادور من 10 الى 12 وكل ماسئلت واحد بصناعيه الدائري يوصف لي وصف وخذ ابو بنقل كل
واحد يطق طق علي :p طبعا وراي خط اللي يسمع خط يقول تبوك وهي كلها الشرقيه ع البحرين :d قلت يابن
الحلال مايبي لها امسك الخط ومهوب صاير شي ان شاء الله كالعاده اسلك لعمري :d عاد عندما :d وصلت
للشرقيه راودتني فكره (كيف كلمه راودتني:d) ان اروح لوكالتهم وطلع عندهم فحص مجاني حسبي الله عليه من
فحص قلت شكل مافيه كمبوتر ومايحتاج بعد ماخلصت من السفره وديورت للرياض :(
قلت خلني اروح للفحص المجاني واشوف يمكن يفحصون :d
الزبده... كل اللي فوق قصه حياه ليس له اي فائده :d
كل يوم اقول ابروح الصبح واسحبها نومه وهلم جرا <<< صح ولالا :d
المهم مريتهم اليوم المغرب وادخل عندهم واعبي اورق ومدري ايش وتدخل السياره عند الفلبيني والهندي :d
عاد خويكم يعرف انجليزي :p فانكبت ابي اقوله السياره تطفى وتشتغل من هنا من هنا عيت تجي :d
والقى ابوهنود واناديه واشرح له الوضع ويقول خلاص ماعليك طلعت كل المشكله سلك بطاريه :d:d:d:d
ماانربط صح حسيت اني سبيكه :o
المهم فحصوا السياره وبعد ماخلصت عطاني تقرير على كيف كيفكم 21 قطعه يبي له تغير
والسعر 7718 مع شغل اليد
قلت لهم وش رايكم تزيدوني بس عشره وتاخذون السياره قلبوها تشليح وهم ووصيانتهم الداجه :d
هذي كم صوره من التقرير بالمرفقات
وفي الختام.. اسلم على جميع الاعضاء الجدد والقدماء..
وتحيه لـ... أبوعزوز :d وكوكو اكورد والتحليه :d واكورداوي والاخطبوط وبقيه الشله الكريمه :d
لاحد يزعل كاني نسيته منذ مبطي مادخلت :(
انمسح الموضوع بعد ماكتبهبس قلت منزله يعني منزله
الاهم في السالفه كلها وش رايكم تستاهل التصليح ولالا..
كم عدد الوجوه الموجوده :d
لاتتدققون على الاخطا الاملائيه ولا بطلتوا حركتكم :d
كتب الموضوع على عجاله لانه امسح حسبي الله عليه
حتى حنا الحظ مش ولا بد :d
الى اللقاء وابنتظار ارائكم واقتراحتكم على الهاتف قصدي بالردود
والمهم السياره موديل 2003 اللون بترولي للتقبيل لعدم التفرغ :d
الاهم كاني نسيت شي ابرجع اعدله..
ســــــلام..
رد مع اقتباس
مواقع النشر (المفضلة)