الموضوع: وش دعوى يا الاكورد

انا بصراحة توني جديد على الاكورد بعد زمن طويل مع التويوتا
واللي خلاني اغير للاكورد هو مدح الناس لها وكلامهم عن متانتها وانها سيارة يبانية
الصنع والتركيب...........وكلام كثير ما ودي اطول عليكم

المهم شرينا الاكورد 2007 فل كامل جلد.......وبصراحة هي سيارة حلوة بسياقتها
ما ودك تنزل منها

ولكن فيه شي كااهرني فيها الا وهو
حساس الحرارة الخارجي اللي موجود في اقل السيارات مواصفات ولا يوجد بهوندا فل كامل
والثاني اللي هو TRIP A,B ليش يعد الى الف ثم يصفر
يا اخي كيف احسب كم مشيت بالزيت يعني نرجع بورقة وقلم زي ايام زمان

والثالث و المهم ان المكيف يشتغل اذا شغلت المروحة او زر مانع الضباب للزجاج الامامي
يا اخي ابي المروحة لحالها ما ابي المكيف انا حررررررررررر ليش يشتغل المكيف
يعني لازم اشغل المروحة مثلا وبعدين اضغط على زر A/C علشان يطفي المكيف
وبصراحة انا الاسبوع اللي الماضي جاي من القصيم وصار على الزجاج الامامي بخار
ما قدرت اشوف و انا مسرع امشي 150 قمت وضغطت على حق البخار ............
واذا راح البخار طفيته وعلى ها الحال يمكن 5 مرات سويت كذا
والمفاجئة اني يوم وصلت البيت وضغطت الزر لقيت ان المكيف يشتغل معه
والله قهر من اليوم وانا اشغل واطفي وانا مسرع وما دريت
لاني خابر انهم يقولون لا تشغل المكيف وانت مسرع
الا اذا مكيف الهوندا غير

وارجو ان لا تزعلون علي يا محبين هوندا
والسلام عليكم