هوندا Cr-v 2007 مواصفات و اسعار و صور من تصويري
بسم الله الرحمن الرحيم
السلام عليكم و رحمة الله و بركاته
هاذي اول مشاركه لي في منتداكم كوني من ملاك سيارات هوندا و مجرب 4 من سياراتها 2 منهم في البيت
حاب اشارككم بخبر جديد و هو
نزول هوندا سي آر في 2007 الشكل الجديد في الامارات
و الليل سرت شفتها في الوكاله و صورتها 4 صور بس
لاني مب من النوع الي احب وايد اصور
بس الاسئله كانت اكثر
بكتب لكم الموصفات الي سمعتها و الاسعار و الالوان
اول شي مواصفاتها كثيره
الفل:نوعين بجلد و بدون جلد و الثنتين فيهم فتحة سقف
فيها 6 سي دي تشغل mp3 و wma و فيها خاصيه انك لو زدت سرعة السياره يزيد الصوت معها ة اذا خفضت السرعه
يقل الصوت.
مثبت سرعه و خفض و تعلي الصوت في السكان و حولو الجير الى جير ارضي العدادات رااااائعه
و الاضائه في داخل السياره جدا جدا مريحه و كأنك في عالم ثاني
يعني الازرار عليها لون ازرق جميل
مثل للي شافوا حامل اكواب ليجاسي 2007 ,سيارة هوندا من داخل كلها نفس الشي
كرسي السائق كهربائي ب 8 حركات
لا تنزل بشاشة نافيجيشن
فيها كشافات ضباب
مصباحها الامامي بتقنيةAFS و HID الي يساعد في القياده الليليه
ايرباج للسائق و الراكب الامامي و ستائر هوائيه على الجوانب حتى في الخلف
قبضان الباب من الخارج كروم و لون المرئاه الخارجيه يكون بلون السياره فقط في الفل
رنجات مقاس 17 من الالمنيم.
ABS تجهيز اساسي
السعر: للفل
مقاعد جلد 91 الف
مقاعد مخمل 88 الف
النوع الاقل من الفل او الي نسميه رقم 2
ما فيه فتحه و لا جلد كراسي تعدل يدويا -لا مثبت سرعه - الاضائه هي نفسها في الفل-سي دي واحد يشغل mp3 -wma
ايرباج فقط للسائق و الراكب الامامي
حزام الامان فيها يعمل بطريقه ذكيه بس ما عرفت شو هي
ما فيها كشافات ضباب
لون المرآه الخراجيه اسود مهما كان لون السياره
ما تي برنجات 17 بل بطوس
ABS تجهيز اختياري
و الكثير من الاختلافات بينها و بين الفل
و سعرها 85 الف درهم
و في فئه رقم 3 لكن لم اسأل عنها
اذا الاسعار الي عرفتها
رقم 2 ب 85 الف
فل بفرش مخمل 88 الف
فل جلد ب 91 الف
و التشييك المجاني 20 الف كلم
و على قول الوكاله يقول الحين هي نزلت وكاله من 3 ايام و تم حجز 5 و استلام 2 و واحد بيستلم يوم الاحد
و يقول يوم الاحد بتتوفر سياره للتجربه
و اليكم 4 صور صورتها
السودا و البيضا رقم 2
هاذي فل بدون جلد و هي للتجربه
هاذي رقم 2 من الداخل بدون مثبت
و هاذي الالون
يقول جميع الالوان متوفره حتى الآن
بيج معدني بوريجو
فضي معدني مائل الى الازرق
ازرق لؤلؤي ملكي
اسود لؤلؤي
اخضر معدني
ابيض لؤلؤي مثل الي صورته (ما حصلت صورته)
فضي معدني مائل الى الاصفر
اللون الذي لا ينزل في الخليج
هو
احمر لؤلؤي تانجو
لون المقصوره
بلون العاج(بيج)ولا يتوفر لون ثاني حتى في المخمل
اكثر ما اعجبني بالسياره:
الاضاءه و فيها كمبيوتر بشاشة LCD تعرض معلومات القياده مثل كم يكفيك البترول في السياره و و. .الخ
اماكن التخزين كثيره و واسعه جدا من الداخل
الشكل الخارجي انسيابي جدا مع ذلك فالصعود و النزول من السياره سهل جدا
الباب الخلفي يفتح 90 درجه عكس الباب القديم
و اعجبني سعرها المنافس
فمثلها منافس شديد جدا و انا في رأيي هي ضربه قاضيه لتيوتا راف 4
فتيوتا راف 4 اقل فئه ب 93 الف اما سي آر في فل و جلد و كل شي ب 91 الف
اتمنى ان الموضوع اعجبكم
و انصحكم للي نزلت عندهم يشوفها
والله بتعجبكم
بسولكم مقارنه بين الشكل القديم و الجديد
اول شي من الامام
القديم
الجديد
من الجنب
القديم
الجديد
ملاحظه:الاطار الاحتياطي غيرو مكانه لو تلاحظون
من الخلف
القديم
الجديد
من الداخل
القديم
الجير تقولون الالعاب مال القمار :d
الجديد
ملاحظه انا يوم شفتها بالضبط كانت جذه و ما تي غير ها اللون الا في امريكا ايي فرش اسود
و ارجوا ان تتقبلو مني هذه المشاركه البسيطه
و ان شا الله راح اواصل معاكم
يرجى عدم نقل الموضوع فهو من تصويري
اخوي انت من اي دولة ؟
واشكرك على الموضوع والصور الحصريه
انا من دولة الإمارات العربيه المتحده اخوي
اشكرك على مرورك و الرد
تقبلوا تحياتي
حي الله عيال زايد
على فكرة اخوي كم سعر الهوندا S 2000 في الامارات ؟ <<< شفتها في الصورة الاولى :d
يعطيك العافية، موضوع رائع ومفصل الله يجزاك الخير
تم تثبيت الموضوع
اتش
الله يحييك اخوي
بالنسبه للأس2000 الي في الصوره هاي مبيوعه و مقفلين ابوابها
كان خاصطري اركبها:(
قالولي الوكاله سعرها 120 الف درهم
بس و الله رهيبه من جدام
Honda
اشكرك على الرد الطيب و الثبيت
ان شا الله تشوفون مني كل جديد
و تقبلوا تحياتي و احترامي
رووووووووعة واخيرا الهوندا اتحفتنا بجيب رياضي الله يعطيك العافية تغطية مميزة بس ماقلتنا كم حجم المحرك وصحيح نزلت بمحرك واحد اللي هو2.5 .. :( ياجماعة شسالفة جيب هذي مكينتة ومعى هوندا دائما الزين مايكمل حلاااه يعني لوبنقول يركبونها 6 ركاب معى حمولة بيصير حنطووور والله قهر شكلة حلوو ورياضي وبعدين صور الخلفية ماطلعت ..والامامية ماعليها كلااام قمة والمقارنة اللي حطيتها ماطلعت صورها وتشكرات
المشاركة الأصلية كتبت بواسطة S c O r P i O n
مشكووور اخوي عالرد
المحرك هو من نوع i-VTEC سعته 2.4 لتر
لكنه قوي جدا بالنسبه لوزنها الخفيف
يعني 10 ثواني كتسارع شي حلو بالنسبه لمحرك 2.4 على جيب
و انا مجرب موديل 97 كان قوي
كيف و الحين هذا عليه محرك فتك
اكيد اقوى
واعلمكم
تراني حاجز واحد فل مخمل اسود
تقبلوا تحياتي
يعطيك ألف ألف عافيه عالموضوع والصور
سيارة رياضية شبابية بدفع رباعي
والحين بتصميم جديد ومن هوندا
الاخطبوط كان هنا
شكرا اخوي الاخطبوط على الرد
و انت لو شفتها عالطبيعه
غيييير
خاصه من داخل
ابداعات
و الله جوها رومانسي من الداخل
تقبلوا تحياتي
موضوع رائع جداً وشرح لطيف جداً وشامل ومدعم بالصور أيضاً، جزاك الله خيراً وبارك لك في سيارتك القادمة
لا تحرمنا مثل هذه المواضيع
حقاً أصبحت السي آر في سيارة عظيمة جداً (ليت سعرها بقي كما هو 70 ألفاً :p)
شكرا لك على الرد
و ان شا الله تشوفون مني كل الي يسركم
بالنسبه للسعر على الاقل تستاهله
القديمه ما كانت تستاهل سعرها كله
بس حتى القديمه كانتو قويه
تقبل تحياتي
أنا لا زلت أراها غالية :p...
على فكرة، السي آر في الأمريكية بها كاميرا خلفية، فهل هي موجودة؟
يفترض أن ينخفض السعر دون وجودها هي وشاشة تحديد المكان GPRS
خلاص خلاص
ما دام انك تشوف انها غاليه
غاليه
بالنسبه للشاشه في قطر تنزل بس سعرها يمكن يوصل 120 الف
و الكامريا؟
ما سمعت انها تنزل بكاميرا ؟!!
عالعموم مشكوور
بالنسبة للمحرك 4 سلندر لجيب هل هناك اي مشكلة في القوة وازعاج في الصوت؟
بعدما عينتها على الطبيعة.... تستحق سعرها
صاير الموتر مقبول بعكس أول نظره
مواصفات حلوه وبالنسبه لإرتفاع و إنخفاض الصوت هذي موجوده في السيارات الأمريكية مثل لبليزر وشيئ طيب أنها موجوده (عشان ماحد يجيك بعدين الهوندا مافيها)
بصرآحه السيآره روووعه والعين عليها
يعطيك ألف عآفيه ع الموضوع الممتاز..
يسلموووو على الموضوووووووع
هل السيارة فيها نظام التثبيت الألكتروني أو نظام التثبيت المساعد Vsa؟
الله يعطيك العافيه ياخوي فيتك على تغطية الموضوع
يعطيك العافيه اخوي ومشكور على هالمجهود الطيب:d
مشكور أخوي على الموضوع
ضوابط المشاركة
مواقع النشر (المفضلة)