وصول هوندا سيتي بمعارض عبدالله هاشم بالسعوديه (( تقرير شامل مصور ))

**meshoo** · 01-04-2009, 01:57 PM

السلام عليكم ورحمة الله وبركاته
اخباركم ياشباب
طبعا زي منتو شايفين تم وصول الهوندا سيتي لمعارض عبدالله هاشم بالسعوديه
فاحبيت انزل هالتقرير الشامل ان شاء الله
طبعا نزل منها فئتين
الفئه الاولى وتعتبر سياحيه وهي lx
الفئه الثانيه وتعتبر الفل عندنا وهي ex
كلهم بمحرك واحد وهو i-vtec 1.5 بقوة 118 حصان

نبدا بمواصفات الفئه الاولى
مقابض ابواب بلون الهيكل
مرايه جانبيه بلون الهيكل
طيس مقاس 15
مرايا جانبيه تعدل كهربائيا
نوافذ كهربائيه اماميه وخلفيه
راديو am/fm ومشغل اقراض مدمجه mp3 و wma
مدخل usb
مدخل اضافي
مكبر صوتي امامي فقط
مكيف هواء يدوي
عرض لاستهلاك الوقود
وسائد هوائيه مزدوجه ( ايرباقين )
نظام المكابح المانعه للانغلاق abs
نظام شد احزمة الامان الى الخلف
نظام مانع حركة السياره ( ضد السرقه )

صور للسياحيه

من الامام

من الجنب

من الخلف

الدركسون

القير

الطيس

المرايا

المسجل نفس الفل تمامآ

مواصفات الفئه الثانيه
جميع ماذكر بالفئه الاولى
+
قير التبترونك ( تحكم من خلف المقود)
مقبض ابواب كروم
جنوط الومنيوم مقاس 16
اضواء ضباب اماميه
اشاره للانعطاف على المرايه الجانبيه
تشطيب لمخرج العادم
مكبرات صوت اماميه وخلفيه
ازرار تحكم بالصوت مثبته بالمقود
ارتفاع لمقعد السائق قابل للتعديل
مقاعد خلفيه قابله للطي
مقاعد خلفيه قابله للاماله
جيب على ظهر مقعد الراكب الامامي
ريموت كنترول
صور للفل

الوجهيه

مقبض الابواب ( كروم )

القير ( ومثل ماتلاحظو مثل السيفيك 2009 تحطه بالـ s وتبدا تتحكم من ورا الدركسون )

المسجل

الدركسون ( لاحظو تحكم التبترونك خلف المقود)

الجنوط

من الخلف

من الجنب

اشارة الانعطاف بالمرايه الجانبيه

الاسطب الامامي + الكشافات

الالوان
فضي مرمري معدني - اللون الداخلي اسود
معدن مصقول معدني - اللون الدخلي اسود
اسود كريستال لؤلؤي - اللون الداخلي بيج
ازرق سماوي داكن معدني - اللون الداخلي بيج
احمر هابانيرو لؤلؤي - اللون الداخلي بيج
بيج معدني اللون - الداخلي بيج
ابيض لامع لؤلؤي - اللون الداخلي بيج

نجي للاسعار
الـسياحيه lx بـ 58.400 شامله اللوح والاستماره
الفل ex بـ 62.400 شامله اللوح والاستماره

وفي النهايه اتمنى اني وفقت بطرح التقرير لكم
وهذا التقرير جهد شخصي وتعبت عليه واتمنى من اي شخص عند نقله ذكر رابط الموضوع الاصلي بنادي محبي هوندا
كان معكم meshoo

**سلملم** · 01-04-2009, 02:06 PM

يعطيك الف عافيه على التقرير المميز

وانا اليوم كنت بعد موجود في شركة عبدالله هاشم

الصبح

وشفتها موجوده

تقرير بطل

**MaLiK1987** · 01-04-2009, 02:12 PM

يعطيك الف عافيه على التقرير المميز
وعجبتني بصراحه

الجنوط "

.
.
.

**T A L A L - R** · 01-04-2009, 02:18 PM

شكرا" على التقرير المنضم لكن من ناحية السياره مو حلووه مره .

وتحياتي لكـ

**HKS** · 01-04-2009, 02:29 PM

يعطيك ألف عافية على التقرير الرائع

**S.M.A.R.T** · 01-04-2009, 02:51 PM

مشكور ع التقرير يا ميشو

واحلى شي انهم مركبين كفر بريدجستون تورنزا عشان تطلع نعوووووووومي

تشااااااااااااااو

جوزيف

**&فارس&** · 01-04-2009, 03:15 PM

يعطيك العافية على التقرير المميز ..والسياره رووعة مايحتاج

تحياتي لك ...

**CIVICORD** · 01-04-2009, 03:55 PM

آآآآآآآآآآه يا آلبي .. !
هوندا جاز ... !! قير تبترونك ...
تلتها سيفيك ... !! قير تبترونك ...
والآن سيتي ... !! قير تبترونك ...
وقريبا ليجند ... !! قير تبترونك ...
أتوقع يجي الدور على الأكورد ... وعلى الأقل الكوبيه بس ... !
تسلم حبيبي ميشو على التقرير المميز للسيارة المميزه .. واللي اعتقد ان هوندا ما عرفت تزبط خلفيتها كالعاده .. !
تصميم أمامي رائع ... !
مواصفات ممتازه ... والسعر ,,,, ... ؟؟؟؟؟؟؟؟؟!!!!!!!!!!!!!!!؟؟؟؟؟؟؟؟؟؟؟

**King** · 01-04-2009, 04:34 PM

بارك الله فيك حبيبي meshoo

تقرير جدا ً رائع

_- _ - _ - _ - _ - _

إلى الأمـام

**A N M A R** · 01-04-2009, 04:53 PM

يعطيك العافيه ميشووو

وحسنو السياره كثيييييييييييييييييييييييييييييييييييييييييييييييي ير

**salamify** · 01-04-2009, 05:01 PM

يعطيك ألف عااااافية أخوي ميشو ودائما متميز بمواضيعك الحصرية...

**SAND** · 01-04-2009, 05:42 PM

مشكوور اخوي على التقرير الجبااااار
وامس انا شفتها في الوكالة

**HONDA BOY** · 02-04-2009, 04:47 AM

ههههههه والله مشالله السياره دلع وبصراحه السياره عجبتني وخصوصا انهم عدلو التصميم هاذي عبي فل بي 20 ريال وفل اسبوع ههههههههههه ويعطيك العافيه على تقرير الرائع

**المباشر** · 02-04-2009, 05:00 AM

ماشاءالله تبارك الله

تقرير مميز ورائع ياميشو

يثبت لمجهودك الرائع لمدة 5 أيام

**meshoo** · 02-04-2009, 10:22 AM

T A L A L - R: لاشكر على واجب والسياره هي حلوه بس خلفيتها ماش وحياك الله

HKS: الله يعافيك والاروع تواجدك حياك الله

امير الهنادي: لاشكر على واجب ومن جد كفر بريدجستون تورنزا جدا ممتاز عندي بالسيفيك من الوكاله وحياك الله
نورت

&فارس&: الله يعافيك والاروع مرورك حياك الله

CIVICORD: الله يسلمك ومعك حق بالنسبه للخلفيه وان شاء الله تتعدل بالموديلات الجايه وحياك الله نورت

King: وفيك ان شاء الله والاروع مرورك حياك الله نورت

A N M A R: الله يعافيك ومن ناحية التحسين فرق كبير بين القديمه والجديد وحياك الله نورت

salamify: الله يعافيك ومتميز بوجودك وحياك الله

ل ط و السعودية 874: لاشكر على واجب حياك الله يالغلا

HONDA BOY: الله يعافيك واذا السيفيك ماشاء الله اعبيها فل 18 ريال كيف هذي اجل اقل بكثير لان تانكي السيفيك 50 لتر وحق السيتي 2009 42 لتر وطبعا لم تولع اللمبه يبقى 10 لتر احتياطي وعليك الحسبه وحياك الله نورت

المباشر : الاروع تواجدك وتواجد الاعضاء وماتوقعت كل هالردود ماشاءالله وماقصرت على التثبيت وحياك الله نورت الموضوع

وماقصرتو ياشباب وبيض الله وجيهكم على التواجد الرائع وحياكم الله جميع من دون استثناء

**lambo** · 02-04-2009, 03:10 PM

أكثر ماأعجبني في هالموضوع هو الموضوع نفسه ...
وكأنني بوكاله عبد الله هاشم ارى السيتي ومميزاتها ...
بارك الله فيك يالغالي وماقصرت فعلا جهد واضح وأكثر من رائع والى الامام دائما ...
بالنسبه للسياره حلوه وانا عجبني التصميم كثير احلى من الموديل السابق بالتاكيد ...
قير تتروبونيك وعرض مسافات البنزين ...
شكلي ابروح اولع بالاكورد الحين مالت عليها سياره
تعريف الأكورد : دباب من هوندا يمشي على اربع كفرات مغطى بالكامل مع ديكور حلو ومواصفات زيرو...:p
بس السعر الصراحه لاتعليق والله حرام ياعالم والله حرام هاللي يصير ....
قارنوا الاسعار الحين وقبل 3 سنوات مده ليست بالطويله والله فرق السماء عن الارض...
أكورد فل كامل جلد 2003 ب74 الف ..
أكورد سياحي بدون فتحه 2003 ب 56 الف ونزل الى 54
سيفيك فل كامل 2005 ب 49 ألف
الين متى هالاسعار بترتفع الى متى ...؟؟
شكلي بقاطع وبقول يلا على فورد 78 ألف اسبيشل اديشن ولا أحلى ...:o

**meshoo** · 03-04-2009, 06:38 PM

تسلم والله هذا من ذوقك اخوي lambo

وزي مانت عارف كل سياره لها طابعها الخاص سواء رياضيه او رسميه وكل طابع له حد بالمواصفات او الاضافات

ووكيل الشرق الاوسط الفطيم(الامارات) وليس عبدالله هاشم يعني مو هو المتحكم على المواصفات الي تجي السعوديه

وزمن اول تحول ولاتنسى الين في ارتفاع مستمر

والله يعين على هالدنيا

وحياك الله نورت الموضوع

**سيتي ماكس** · 03-04-2009, 10:52 PM

ليش هوندا تخلت عن القير العادي حتى في اصغر سياراتها
بكذا هوندا بتخسر محبي القير العادي الى الابد
مشكوووووووووور

**meshoo** · 03-04-2009, 10:59 PM

ممكن لان القير الاوتوماتيك اكثر طلب من القير العادي

مع اني اتوقع ان القير العادي موجود بس بكميات قليله مثل ماجا بالسيفيك والاكورد

ولاشكر على واجب اخوي سيتي ماكس وحياك الله نورت يالغلآ

**Z U H A I R** · 04-04-2009, 02:24 AM

سلامات .. سلامات ..

سلامـــــــــآآآآآآآآآآآآآآآآآآآآآآآآآآت .. على السعر

الله يرحم ايام كان سعر الاكورد كاش بالمبلغ هذا :p

**meshoo** · 04-04-2009, 11:49 AM

الله يسلمك اخوي زهير ممكن نسوي لك خصم :p

والله مادري وش اقولك هذا الواقع وزمن اول تحول

وحياك الله نورت الموضوع

**أبو الريش** · 05-04-2009, 02:06 AM

يعطيك الف عافية اخوي ميشو عـلى التقرير

و الجنط بـصراحة عجبني لكن بس حلاته يكون اكبر

لـكن مدري كنت فاكر انها افضل من الداخل

لكن معليش حلوه حلوه

**محجوب** · 05-04-2009, 09:41 AM

التقرير بطل والله من صور الى معلومات وتفاصيل

بس عندي سؤالين لطيفين وخفيفين ... وش صناعتها هالكتكونة ؟؟
والثاني أنا أعرف جوابه بس ودي تفكرون فيه .. وين مدخل الـcd ؟؟

**غضب الاكورد** · 05-04-2009, 10:42 AM

بصراحة تقرير رائع من شخص مبدع دائما

والسيارة انا شفها من كم يوم على سطحه وعجبتني مره

وصورتها ومانا عارف شنو هي

واحين التقرير المتناسق

بصراحة حلوه وايد

ببيع الاكورد وباخذ سيتي >>>> :d

**meshoo** · 05-04-2009, 03:55 PM

الله يعافيك يا ابو الريش وبالنسبه لشكل السياره من داخل لازم يكون فيه درجات بينها وبين الانواع الاخرى زي

الاكورد والسيفيك وحياك الله نورت

تسلم يامحجوب بالنسبه لسؤالك الاول فا للاسف تجميع تايلاندي صورت لكم قطعة الحديده الحمراء الي مبين فيها رقم

الشاصي والصناعه وتاريخ الانتاج بس طلعت مشوشه ومانزلتها والسؤال الثاني زي ماتلاحظ المستطيل الي فيه

شاشه بالمسجل اضغط وينزل من فوق وتحصل السي دي وراه وحياك الله نورت

الاروع تواجدك ياغضب وحياك الله نورت