رد مع اقتباسمشكور اخوي صراحه على موضوعك القيم
بس ابيك تقلي ايش اضرار قص اليايات عشان التهبيط
السلام عليكم و الرحمة اعضاء هوندا ارابيا،،
معظمنا يهبط سيارته بهدف شكل افضل و مسافة اقل بين الكفر و الرفرف، و هذا يعطي شكل اجمل للسيارة، هدف الموضوع هو شرح كل ما يتعلق بالتهبيط، و المشاكل المتوقع حدوثها بعد التهبيط، و راح ارد فيه على كل استفساراتكم،،
تهبيط السيارة المعتاد عند بداية ظهور الفكرة، هو بإستخدام يايات أقصر من يايات الوكالة فقط، لإنزال مستوى السيارة، و لكن يتبع هذا الأمر عدة مشاكل:
1. تلف المساعدات Shock observers blowing:
المساعدات هي عبارة عن وحدة طولية تحوية بستن و زيت و تكون متصلة باليايات و تتصل معها من الأجزء العلوي، وظيفة المساعدات هي امتصاص الصدمات عند تغير مستوى السيارة او التغير المفاجئ في مستواها نتيجة الإصطام بمطب مثلا، النتيجة هي انتقال الصدمة من اليايات الي المساعدات لتفريغ هذا الطاقة بإنضغاط المساعد و ارجاع السيارة للإرتفاع الطبيعي.
* سبب المشكلة>>
مساعدات الوكالة مصممة بطول و درجة تحمل و امتصاص للصدمات مناسبة لوزن المركبة، و طول يايات الوكالة لتعمل بالشكل الصحيح، عند تغيير يايات الوكالة الى اليايات التجارية (مهما كان نوعها و جودتها) ينتج عنده هذا خلل في نظام التعليق بالمركبة، الضغط على المساعدات يكون اكثر بسبب قصر المسافة بين البستن الداخلي و قمة المساعد (shock travel)..
و هذا ايضا ينتج عنه زيادة احتمال تلف ال bump stops في قمة المساعد للحالات الطارئ من الإنضغاط (مطب كبير مفاجئ مثلا)، النتيجة هي قصر عمر المساعدات بشكل واضح و تلفها تلف تدريجي، مع الوقت يبدأ إحساس الركب بعد ثبات السيارة و الحركة الكثيرة و الزائدة و خاصة عند المطبات، و يتبعه تلف المساعدات كليا بشكل تدريجي.
* حل المشكلة>>
تركيب مساعدات تجارية رياضية مخصصة للسيارات المهبطة، و مصممة لنوع السيارة و موديلها، تكون هذه المساعدات اقصر، و درجة تحملها اعلى، و تختلف هذه المقاييس حسب الموديل و الشركة المصنعة لهذه المساعدات.
اشهر الشركات المختصة بهذا المجال: Koni ,Tokico, Skunk2
2- تآكل الكفرت غير الممنتظم Uneven tire wear:
تصنع السيارة في الوكالة و تضبط ميزانيتها بمقادير محددة تنتظم مع وزن السيارة، نوعيتها و فأتها (إقتصادية، رياضية...) من هذه المقايس و أهمها هي Toe و Camber.
Toe: يحدد درجة دورات الرنج، و هو يؤثر على عمر الكفرات بشكل أساسي.
Camber: يحدد درجة ميلان الرنج بعيدا (إيجابي) او قريبا (سلبي) من نظام التعليق، و هو يحدد اتزان درجة تأكل الكفر، و يحدد مدى احتكاك كل جزء من الكفر بالأرض.
* سبب المشكلة>>
ينتج عن تهبيط السيارة تغير درجة هذين العاملين بشكل عشوائي ناتجا تقصير عمر الكفرات بشكل واضح و زيادة التلف نتيجة للمس بمعامل Toe و ايضا التغير في درجة التلف على مستوى الكفر بسبب تغير معامل Camber عشوائيا نتيجة التهبيط.
*حل المشكلة>>
يجب و بشدة اعادة تعديل ميزانية السيارة عند اي محل متخصص لإعدادات الوكالة، عند اتزان اليايات الجديد بعد اسبوع من تركيبها تقريبا، و هذا يعالج معاملي toe و camber.
و في حالات التهبيط بشكل كبير، اي اكثر من 1-1.5 انش، يجب و مهم جدا تركيب Camber kit و هدفه التمكن من تغيير درجة ميلات الرنج camber لإعدادات الوكالة لتجنب التآكل غير المنتظم للكفرات.
إن شاء الله يكون الموضوع واضح و مفيد، و مستعد اجيب على كل إستفساراتكم بخصوص الموضوع،
مشكور اخوي صراحه على موضوعك القيم
بس ابيك تقلي ايش اضرار قص اليايات عشان التهبيط
هلا و الله اخوي،،
معظم اليايات التجارية بتكون ايبس من الوكالة، لما تستعمل يايات الوكالة نفسها بنفس ليونتها و لكن بطول اقصر، فانت تعطي مجال أكبر لتلف المساعدات لانها راح تنضغط بشكل كثير كبير بسبب ليونة اليايات و يكون احتمال ان المساعدات تنضغط لآخرها بسبب قصرها و تضرب معاك..
اكيد قص يايات الوكالة هو شئ غلط اصلا تفكر فيه،،
و حياك*
مشكور على جهدك يا بطل
بس عندي استفسار وش رايك بيايات ايباخ؟
هلا اخوي،،
ايباك ياياتها ممتازة و عملية و راح بتكون قيادتك للسيارة قريبة راحتها من الوكالة،، اتوقع تهبط الاكورد بحدود انش و شوي، يعني بيضل عندك حدود اصبع و نص بين الكفر و الرفرف،،
شاكر موضوعك الجميل و شرحك الاجمل
!!! اكــــــــورد عندما تعشق التـــــــميز !!!
طيب اخوي سيارتي لي سنه ونص قصيتها ومافي اي مشاكل عندي
طبعا من قدام لفه ومن ورا لفه الا ربع وشرايك انت يضر السيارة
لاني مانزلتها مررررة
اخوي الموضوع يعتمد على سواقتك، و انت ما قصتها كثير مثل معظم الناس...ما اتوقع عندك مشاكل كثير بإعتبار ان مبين سواقتك خفيفة..
بس اذا الواحد بيهبط و يكون مطمن و اداء سيارته ممتاز، لازم يايات و مساعدات رياضية، حرام سيارة دافع عليها و بعدين تقص يايات..
هههههههههههههههههههههههههه
شكلي طفشتك والله بالاسئله كثيرة
ماعليه تحملنا تعرف ماصدقنا لقينا واحد زيك خبرة ماشالله عليك
نساله الله يعطيك العافيه ويكثر من امثالك
قبل ماانسى احسن نوع لموديل سيارتي يايات ومساعدات ايش وكم سعرها موديل سيارتي 2004
لاتخاف اخر سوال >>>> شكله بينجلد :d
عندك Tokico HP حلويين سعرهم حدود 1000 ريال، بس Koni yellows اتوقع افضل بس غاليين شوي، سعرهم 2000 و اليايات يعتمد على التهبيطة اللي محتاجها، بس Eibach ياياتها حلوة، pro kit تهبيطتها حدود الانش و شوي و sportlines بحدود انشين الا شوي، مو متأكد من الأرقام بالنسبة للأكورد..في عندك Skunk2 و tein شغل مرتب، بس يجوا يابسين شوي، تحكم افضل بس مش مريحين مثل شغل الوكالة،،
ممكن 1700 هالحدود بيكلفك مساعدات و يايات و شحنهم، و بتكون سيارتك شكلها احلى، ثباتها كتييير احسن و تكون قاعد مطمن من خايف يضرب عليك شي..
و اذا عندك شي، و لا يهمك اخوي حاضرين،،
يجب و بشدة اعادة تعديل ميزانية السيارة عند اي محل متخصص لإعدادات الوكالة، عند اتزان اليايات الجديد بعد اسبوع من تركيبها تقريبا، و هذا يعالج معاملي toe و camber.
ما فهمت النقطة هذي
هلا اخوي،،المشاركة الأصلية كتبت بواسطة abu khaled
ما فهمت النقطة هذي
اليايات القصيرة لما تركبها، بتتغيير عندك معايير ال toe و camber اللي تتحكم بزاوية ميلان الرنج و دورانه مثل ما موضح، و ينتج عنه تآكل بالكفرات، لازم تتنظر فترة بسيطة لتهدى اليايات، شوي شوي اليايات بترتاح طبيعي و تلاقي الفراغ بين الرفرف و الكفر صغر...شغلة 5 ايام و لا اسبوع، على حسب وزن السيارة و اليايات..و بعدها تاخذ السيارة يسوولك ميزانية، حتى ترجع toe و camber لمقاييس الوكالة،،
بس لما تهبط السيارة كثير، ما راح تقدر الميزانية تعدل ال camber لميزانية الوكالة لانه بيتغير كثير وقتها و قطع الوكالة ما تقدر تعدل فيها الكامبر الا شي كثير بسيط، و الحل تركب كامبر كت تقدر تعدله على كيفك لمقدار الوكالة او ممكن تسوي كمبر سلبي قدام و اقل شوي ورا حتى تساعد على ثبات و التفاف السيارة، بس اكيد الكفرات بتعيش وقت اقل وقتها..
ألف ألف شكر على الموضوع الرائع و الممميز أخوي xHeartcoreboyx .
موضوع مفيد و يشرح بطريقة تفصيلية نظام التعليق للشباب إللي ناويين يعدلون نظام التعليق في سياراتهم , أحب أزيد على الموضوع إذا ما عندك مانع بخصوص ماركة Tein و هي إنها نزلت نظام تعليق رياضي كهربائي قيمته مع الشحن حدود الـ 6000 ريال .
بصراحة موضوع ممتاز جداً . و في نقطة حلوة إنت نبهتنا عليها و هي الـ ميزان بعد تركيب السسبنشن الجديد , و أيضا بعضها تجي بأعمدة توازن أمامية و خلفية تزيد من قدرة السيارة في المنعطفات القوية .
هلا والله اخوي، حياك، و كويس عجبك الموضوع، :d
ان شاء بحاول اسوي موضوع لدور السسبنشين بتحسين التحكم للسيارة من حيث ال sway bars, coilovers, camber kits و مقاسات الكفرات و نقشاتها و الرنجات و غيره، بس قلت اترك هذا الموضوع مخصص اكثر عشان ما تكون معلومات كثيرة بنفس الوقت.
...................
التعديل الأخير تم بواسطة xHeartcoreboyx ; 11-05-2009 الساعة 08:55 PM
يعطيك العافيه اخوي على الموضوع ............
بس ممكن سؤال الحين انا مركب كفر عريض 235 حلو .... ورحت لمحل ميزان قالي عندك مشكله ولازم نوزن camber لان الكفر مع الوقت يتاكل ..انا مافهمت وش المطلوب فياليت توضح لي واكون شاكر لك..
الله يعافيك اخوي،،
ماله علاقة عرض الكفر بالكامبر، الا اذا كنت مهبط سيارتك و الكفر يحك، لازم تعطي كمبر سلبي ورا بإعتبار انه الكفر العريض راح يحك ورا غالبا لان الرفارف الخلفية اضيق،،
السلام عليكم..
مشكور على الموضوع الرائع ويعطيكي العافية..
بس عندي سؤال:
انا اشتريت يايات ايباخ برو كيت مستعملة وبعد ماركبتها شكل السيارة صار تمام التمام وصارت افضل في المنعطفات والبريكات.
بس صارت عندي مشكلتين:1- على الخط وانا امشي 120-140 صرت أحس الى اي نزلة او رفعه يعني السيارة تناقز .. وهذا الشي متعب صراحة .. مو مريح!! 2- عندي صوت في الخلف مثل صوت دقة الحديد مع اي مطب لو حفرة صغيرة اسمع الصوت !! مع اني تأكدت انهم راكبين تمام التمام!!
هل المشكلة من اليايات انها خربانة لو شي!! وكيف احل هالمشاكل!
ارجو الافادة وشكرا!!
أنا ان شاء الله ناوي على يايات ايباخ
يعني إذا ركبته أروح لمحل أسوي وزن للكفرات
و عليكم السلام، الله يعافيك،،
المناقزة طبيعية بمعظم اليايات لما تركبها على مساعدات الوكالة، لانها ما تكون يابسة بشكل كافي، و هذا ماله حل..
الصوت، حاول تفك كل الوصلات و تشحم فوق المساعدات و اماكن تركيب اليايات من تحت، تاكد يكون الشحم اصله سيليكون و هذا هو المناسب لنظام التعليق،،
توكل على الله، و اكيد تاكد باقرب وقت تبدل المساعدات لانها ماراح تعيش معاك، و ثبات و تحكم السيارة ماراح ترضى عنهم مع الوقت..
ماشاء الله على موضوعك وافي والشرح طيب
شالفايده ادفع واخسر على اليايات والمساعدات وانا بدفع للمرور المخالفات الي بتجيني من التنزيله ؟؟؟!!!
يعطيك العافية اخوي على الرد..
بس ياريت توضح لي اي وصلات الي افكها واشحمها.. ووين في المساعد بالضبط ؟؟ (لاني مافهمت عليك) ؟
اسمح لي زهقتك معاي بس الصوت فاقع راسي ... صاير الموتر كأنه دتسن
ضوابط المشاركة
مواقع النشر (المفضلة)