الموضوع: طريقة اللوحااات

السلام عليكم ورحمة الله وبركاته ..
منقووووووووووووووووول

الكثير من الاخوه في المنتدى وغير المنتدى يسألون عن كيفيه شراء اللوح من المزاد او كيفيه عمل تغييرها من المرور وراح اشرح لكم بالتفصيل الممل ..

1- اذا كانت سيارتك بطاقه جمركيه :

تقدر تشتري لها لوحه من المزاد وتركبها ثاني يوم بشرط المواصفات والمقاييس
اذا بتشتري لوحه من شخص اخر لازم تكتب سياره زميلك باسمك ثم تنقل اللوحه وبعدين ترجع تعمل مبايعه في المعرض وترجع السياره

2- اذا كانت سيارتك عليها لوحه :

اذا كانت سيارتك عليها لوحه وشريت لوحه من شخص اخر على سياره او سياره اخوك او اي احد
اول شي تكتب السيارتين باسم شخص واحد انت ولا الطرف الثاني وبعدين تروح المرور تعمل تبديل لوح السيارتين وبعدين ترجع السياره الى صاحبها عن طريق مبايعه المعرض
وراح تكلف العمليه بس 1100 ريال رسوم استمارات ونقل الملكيه
مده هذه العمليه من اسبوع الى 10 ايام بالواسطه والدف
طبعا لازم تكون السيارتين مفحوصه والاستماره ساريه المفعول
ولازم تكون ملف لوح السيارتين في نفس المنطقه اما اذا كان ملف لوحتي في الدمام والسياره الثاني في الرياض ( ردد ياليل ) على مايجي المف من شهر الى شهرين

3- اذا كانت سيارتك فيها لوحه وتبي تشتري لوحه من المزاد :

طبعا اول شي تروح المزاد وتشتري لوحه وثاني يوم تروح المرور وتعمل اسقاط للوحه سيارتك
وتركب عليها لوحه المزاد وراح تاخذ منك من يومين الى ثلاث ايام اذا كان ملف اللوحه في نفس المنطقه

ملاحظه : بالنسبه للحروف المتشابه مثل( م م م -أ أ أ -س س س ) دائما يكون ملفها في الرياض .