ضروري بخصوص السمكره

**سيفك2008** · 23-05-2009, 12:12 AM

هااااااااي كيفكم شباب أخباركم طبعا أنا أخوي عنده نفس سيارتي سيفك موديل 2008 بس اللي يفرق عني وعنه أنا سيارة أخوي فل أوبشن ونا سياحي

المهم أخوي سيارته اللون لئلؤي وهو يمشي لم يكن في أنتباه ووقع في حفره أدت الى تقشر الصدام الأمامي من الأسفل
وشنو تنصحون ألحين لأن أنا قلت لأخوي مالك حل الى عند منتدى هوندا هم أكثر خبره
يعني يرش الصدام كامل بالوكاله وكم السعر
أو يوديه عند سمكره تكون شغل مظبوط لأن التقشر صار من الأسفل يعني يحتاج سمكره ماراح يفيد التنقيط اذا ماخاب ظني بس انتو شنو تنصحون وياليت أحد يفيدني اذا يعرف أفضل سمكره بالأحساء ومشكورين ويعطيكم الف عافيه وكم التكلفه وأسف شكر لكم

**أبو الريش** · 23-05-2009, 12:21 AM

نـصيييييحه و وجهت نظري

دام انها خفيفه و من تحت و اظن ما راح تبين <<< يعني قل له خليها تولي و انساهـا ;)

دام انه محافظ ولا يمسك خطوط ولا يحركها من البيت و كل يوم تلميع و تنظيف و رايق عليها <<< يرشهـا في الوكالة و اظن راح يكلف 400-500 ريال ,, للأن راح يكون رش كامل الصدام

و اذا الولد قنووع ما يهزه هااز <<< يسويها عند ورشة محترمه لكن خل يضرب حساب انه راح تتغير 100% مع مرور الزمن
يمكن في البداية ما راح يفرق اللون لكن مع مرور الزمن بشوف الفرق

و انا رأي اقنع اخوك و خله يخليها ولا يهتم فـيها
للأن الرش يأثر تاثير على السياراة و راح تكون البويه مش مثل شد بلدها
^^
:(مجربها و حـاليا يعـاني :(

و نسيت اقلك شي مهم

لا يغرك شغل الوكالة تراه كله نصب في نصب و مهب زود عن الورشات

**o-k-r** · 23-05-2009, 12:22 AM

ماظنتي الصدام يتسمكر

لأنه فيبر(بلاستك)

عن طريق المعجون+الصنفره يتعدل

وانا في الحسا ماأعرف ^_^

**slaitr** · 23-05-2009, 12:29 AM

اذا تبي رايي لا يرشه لا في الوكاله ولا غيره
واذا مصر يرشه
الورش 100-200
الوكاله 600

**مشآري** · 23-05-2009, 01:05 AM

اذا مو باينه خله يتركها .. لاكن اذا يبي يرشها يروح لـ ورشة البراهيم في الصناعيه او لـ الميراج .. وان شاء الله يضبطونها ..

**سيفك2008** · 23-05-2009, 01:07 AM

مشكورين على ردكم ياشباب بس مادري شنو أقول لكم أخوي من النوع اللي أكره شيئ يشوف أي خدش بالسياره كيف ألحين يصير عنده تقشر بالبويه أنا حاولت أقنعه وقوله أنه بالأسفل يعني مو واضح يقولي لازم أوديه ورشه بسمكره كويسه بس هل تتوقعون راح اللون يتغير مع مرور الوقت ياليت تفيدوني علشان أقنعه ومشكورين

**سيفك2008** · 23-05-2009, 01:11 AM

طيب طيب مشاري شنو رايك بورشة هوندا اللي تكون قريبه من الصناعيه هل تأيد شغلهم أو لا

**أبو الريش** · 23-05-2009, 01:25 AM

ياخوي في البداية ما راح يبين معه بحكم ان الرش بكون الصدام كااامل مهب بس المكان الي تقشر
طيب ,, فما بكون الفرق واضح ما بين لون البدي و الصدام
لكن مع مرور الزمن او بالأحرى سنه راح يوضضح الشي للأن راح تصادفه رطوبة و مطر و شمس فـ بتطلع له الفروقات في هذي الأثناء
و انا اقلك يا خوي هذا الشي بحكم ان الشي صـار لـي و بـ شغل و كالة و ورشة
في البداية طلع كل شي تمام التمام و مافي فرق
لكن بعد 8 شهور من الآن ,,, جوده الشغل كلها طلعت
اختلاف يلفت النظر و خصوصا في عصريه و السيارة نظيفة راح يكون الفرق شاسع
اما و هي مغبره فما يلفت النظر ,,, وهذا الي حاصل معي الحـين موتري ما انظفه بالممره ,,
و انظف الموتر من تجمع لـ تجمع :o
وهذي فقط تبيهات وجيزه
والقرار ياخوي راجع لكم ;)

**مشآري** · 23-05-2009, 01:26 AM

^^^
والله ماقد جربتها عشان كذا مأقدر اقولك شي بس ماشاء الله تبارك الله الي يقرب لي معاه لكزس 2007 يبي يرش الصدام مثل اخوك راح لـ ورشة البراهيم وضبطوه وأحسن من الوكاله .. او رح لـ الميراج وان شاء الله يضبطها .. بس انتبه من كارس او كار كير او دايموند ونا ارشح البراهيم..

**المباشر** · 23-05-2009, 02:25 AM

<< عندي حكة تحت في الصدام وماتبين وكان ودي اصورها لك

وخليتها ولا قربت لها ..

قولة يارجال وسع صدرك واذا ماتنشاف الا اذا نزلت تحت السيارة خلها

**سيفك2008** · 23-05-2009, 07:33 PM

مشكورين على ردودكم وتفاعلكم ياشباب أخوي اليوم خليته يطلع على ردودكم القيمه ويشكركم على تفاعلكم وعلى حسب كلامه أنه خلاص راح يترك الصدام لأنه التقشر من الأسفل ومو واضح ذاك الزود خوفا مع مرور الوقت تغير في اللون ويعطيكم ألف عافيه