شباب ياليت احد يجاوبني
لرفع ,,,
السلام عليكم ورحمه الله وبركاته
حبيت اسأل عن سعر هوندا اكورد 2005 لون ذهبي ماشي اقل من 100 الف
نضيف بدون فتحه قيرعادي
وهل قطع غيارها متوفره بالقصيم
وما اغلب المشاكل التي تواجها ؟
وهل توجد اكورد امريكيه ( وارد امريكي )
ومالفرق بين الاكورد السعوديه والاكورد الخليجية والاكورد الامريكية بالقطع الغيار الخارجي والداخلي ؟
والله يعطيكم الف عافية
التعديل الأخير تم بواسطة gol ; 31-05-2009 الساعة 04:14 PM
شباب ياليت احد يجاوبني
لرفع ,,,
وعليكم السلام ورحمة الله وبركاته
مهما كانت نظافته ما يروح بعيد عن الـ 25 الف
متوفره في الوكالة ببريده ومحلات قطع الغياروهل قطع غيارها متوفره بالقصيم
اكبر مشاكلها الرجة وصوت الفرامل مع السرعة وحلها تغيير الفحمات وخرط الهوبات كل فترةوما اغلب المشاكل التي تواجها ؟
وفيه بعض العيوب المصنعية البسيطة بس ماهي موجودة في كل اكورد << يعني انت وحظك
الخليجية والسعودية زي بعضها في كل شي الا المواصفات احياناًوهل توجد اكورد امريكيه ( وارد امريكي )
ومالفرق بين الاكورد السعوديه والاكورد الخليجية والاكورد الامريكية بالقطع الغيار الخارجي والداخلي ؟
الامريكية موجودة لكنها نادرة في السعودية وقطعها ما تختلف الا في اشياء بسيطة
محاكيك معه اكورد امريكية ولا احتجت اطلب لها من برا الا فلتر بنزين بس
هذي اللي عندي وسلامتك
والله يكتب لك الخير ويوفقك بالموتر النظيف
.
.
.
اخوي كيف حالك اول شي الله يوفقك في شراء موتر نضيف اما السياره اللي قلت عليها حسب المواصفات المذكوره فهي لا تحتوي على اي شي من انواع الرفاهيه المتوفره في الفل او السبيشل والسعر مثل ما قال اخوي اللي قبلي ما تتعدى 25 الف حسب نضافتها طبعا
ونصيحتي لك زود فلوسك شوي وخذ على الاقل سبيشل ولو زودت 10 الاف تقريبا بتاخذ فل والاختلافات حدث ولاحرج عن الفل والعادي منها
فتحة سقف -قير اوتو - 6 سيدي - مثبت سرعه - شماسات بانوار - جنوط 16 -مكيف الكتروني -مقاعد جلد بعض الفئات -مرايه الكترونيه
وطبعا هذي الاختلافات في السياره السعوديه والخليجيه حسب فئتها
اما الامريكيه بعض الانواع تحتوي على شاشه ملاحه ومرايا جانبيه قابله للانطواء ومرايه في الوسط تحتوي على بوصله ونظام تسخين المقاعد تلاحظ الازرار عند القير وبلوتوث التحكم في المقود ورموت فتح القراج فوق المرايه والله اعلم وهذي صور اكورد امريكيه
اخوك اكووورد مجنونه
التعديل الأخير تم بواسطة اكووورد مجنونه ; 01-06-2009 الساعة 01:41 AM
شباب جاني عرض هوندا اكورد 2005 لون اسود فتحه ماشي 170 الف فيها طقه خفيفه من عند الباب سي دي قزاز كهرب
بـ 34 الف ريال
وش رايكم اتوكل على الله
مواقع النشر (المفضلة)