الموضوع: تقريري الخاص - نقل لوحات بين سيارتين - تنازل عن لوحة مميزة

المشاركة الأصلية كتبت بواسطة سعودي ستايل

اول شي السلام عليكم
ومشكور وماتقصر على الموضوع
انا عندي نفس المشكله ابحول الوح من سيارتي القديمه الى الجديده هذي انشاء الله ومعلوماتك مره فادتني
حبيبي انا السياره القديمه باسمي والحمد لله صاحبي صلحها الانها كانت خربانه ودخلها افلحص الدوري ونجحت والحمد لله عليها تأمين والحمد لله
بس يسيارتي الجديده لا زم يكون عليها فحص ولالا ؟؟؟
انا بالرياض هذي العملية تطول عندنا ولا نفس الشي ؟؟؟
انا ابحول لوح بس لوحة الجديده ابسقطها خويي مايبيها بيطلع وحده جديده باسمي الي يبي الوحة (أ م س السعودية 3031 ) يقولي على شان اسقطها وياخذها على طول :d

لازم الفحص ومايمنع تسأل المرور مع أني متأكد مليون بالميه انهم بيقولون وين الفحص

والسيارة القديمة يوم طلعت من الوكالة وين تسجلت في أي مدينة - اذا بالرياض وموترك الجديد بالرياض فالدعوه سهالات وماراح تطول كثير

لكن اذا القديمة مسجلة في مدينة ثانية فردد ياليل على مايجي ملفها من قسم المحفوظات بالمرور

المشاركة الأصلية كتبت بواسطة سعودي ستايل

الحمد لله بدلت الوح بيوم واحد
وما اخذت مني شي رحت المرور الساعه 11:30 وخلصت وحولها الساعه 12:00

والي اخذوه مني ملفين شافافين كل واححد فيه نموذج تحويل الوح و كل واحد فيه صور استمارت الوحه القدمه واحد الجديده و اخذو ورقة فحص السياره القديمه الجديده ما اخذو عليها فحص و صوره اثابتي ودفعت رسوم 250 لكل لوحه يعني 500 والحمد لله ركبت الوح
م ي ي 555 وطلبت الوح الجديده وبتجي بعد 3 ايام :d ان شاء الله
تحياتي

على البركة وأكيد تخلص بسرعة اذا السيارتين مسجلة بنفس المدينة والأكيد اذا قدمت وأمورك كلها بالرياض ، مالك حاطر تصكها صور وتتحفنا فيها ( نبي نكحل عيونا ):d

<< مادري وش قصة مرور الرياض مع الملف الشفاف

<< خويكم طقها للرياض لمرور الناصرية للمبنى رقم 6 خلف المسجد << يوريكم انه راح لهم :d علشان حذف الأصفار وقالي بعد أسبوعين وقلت له مايصير قال هذا النظام الحين تاخذ أسبوعين وقلت له وقف لا تدخل المعلومات في الحاسب وخلني أقدمها من الشرقية أصرف ورجعت بنفس اليوم

ورحت لمرورنا الطيب وقدمت وقالوا شهر وطبعآ أكيد تجي قبل الشهر الوعد بعد أسبوع أو أكثر

( وطلبت لوحة قصيرة والثانية طويلة ) << وشفت التعميم بأم عيني بالموافقة على طلب لوحات للسيارة طويلة والثانية قصيرة بنفس الطلب يعني مش طلبين << ماعندكم مشاكل بتاتآ

المشاركة الأصلية كتبت بواسطة سعودي ستايل

غريبه قلت له ابي وحده طويل ووحده قصيره
مع العلم ان ما اخذو علي ريال قالي وش تبي طوال ولا قصار الان الوح مميزه ومن المزاد وقلت له وحد طويل وحده قصيره قالي مايصير ياطوال يا قصار
اليوم بعد شوي بروح المرور واخذ الوح وبطلب وحده طويله

غريبه منه هالكلام / كان دخلت على واحد فاهم يفيدك بدل الخساير ويكون رتبه يمكن العسكري مايدري عن التعميم ولا شي

أنا قصتي قصه معهم : جيت أول يوم بعد مارجعت من الرياض وأبي أقدم الطلب والشباب قالوا لي أصبر في تعميم بخصوص طلب لوحة قصيرة وطويلة بنفس الوقت .. ومن الزحمة الشباب قالوا لي تعال بكره وانا مستعجل لأني داري انها بتاخذ شهر وكل يوم محسوب ونفسي أكشخ فيها قبل العيد << لا تستغرب في نس ماجات لوحاتهم الا بعد 3 شهور :d والشباب في المرور قالوا تعال بكره ماله داعي تخسر 100 ثانية

المهم جيت اليوم الثاني بعد الظهر وشفت التعميم بعيوني والله حتى كان في نفسي أصكه صورة بس خبرك تعميم رسمي ومشكلة التصوير :d لكن جلست ادقق فيه ولفت نظري سطر مكتوب فيه >> اللي أذكره ( نفيدكم بانه لا مانع من أصدار لوحة قصيرة ولوحة طويلة لصاحب المركبة حسب طلبه ) < والله ناسي المكتوب بالضبط بس المهم انهم موافقين على الموضوع ولكن الربع قالوا أصبر فيه تعميم أجدد من هذا ودنا نتأكد منه وانا طفشت وقلت خلاص قدم على قصيرة وبعدين يحلها ربك اذا جات طلبت وحده طويله

بعدها طبعنا برنت اللي يسجلون فيه أصدار لوحة طويله أو لوحة قصيرة مع السداد ورئيس قسم المحفوظات عندنا كتب عليها نوع الطلب : لوحة قصيرة ولوحة طويلة وقال ان شاء الله مايردونها يعني هو متأكد من الموضوع ومشكك لأنه يقول متأكد في تعميم أجدد من اللي حصلناه بس مايدري وين حاطه

ولكن الزبده كلها تبين اذا جات لوحتي الجديدة :d

الف مبروك يالغالي وعيب الطويلة الأرقام فيها صغيره وكثير يقولون حاليآ القصيرة من النوع الجديد أحلى

انا اليوم موعدي مع المرور وبمر عليهم بشوف اذا جات لوحاتي ولا ردد ياليل :d

الله يبارك فيك يالغالي

وأبشركم اليوم جات اللوحة القصيرة وباقي الطويلة

طبعآ سلمت لوحاتي القديمة وأخذت الجديدة مع خطاب من المرور بالتنقل بلوحة واحدة لمدة شهر