عاجل: انكسرت قزازة سيارتي الأمامية .. وش الحل
مساء الخير للجميع
وجمعة مباركة
ابي فزعتكم ياشباب وبأسرع وقت ممكن
اليوم قمت أبي اصلي الجمعة وانا طالع إلا وقزاز سيارتي الأمامي متكسر
والسيارة مافيها شي بس القزاز هو اللي متضرر يعني ماينفع له معالجه لابد من تغير للقزاز بالكامل
أنا اخبر اللي بيسرق يكسر مثلث
هذا كاسر كل الزجاج الأمامي
لكن ماقول غير :
حسبي الله ونعم الوكيل
المهم
أبي نصيحتكم اركبها وكاله وبكم سعرها؟ وأخاف يطلع تنسيم فيها ؟؟ والله أني محتار قولولي وش أسوي
علما بأن سيارتي
أكورد 2009
ودمتم بخير
سعر الزجاج الامامي وكاله = 1600 ريال + تركيب 400 ريال = 2000 ريال
صراحه غالي جد
فيه شباب ركبوه من الصناعيه القديمه نفس جق الوكاله مع ضمان التركيب ما يدخل هوا ولا ماء بـ 500 ريال مع التركيب
عند السالم للزجاج (عنده سيارات قيمتها على 200 الف تركب زجاج بدل المكسور )
..
....
السالم للزجاج شغله مضمون
واذا وضعك المادي زين توكل على الله ولا يردك الا الوكاله
ماقصرت يالمسافر
بس والله تعبت من التفكير
دقيت على صاحبي وقال ركب من السالم
وأدق على الوالد استشيره قال ركب وكالة
التجاري ماينضمن أبد والزم ماعلى الواحد عيونه
ارجع وأقول ماقصرت يالغالي
لكني وربي للحين متردد ولاني عارف وش اسوي
المصيبة لازم اركبها بأسرع لأن طاح من القزاز قطع صغيرة جوى السيارة
الدمع الله لايهينك انت واخوي المسافر
هل جودة القزاز عند السالم نفس جودة الوكالة
اقول يالغالي هذا يرجع لوضعك قبل كل شي
في ناس يركبون الزجاج لمده معينه لان ما يقدر يركب الوكاله
ولين تتحسن اموره يركب في الوكاله
اعتقد انه السيارة عليها تأمين سواءً اخذتها كاش او اقساط ليش تخسر نفسك وهيا مأمنه ...
لاحول ولاقوة الا بالله
هذا شكله واحد حاقد وكسر القزاز
على العموم الزجاج الأمامي بالذات ماأرتاح انه مايكون أصلي >> حالة نفسية
أذكر اني غيرته لأكورد 2006 كان سعره بـ 1000 ريال شاملة القزاز وقطعتين زيادة وحده ربل والثانية مدري وشهي ناسيها وتركيب الوكالة بـ 600 ريال
ممكن تغيرت الاسعار لـ 2009 مثل ماقال المسافر
فإذا الوضع المادي كويس ضبطها بالوكالة >> دام الوالد يقولك بالوكالة قله خلاص على يدك هات الدراهم
أو إذا ودك تاخذ القزاز من الوكالة وتركبه عند السالم ماعندك مشكله
الاخطبوط كان هنا
الدمع ماقصرت اخوي يعطيك العافية وضحت الفكرة
ــــــــــــــــ
أخوي assassin_vip
ما أظن التأمين له علاقة أبد ..!!
ويعطيك العافية
ـــــــــــــــــ
الأخطبوط والله ما أدري للحين وانا محتار
الوكالة سعرها نار ووضعي أوكي يساعد
بس اللي مخليني متردد ناس تمدح السالم وشغله
لكن الظاهر أنها بتصفى ع الوكالة والله أعلم
ويعطيك العافية اخوي
لحظه افهم انه عندك تأمين شاملالمشاركة الأصلية كتبت بواسطة ماجد33
اذا نعم فلا تتردد علطول روحلهم ومنتب خسران بالعكس ممكن تكسب
ترى إحتمال كبير يغيرونه لك خصوصا اذا كأنوا التعاونية ان شاء الله انهم اقل من غيرهم بالمماطله
الاخطبوط كان هنا
اقول اذا عندك تامين شاامل
اذا بنعم
روووووووووووح على طوول للشرطه وسوي بلاغ ويجون يبصموون (روتين لا اكثر ولا اقل)
وخذ البلاغ ورح للشركه التامين وتدفع رسوم تحمل من 500ريال الى 750ريال ولاتنسى تقدر السياره في الوكاله وجب الفواتير مع سعر التركيب مختومه
وانتهيناا ويكون انك دخلت السياره للوكات والتامين يتحمل كل شي حتى اذا كان في اضرار اظافيه.
عزيزي أنت متردد بخصوص السالم وخاطرك بالوكالة
اذآ بعد التركيب من عند السالم يمكن مايطيب خاطرك مادام نفسك بالأصلي ، لذا مهما ركبت ماراح ترتاح والشغلة انك ممكن ترتاح نفسيآ وممكن لا .. لذا أذا أنت مقتدر وماعندك مشكلة ركب بالوكالة وريح نفسك
واذا موترك تأمين شامل فخلها في ظهر التأمين :d
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
للمعلومية انا سيارتي سيفك 2008 انكسر علي القزاز في الخط السريع من حجر صغير من السيارة الي كانت قدامي فبلغت شركة التأمين قلي شوف اقرب دورية سوي محضر وتعال نصور القزاز ونرسلك على شركة هوندا تغيره عندهم ...
بارك الله فيكم أخواني
وبالنسبة للتأمين الشامل ماهو عندي
أنا عندي التأمين العادي ومو التعاونية يعني مابينفع ابد
وشاكر للجميع ومقدر والظاهر أني بصبر لبكرة وبدخلها للوكالة
بجد ضيقت صدري هالقزازه والله يكتب اللي فيه خيره
ارجع وأقول شاكر ومقدر للجميع
الحمد لله على السلامه
ترى القزاز الامامي عالي الجوده
سواء من السالم او غيره
وعلى فكره
لو تمشي عليها ماراح تطيح بسهوله
انا كنت مسافر لسوريا
وسيارتي كامري قراندي
انكسرت القزازه في الطريق وانا رايح حصاة من سياره قدامي
شقت ام القزازه وسوت خط كبير من اول لين اخرها
تخيل والحمد لله كلمت واحد من الشباب خبير تفحيط
قال تمش ولين رجعت بالسلامه غيرها
وفعلا ...لان القزاز الامامي طبقتين عالي الجوده..
ولا تخسر نفسك ...قزاز السالم مثل الوكاله بالظبط
وهذا مو بس للهوندا لكل الماركات السيارات
اتكلم من واقع خبره واحد من الشباب خبير تفحيط
مافكرت زجاج اكورد من التشليح ,,
اتوقع ارخص ,,
صحيح يجي طبقتين انا يوم قزازتي انكسرت كنت اشوف كسور من الخارج وكسور من الداخل >> وباللمس تقدر تفهمها
اوريك كسرة قزازتي >> زمن يالهنادي بعتها لها اكثر من سنه :o
ومع كذا القزاز مكانه ولو بمشي عليها فترة بعد ماعندك مشكله لكن الاحتياط واجب
الاخطبوط كان هنا
blue 1 :
بارك الله فيك يالغالي
اليوم رحت للوكالة وقالوا لي بعد التخفيض 1250 + 600 شغل يد = 1850
بصراحة غالي لكن مافي اليد حيلة .. بكرة بمر السالم وفيه ناس نصحوني بالجربوع وبشوف وبقرر
مبدئياً أبيها بالوكالة لكن مايمنع اني اروح واشوف الوضع هناك
&&&
فقير الحظ :
ماظن يجي زجاج تشليح والله يعطيك العافية على ردك يالغالي
&&&
الأخطبوط:
صورة الكسر مشابهه لكسر سيارتي تقريباً
والله يعطيك العافية على ردك وأهتمامك ماخلى منكم جميعاً
قبل لا تسوي اي شي... افهم من كلامك ان التأمين الي عندك فقط على الغير مو على سيارتك ؟؟؟ او انك ما تدري ؟؟
أخوي الغالي
assassin_vip
صحيح أخوي التأمين اللي عندي هو تأمين ضد الغير
وربي أنك أصيل .. فديت راسك ماتبي لي الخسائر
وأكبر دليل سؤالك للمرة الثانية
الله لايخسرك ولايخسر مسلم
امين وياك ولا يجيب مكروه لأي مسلم على وجه الأرض ...
قسم انكم احلا اعضااء توقفون مع الواحد ربي يخليكم لبعض
امين يارب
محضر شرطه
والتأمين الله لآيهينك
ضوابط المشاركة
رد مع اقتباس
مواقع النشر (المفضلة)