الموضوع: السرعة الكاملة وانت في مكانك!!!

بصراحه الحركه غريبه و لكن أترك التعليق لأخواني الأعضاء .و يعطيك العافيه على الموضوع

لا تقولي تبدا الامبيرات تلعب وما تلعب
كد سواها لي مهندس بالوكاله كان بيشيك على الكمبيوتر جاه ضرر ولالا بعد ما صدمت

وعلى فكره سيارتي سياحي

مشكورين على الردود
المقصود بزر Reset هو الزر اللي في الطبلون اللي يخفض اضاءة الطبلون ويقويها
يعني تنفع للجميع

الحركه حلوووووووه جدا وانا بسويها بس خلص اكتب الوصفه بقلم واروح السياره واروق عليها :p

يا حبكم للزحمه يا هوندا

قعدت 5 دقايق افكر وش لون اضبط الحركه :p

يعطيك العافيه اخوي ماجد

2- اضغط زر Reset مع الاستمرار بالضغط عليه
3- ضع الأنوار الأمامية على الوضع On
.................................................. ................

فالخطوة الثانية... انته اتقول بالاستمرار بس ما حددت وقت الاستمرار؟!... يعني تقصد اني أظل ضاغط واشغل الضوء وانا ضاغط واشرب شاهي وانا ضاغط... ما ادري احسها ما تدخل معقدة شوي يعني لازم اركب ايد اضافية صناعية ... بس مش مشكلة بنجرب


على العموم كلمة أخيرة .. شكرا شكرا لك والسموحة منك يا الطيب لكن الخطوات نرفزتني شوي

هل هذه الحركة تنفع في السيفيك 2006 ؟

بجرب وبرد لك

بالله يا شباب نبي واحد معه 6 سلندر يجرب الحركه

نشوف كلمة outside تطلع و لا لا ؟

لاحظوا لمبة الكاشافات تطلع حتى لو ما كنت مركبها

الله يعافيكم ياشباب

اخوي هوندا كونكورد ايه بعد ماتضغط عليه تستمر بالضغط عليه حتى توصل الخطوة الاخيرة وهي صراحة صعبة شوي لكن يبغى لها تعرف الخطوات مضبوط وبترتيب صحيح وبعدها راح تستانس بالعرض اللي يطلع عندك

اخوي vip_ryo اعتقد انها تناسب جميع سيارات هوندا والعلم عند الله
لاني اخذت الطريقة من منتدى اجنبي خاص بالريدج لاين (وانيت هوندا) وحصلتها وانا قاعد ادور حل لمشكلة درجة الحرارة الخارجية

وبانتظار تجارب أصحاب الـ V6 وياليت يحطون صورة .. نبغى نشوف بعد الحركة هل تطلع كلمة OUTSIDE حقت درجة الحرارة الخارجية ولا لا !! لأنها ماطلعت عندنا اصحاب الـ 4 سلندر (الفل كامل) ونبغى نشوف اذا تطلع عندكم او لا .. وبانتظار تجارب اصحاب السيارات الثانية من هوندا

تحياتي وتقديري للجميع

يا شباب ترى تنفع على السيفيك 2006

اخوي جربتها ومانفعت على اكورد 2003 عادي (سياحي) :(

ارجوا يجربونها اصحاب ال 2003 السياحي

في الإنتظار !

المشاركة الأصلية كتبت بواسطة M.A.M

1- أدخل المفتاح من دون أن تديره إلى الوضع On I I
2- اضغط زر Reset مع الاستمرار بالضغط عليه
3- ضع الأنوار الأمامية على الوضع On
4- أدر المفتاح على الوضع On I I
5- في خلال 5 ثواني ضع الأنوار الأمامية على Off ومن ثم On ومن ثم Off
6- الآن أبعد يدك عن زر Reset وبعد ذلك اضغطه مرة اخرى 3 مرات متتالية في خلال 5 ثواني
والآن تمتع بالعرض .. وأرجو أن تعجبكم الطريقة
لمعاودة عرض العدادات كل ماعليك هو ضغط زر Reset

مشكور اخوي حاولت اكثر من مرة

الي يصير انه درجة الحرارة تتغير من -3 ---> 0 ---> 3

بعدين ايش الخطوة التالية



اخر خطوة مش واضحه اخوي الاخطبوط يا ريت تكتب الخطوات على ضوء تجربتك

مشكورين

اخوي Mano سهلة بس يبي لك تركز شوي وصدقني راح تضبط
ابشرحها لك بالعامية .. اول شي دخل المفتاح وبعدين اضغط على زر Reset اللي يخفف اضاءة الطبلون وخلك معلق ضاغط عليه لاتشيل يدك منه وبعدين ولع النور وبعد ماتولع النور لف بالمفتاح لفتين مع عقارب الساعة لين تولع اللمبات اللي في الطبلون كأنك بتشغل السيارة وطبعاً وكل هذا وانت مازلت ضاغط على زر Reset وبعدها وانت ماتزال ضاغط على زر Reset طف النور وبعدين شغله وبعدين طفه وبعدين شل يدك من على زر Reset وارجع اضغطه ثلاث ضغطات متتالية وان شاء الله تنجح الطريقة بانتظار نتائجك المدعمة بالصور

لآن السيارة الوحيدة اللي شفنا صورة لها أثناء التجربة هي اكورد فل كامل 4 سلندر
وايضاَ نتمنى من باقي الشباب خصوصاًَ الاكورد الـ V6 والسيفيك الجديدة وأيضاً الليجند لأني اتذكر واحد او اثنين معهم ليجند يحطون صور لتجاربهم وايضاً باقي سيارات الهوندا

تحياتي وتقديري للجميع

ضبطت معي وسيارتي اكورد 2006 سياحي
صراحه كان ودي اصور الطبلون وهو على 240 لكن ما معي جوال كاميرا :(

السلام عليكم
يعطيك الف عافية .. والحركة سهله وظبطت 100%100
يس فية شي قهرني وابي استفسر عنة


الاشارات اللي باللون الاحمر ..؟؟ شنو وظيفتها..!!
وايضا اللي بالابيض غير موجودة بالسياحي
أرجو الافادة وشكرا