السرعة الكاملة وانت في مكانك!!!

**M.A.M** · 22-01-2007, 09:48 PM

السلام عليكم ورحمة الله وبركاته
اهدي لكم هذه الطريقة التي تمكنك من السير بأقصى سرعة وانت في مكانك

وهي في الحقيقة طريقة لفحص عداد السرعة وعداد دورات الماكينة واللمبات والمؤشرات التي في الطبلون
الطريقة :
1- أدخل المفتاح من دون أن تديره إلى الوضع On I I
2- اضغط زر Reset مع الاستمرار بالضغط عليه
3- ضع الأنوار الأمامية على الوضع On
4- أدر المفتاح على الوضع On I I
5- في خلال 5 ثواني ضع الأنوار الأمامية على Off ومن ثم On ومن ثم Off
6- الآن أبعد يدك عن زر Reset وبعد ذلك اضغطه مرة اخرى 3 مرات متتالية في خلال 5 ثواني
والآن تمتع بالعرض .. وأرجو أن تعجبكم الطريقة

لمعاودة عرض العدادات كل ماعليك هو ضغط زر Reset

تحياتي وتقديري للجميع

**922** · 22-01-2007, 10:11 PM

طيب واللى سيارته سياحي

مافيها Reset !!
Reset زر في مثبت السرعة والا لا ؟؟

ياليتني ماخذ فل كامل ... :(

عموماً يتهنى بالعرض حقين الفل الكامل وياليتكم تصورونه فديو عشان حقين السياحي :p

ومشكور على الطريقة...

تحياتي
محمد

**الـــظـــل** · 22-01-2007, 10:12 PM

بصراحه الحركه غريبه و لكن أترك التعليق لأخواني الأعضاء .و يعطيك العافيه على الموضوع

**DuGarrY** · 22-01-2007, 10:15 PM

لا تقولي تبدا الامبيرات تلعب وما تلعب
كد سواها لي مهندس بالوكاله كان بيشيك على الكمبيوتر جاه ضرر ولالا بعد ما صدمت

**DuGarrY** · 22-01-2007, 10:18 PM

وعلى فكره سيارتي سياحي

**M.A.M** · 22-01-2007, 10:52 PM

مشكورين على الردود
المقصود بزر Reset هو الزر اللي في الطبلون اللي يخفض اضاءة الطبلون ويقويها

يعني تنفع للجميع

**DuGarrY** · 22-01-2007, 11:24 PM

الحركه حلوووووووه جدا وانا بسويها بس خلص اكتب الوصفه بقلم واروح السياره واروق عليها :p

**BLK** · 22-01-2007, 11:33 PM

حركة حلوة

ودي أجربها الآن لكن ملان :d

الله يعطيك ألف عافية يالمميز

**accord 06** · 23-01-2007, 12:06 AM

يا حبكم للزحمه يا هوندا

قعدت 5 دقايق افكر وش لون اضبط الحركه :p

يعطيك العافيه اخوي ماجد

**هوندا كونكورد** · 23-01-2007, 05:47 AM

2- اضغط زر Reset مع الاستمرار بالضغط عليه
3- ضع الأنوار الأمامية على الوضع On
.................................................. ................

فالخطوة الثانية... انته اتقول بالاستمرار بس ما حددت وقت الاستمرار؟!... يعني تقصد اني أظل ضاغط واشغل الضوء وانا ضاغط واشرب شاهي وانا ضاغط... ما ادري احسها ما تدخل معقدة شوي يعني لازم اركب ايد اضافية صناعية ... بس مش مشكلة بنجرب

على العموم كلمة أخيرة .. شكرا شكرا لك والسموحة منك يا الطيب لكن الخطوات نرفزتني شوي

**vip_ryo** · 23-01-2007, 07:47 AM

هل هذه الحركة تنفع في السيفيك 2006 ؟

**ياسر الشمراني** · 23-01-2007, 01:08 PM

بجرب وبرد لك

**الاخطبوط** · 23-01-2007, 01:34 PM

ياهووووووووووووووووووه

وش ذي الحركه

مافيه لمبة بالطبلون مااشتغلت

وبعدين دز الى 240 خخخخخخخ بغيت اصدم ياشيخ :d

**M.A.M** · 23-01-2007, 02:45 PM

الله يعافيكم ياشباب

اخوي هوندا كونكورد ايه بعد ماتضغط عليه تستمر بالضغط عليه حتى توصل الخطوة الاخيرة وهي صراحة صعبة شوي لكن يبغى لها تعرف الخطوات مضبوط وبترتيب صحيح وبعدها راح تستانس بالعرض اللي يطلع عندك

اخوي vip_ryo اعتقد انها تناسب جميع سيارات هوندا والعلم عند الله
لاني اخذت الطريقة من منتدى اجنبي خاص بالريدج لاين (وانيت هوندا)

وحصلتها وانا قاعد ادور حل لمشكلة درجة الحرارة الخارجية

وبانتظار تجارب أصحاب الـ V6 وياليت يحطون صورة .. نبغى نشوف بعد الحركة هل تطلع كلمة OUTSIDE حقت درجة الحرارة الخارجية ولا لا !! لأنها ماطلعت عندنا اصحاب الـ 4 سلندر (الفل كامل) ونبغى نشوف اذا تطلع عندكم او لا .. وبانتظار تجارب اصحاب السيارات الثانية من هوندا

تحياتي وتقديري للجميع

**vip_ryo** · 23-01-2007, 04:14 PM

يا شباب ترى تنفع على السيفيك 2006

**ياسر الشمراني** · 23-01-2007, 08:52 PM

اخوي جربتها ومانفعت على اكورد 2003 عادي (سياحي) :(

ارجوا يجربونها اصحاب ال 2003 السياحي

في الإنتظار !

**mano** · 23-01-2007, 11:33 PM

المشاركة الأصلية كتبت بواسطة M.A.M

1- أدخل المفتاح من دون أن تديره إلى الوضع On I I
2- اضغط زر Reset مع الاستمرار بالضغط عليه
3- ضع الأنوار الأمامية على الوضع On
4- أدر المفتاح على الوضع On I I
5- في خلال 5 ثواني ضع الأنوار الأمامية على Off ومن ثم On ومن ثم Off
6- الآن أبعد يدك عن زر Reset وبعد ذلك اضغطه مرة اخرى 3 مرات متتالية في خلال 5 ثواني
والآن تمتع بالعرض .. وأرجو أن تعجبكم الطريقة

لمعاودة عرض العدادات كل ماعليك هو ضغط زر Reset

مشكور اخوي حاولت اكثر من مرة

الي يصير انه درجة الحرارة تتغير من -3 ---> 0 ---> 3

بعدين ايش الخطوة التالية

اخر خطوة مش واضحه اخوي الاخطبوط يا ريت تكتب الخطوات على ضوء تجربتك

مشكورين

**M.A.M** · 24-01-2007, 12:07 AM

اخوي Mano سهلة بس يبي لك تركز شوي وصدقني راح تضبط
ابشرحها لك بالعامية

.. اول شي دخل المفتاح وبعدين اضغط على زر Reset اللي يخفف اضاءة الطبلون وخلك معلق ضاغط عليه لاتشيل يدك منه وبعدين ولع النور وبعد ماتولع النور لف بالمفتاح لفتين مع عقارب الساعة لين تولع اللمبات اللي في الطبلون كأنك بتشغل السيارة وطبعاً وكل هذا وانت مازلت ضاغط على زر Reset وبعدها وانت ماتزال ضاغط على زر Reset طف النور وبعدين شغله وبعدين طفه وبعدين شل يدك من على زر Reset وارجع اضغطه ثلاث ضغطات متتالية وان شاء الله تنجح الطريقة بانتظار نتائجك المدعمة بالصور

لآن السيارة الوحيدة اللي شفنا صورة لها أثناء التجربة هي اكورد فل كامل 4 سلندر
وايضاَ نتمنى من باقي الشباب خصوصاًَ الاكورد الـ V6 والسيفيك الجديدة وأيضاً الليجند لأني اتذكر واحد او اثنين معهم ليجند يحطون صور لتجاربهم وايضاً باقي سيارات الهوندا

تحياتي وتقديري للجميع

**الاخطبوط** · 24-01-2007, 12:10 AM

سهله حفظتها وبجربها بسيارات اخوياي خلني اتفلسف عليهم:d

حط المفتاح بالسويتش بس لاتشغل

اضغط على زر الريسيت اللي موجود بالطبلون وخليك ضاغط على الزر ولا تفكه الين اخر خطوه

الحين ولع النور

لف السويتش الين الوضع ON يعني قبل ماتشغل علطول

الحين طفي اللمبات وولعها وطفيها مره ثانيه

الحين فك زر الريسيت واضغطه ثلاث مرات ورا بعض

تمتع بالعرض خخخخخخخخخ

ولاعادته فقط اضغط زر الريسيت

**الاخطبوط** · 24-01-2007, 12:13 AM

ماقصر MAM حط الشرح قبلي ولا شفته

بس يا mano انت سيارتك 6 سلندر بالله شوف تطلعلك كلمة outside بعد ماتسوي الحركه

واذا قدرت تصور الطبلون اثناء الحركه واللمبات مولعه

**DuGarrY** · 24-01-2007, 12:32 AM

ضبطت معي وسيارتي اكورد 2006 سياحي
صراحه كان ودي اصور الطبلون وهو على 240 لكن ما معي جوال كاميرا :(

**S c O r P i O n** · 24-01-2007, 03:37 AM

السلام عليكم
يعطيك الف عافية .. والحركة سهله وظبطت 100%100
يس فية شي قهرني وابي استفسر عنة

الاشارات اللي باللون الاحمر ..؟؟ شنو وظيفتها..!!
وايضا اللي بالابيض غير موجودة بالسياحي
أرجو الافادة وشكرا

**الاخطبوط** · 24-01-2007, 08:17 AM

اللمبه الخضراء باليسار هي للكشافات >>> اللي مركبينها بالوكالة بس

المثلث الاصفر اللي يمين هذا نظام Vsa مساعدة المركبة على الثبات في المنعطفات >>>> في الفل كامل بس

فيه زر جنب زر فتحة السقف بالفل اذا ضغطته تولع اللمبه معناته النظام مقفل

اللمبتين الخضراء اللي جمب بعض حقات تثبيت السرعه اذا شغلت النظام تشتغل اللمبه اليسار واذا ثبت السرعه تشتغل اليمين

والدائرة الصفراء هي نظام Abs عدم اقفال المكابح >>> تولع اللمبه اذا اشتغل النظام

**mano** · 24-01-2007, 10:08 AM

جربتها

الحمدلله
طبعا بعد عناء

اليوم بصورها بس ارجع عل ببيت

وبحطها في المنتدى

بس المشكلة الكبرى مكتوب

ERRORE 2

والعداد يطووف ال 240 يعني تقريبا 260

انا حاس انه في مشكلة

الله يستر

:(