وكالة البحرين ؟؟؟؟؟؟؟؟

**The Godfather** · 23-01-2007, 03:14 PM

السلام عليكم
بعد كم يوم بروح البحرين سياحه و زياره فقلت بروح وكالة هوندا بالبحرين و اسأل عن كم شغله و بقارنها بالكويت فياريت احد يقولي منو الوكيل و وين صاير (للمعلومات انا اخر مره رحت البحرين من 9 سنين فما اذكر فيها شي عن اسماء المناطق او الشوارع بس انتو قولو لي و انا اسأل و اللي يسأل ما يتوه )

**A C C O R D** · 23-01-2007, 08:25 PM

والله اذا بيفيدك احد مالك الا اخونا راعي الاكورد

من البحرين وادرى بكل شي

وشكرا

**mano** · 23-01-2007, 11:40 PM

اخوي بلاك اكورد

بسألك عن خط السفر من الكويت

انا انشالله بسافر الشهر الجاي على الكويت بالبر من قطر

سؤالي هو

الطريق الي اعرفه

هو من سلوى (حدود السعودية) الهفوف --> النعيرية---> حفر الباطن ?? وبس

بعد حفر الباطن شلون اوصل الحدود الكويتيه ?

وكم المسافة تقريبا من الحدود الكويتيه الى حفر الباطن

ومشكور اخوي واسفين داخلين عرض بالموضوع :d

اخوك محمد

**The Godfather** · 24-01-2007, 04:33 AM

و الله بصراحه ما اقدر افيدك لاني انا نفسي ما اعرفه ((معاي مرشد)) طالعين قروب سيارات فما اقدر افيدك بس على فكره حفر الباطن ابعد نقطه من حدود الكويت لين المدينه

**ن ك د السـعــــوديه 3 5 7** · 24-01-2007, 04:54 AM

المشاركة الأصلية كتبت بواسطة mano

اخوي بلاك اكورد

بسألك عن خط السفر من الكويت

انا انشالله بسافر الشهر الجاي على الكويت بالبر من قطر

سؤالي هو

الطريق الي اعرفه

هو من سلوى (حدود السعودية) الهفوف --> النعيرية---> حفر الباطن ?? وبس

بعد حفر الباطن شلون اوصل الحدود الكويتيه ?

وكم المسافة تقريبا من الحدود الكويتيه الى حفر الباطن

ومشكور اخوي واسفين داخلين عرض بالموضوع :d

اخوك محمد

معليش خشيت غلط :d

طيب mano عندك شي بحفرالباطن واللا لا ؟ اذا ماعندك شي انا اقول لك اطلع مع طريق ابو حدريه

انا بصراحه اعرف طريق الهفوف >>> النعيريه >>> السفانيه >>> بتجيك الخفجي على اليمين والمنفذ قدامك

**الاخطبوط** · 24-01-2007, 09:17 AM

mano وش بيوديك حفر الباطن تراه مشوار عليك اذا بتروح الكويت

اذا وصلت ابوحدريه كمل للسفانية ومنها للخفجي على الخليج

وبتوفر مسافه حوالي 200 كيلو

اذا مصر على حفر الباطن فالمسافه بين حفر الباطن والحدود الكويتيه هي حوالي 100 كيلو يمكن 110 بالضبط وبعد عشان توصل مدينة الكويت بتمشي اكثر من 100 كيلو داخل الاراضي الكويتيه

**mano** · 24-01-2007, 10:05 AM

والله ما عندي شي في حفر الباطن بس الحين الحمدلله

بروح الطريق الي دلتوني عليه

وانشالله خير

اخطبوط ونكد مشكورين يا حلوين

**The Godfather** · 24-01-2007, 03:12 PM

طيب سؤال ثاني
في احتمال اروح قطر بعد البحرين
منو وكيل هوندا بقطر ؟؟
و وين صاير ؟؟
......في طريقي بسير على الخبر عند واحد من الاصدقاء لمدة يوم .. وكيل هوندا (عبدالله هاشم ) له فرع في الخبر ؟؟؟؟

**الاخطبوط** · 24-01-2007, 08:08 PM

فيه معرض هوندا اول ماتدخل الخبر يعني بالجهه الثانيه من مجمع الراشد

بالنسبة لقطع الغيار والمركز الرئيسي فهو بين الدمام والخبر بعد ماتطلع من الدمام باتجاه الخبر على طريق الملك فهد تلقاه بعد وكالة الجميح (شيفرولية) تلقى عبدالله هاشم (هوندا)

وتقريبا من جسر البحرين 25 كيلو

**الاخطبوط** · 24-01-2007, 08:44 PM

والله ياخوي بعد لفه طويله وبحث طلعت بشوية معلومات عن الوكيل بالبحرين

الوكيل : الشركة الوطنية للسيارات

الموقع: اذا دخلت البحرين مع الجسر تمشي الين يجيك كوبري طريق الشيخ سلمان تلف معه لفه كامله كانك بتروح يسار وتمشي مسافه تلقى الوكالة بعد شيفرولية (كلهم نفس الوكيل)

هذا رقم تلفونهم 403444 (00973)

ياليت لو أحد من البحرين يؤكد هالمعلومه

**The Godfather** · 25-01-2007, 11:08 PM

مشكوووووووووووووووور يا اخطبوط المنتدى
استفدت من المعلومات و على فكره ادمان البيبسي مو زين خرب لي اسناني :d

**راعي الهوندا 2006** · 26-01-2007, 12:41 AM

سلام عليكم هلا و سهلا في بلدك الثانية جوف اخوي طبعا انت بتجي عن طريق البر ؟ جوف اول ما تدش الجسر لا تروح لا يمين و لا يسار اخذ على طول الشارع الهاي وي بعدين اشارة الاولى بعد طوفة و الثانية هم بعد كله على طول بعد الاشارة الثانية نز ل الدريشة بس اسال وين جسر سترة بئشر لك انعطف يسار بعدين على الجسر على طول روح على طول كل الوكلات هنام منطقة سناعية اهي منطقة سترة اسمه بعد ما تخلص الجسر بجيك اشارة هم بعد على طول خل عيونك ابطلع كله على يسارك بجوف علامة الهوندا هذي الوكالة مالت البحرين طبعا انت على اليمين و اهي على اليسار فقط اطلع جدام تجيك اشارة اقلب علية دبل يسار و ارجع على المسار العكسي اضرب سكنير و ادخل الوكالة وسلام عليكم و اشي شي ما يردك الى لسانك ... اخوك راعي الهوندا

**The Godfather** · 26-01-2007, 06:08 PM

مشكوووووووووووووووووور

**عاشق الأكورد06** · 26-01-2007, 11:12 PM

يا ريت اقدر افيدك اخوي بس انا من الامارات

**Black Arrow** · 27-01-2007, 01:48 PM

هل قطع الغيار بوكالة البحرين ارخص من السعودية..؟؟؟؟؟؟؟؟؟؟؟؟؟؟..

ياريت اللي جرب يذكر اسم القطع...

..

>>> الحين الوصف...بعد الجسر إشارتين بعدين يسار على الجسر وبشوف الوكالة على يساري...صح..؟؟؟؟

**راعي الهوندا 2006** · 27-01-2007, 07:29 PM

صح و اسم الجسر جسر سترة

**The Godfather** · 09-02-2007, 11:18 PM

للاسف اول ما وصلت الخبر (بأول ساعة) بلغوني بوافاة احد اصدقائي بحادث سيارة و اضطريت اني ارجع الكويت علشان الحق على الدفن
لا حول و لا قوة الا بالله العلي العظيم

الراكب اللي معاه بغرفة الملاحظه ادعو له يا شباب تراه بحاجة لدعائكم

**أبان الطباع** · 09-02-2007, 11:36 PM

الله يرحم صديقك ويسكنه فسيح جناته ويثبته بالقول الثابت ويصبر أهله على فراقه، عظم الله أجركم.
اللهم إنا لانسألك رد القضاء لكن نسألك اللطف فيه، اللهم عافه وأعده لأهله وأصدقائه سالماً معافى إنك على كل شيء قدير..

**الاخطبوط** · 10-02-2007, 12:10 AM

لاحول ولا قوة الا بالله وانا لله وانا اليه راجعون

عظم الله أجرك اخوي

والله يرحمه ويغفر له ويجعل قبره روضة من رياض الجنه

وباذن الله يقوم المصاب بالسلامه ومايشوف شر ان شاء الله

والله يكفينا واياكم شر الحوادث

**adelsalim** · 22-07-2008, 11:56 AM

المشاركة الأصلية كتبت بواسطة the Godfather

السلام عليكم
بعد كم يوم بروح البحرين سياحه و زياره فقلت بروح وكالة هوندا بالبحرين و اسأل عن كم شغله و بقارنها بالكويت فياريت احد يقولي منو الوكيل و وين صاير (للمعلومات انا اخر مره رحت البحرين من 9 سنين فما اذكر فيها شي عن اسماء المناطق او الشوارع بس انتو قولو لي و انا اسأل و اللي يسأل ما يتوه )

شوف الوكيت اسمة الشركة الوطنية للسيارات ولها موقعين الاول في المنطقة الصناعية (سترة)وهو الرئيسي بس انصحك ماتروح هناك لأن المنطقة زحمة مرة الموقع الثاني وهو في منطقة تسمى السهلةوهو قريب من بعد ما تدخل الجسربحوالي 6كيلو متر ويوجد به مركز صيانة ومركز بيع قطع الغيار ولا تتفاجأ لما تشوف عدة انواع من السيارات في الصيانة غير الهوندا لأن الوكيل هناك هو وكيل لعدة انواع من السيارات غير الهوندا مثل الكاديلاك ا
Acديلكو Gm الهمر كابريس وغيرها تروح وترجع بالسلامة

**adelsalim** · 22-07-2008, 12:03 PM

المشاركة الأصلية كتبت بواسطة الاخطبوط

والله ياخوي بعد لفه طويله وبحث طلعت بشوية معلومات عن الوكيل بالبحرين

الوكيل : الشركة الوطنية للسيارات

الموقع: اذا دخلت البحرين مع الجسر تمشي الين يجيك كوبري طريق الشيخ سلمان تلف معه لفه كامله كانك بتروح يسار وتمشي مسافه تلقى الوكالة بعد شيفرولية (كلهم نفس الوكيل)

هذا رقم تلفونهم 403444 (00973)

ياليت لو أحد من البحرين يؤكد هالمعلومه

كل المعلومات صحيحة والمنطقة اسمها السهلة