حي؟؟؟؟؟ دخلته ولا طلعت سالم

**zeyad** · 02-08-2009, 05:23 AM

السلام عليكم

ابيكم تواسوني في هذا المنتدى

وماا اقول الى الحمد لله على كل حال

انا ياشباب في الرياض وجديد عليها اعتبر

قمت ادوج في وسط الرياض وقلت خل استكشفها

حط خط تحت وسط الرياض

وانا ادوج واضيع وماوراي شغل وادخل ذاك الحي المشؤوم الخايس
الى هو حي الجراديه والي حوله حي الشميسي
دخلته كنت توني نازل من الجسر ماادري وش السالفه اول مره اجي ذاك المكان
واقوم ادور فيه وادخل الشميسي وادور في الدوار واطلع ابي الفكه والضاهر في ذاك الوقت
والمكان الى كله فقراء وطفرانين شاف موتري حسود وانا بس ارجع ابي الهجه ابي اركب الجسر فوووق
رايح للناصريه منحاش وانا فوق الجسر حصل لي صرصره في كل الكفرات وشكل الفحمات الاربع يبن تغيير
اصوت كني راكب اكورد2000
والى دقيت ريوس طلع صوت غير والى اكلت ربع مطب جا صوت غير

وشكلي اجباري ادخلها الصيانه الموتر كان قبل ماادخل كان بس يعاني صوت بسيط في الفحمات فقط

ونصيحه ياشباب الحواري الى فيها طفرانين وفقراء انحشو عنها

**B Useful** · 02-08-2009, 05:52 AM

نصيحة لكل زوار هذا الموضوع :

حافظوا على دعاء ركوب السيارة ، اذكروا اسم الله على سيارتكم ، قولو بسم بالله مع كل تشغيلة لسيارتكم ، حافظ على تشغيل سورة البقرة والقران في سيارتك ،

وبعد كذا .. رح اي مكان ،،، وخل في بالك ... انة ماراح يصيبك الا ما كتب لك ،، وان ما اخطئك لم يكن ليصيبك ..

وبعد نصيحة .. لا تناظرون فوق وتنكسر رقبتك .. ناظر على مستوى بصرك وشف النعم اللي انت فيها .. وناظر تحت وشوف غيرك .. واحمد ربك ان اللي عندك افضل من اللي عندهم ..

**zeyad** · 02-08-2009, 07:26 AM

مااشوف احد بس لا احد يشوفني ويحسدني

كلن على همه سرا ونا على همي سريت

**YuSuF** · 02-08-2009, 11:53 AM

أخوي زياد

ياخي يمكن جا وقت انتهاء الفحمات
أنا لما تنمسح الفحمات معي يطلع صوت خشن جدا كل اللي في الشارع يسمعه
ولما أرجع ريوس يختلف الصوت
ودايما الفحمات تخلص فجأة في مرة خلص علي وأنا وسط دوار ماضغطت فيه فرامل أبد.

**بلال العلمي** · 02-08-2009, 11:59 AM

انا يوميا اقرى على سيارتي

واقرا الاذكار الحمدلله يوميا والحافظ هو الله

اذا طلعت من السيارة قول استودعك الله الذي لا تضيع ودائعه وربك الحافظ ان شاء الله

**قاسم بيليه** · 02-08-2009, 03:04 PM

اولا وعليكم السلام والرحمه

يا اخي اذكر الله وتحمد الله على النعمه اللي انت فيها .. ولا تحتقر احد .. ليه اللي في وسط الرياض مو بشر <<< لاحد يطالع تروني في الجبيل :p
..
نصيحه اتركوا عنكم الترهات هذي << كيف الترهات بس

وترى لكل شي سبب علمه من علمه وجهله من جهله .. ولا تحطون اي شي في العين والحسد .. ضاعت حياتنا واحنا في وسوسه :(
..
صلح سيارتك .. ولا تنسى دعاء ركوب السياره .. ودائما قل : سبحان الذي سخر لنا هذا وماكنا له مقرنين وانا الى ربنا لمنقلبون
وقل ايضا : بسم الله توكلت على الله .. ولا حول ولا قوة الا بالله

**salamify** · 02-08-2009, 03:49 PM

أتفق معك تماما أخوي قاسم بيليه .. فيه ناس فقيرة بجد بس إنها غنية نفس وتحمدالله في كل لحظة وراضية باللي عندها وتطالع للناس اللي أقل منها ومو علشان سيارة أي واحد فينا خربت أو فيه قطعة بسيطة استهلكت حطيناها في العين .. العين حق وما قلنا شيء ولكن مو أي شيء عين وحسد وإلا كان راحت سيارات كل الناس اللي تمشي في الأحياء الفقيرة..
الواحد يحمد الله عالنعمة والفقر ماهو عيب وهم أولا وأخيرا بشر وأخوان لنا وحمد النعم واجب وعسى الله لا يبتلي أحد فينا ..
أخير الواحد يسمي ويذكر الله قبل ما يمشي والله هو الحافظ وأنصحك لا تمشي في أحياء فقراء علشان تبعد عنك الحسد ..

**حبيب هنادي** · 02-08-2009, 05:26 PM

يوووووووووه شوديكـــ حي التكارنا << اذا بتاخذ كورس لعب كورة القدم رح اهناك واذا انكسرت جمبك مستشفى الشميسي

**راعي الكامري saad** · 02-08-2009, 05:49 PM

اخوي روح زين فحمات ولا تزعل من كلمتي لكن الله قال لا فرق بين عربي ولا اعجمي الا بي التقوى

وانا قصدي ان حقين وسط الرياض ناس بسيطين لكن لا تستحقرهم وارجوا انت تتقبل نصيحتي بصدر الرحب

**ميلك شيك** · 07-08-2009, 06:39 PM

هههههههههههههههههههههه وين حسود معه
ياخي هما الهوندا ياباني 100%
سبحان الله
تخرب من دون سبب وقلتو واحد نضلها
تويوتا وبس

**Mr.CaR** · 07-08-2009, 07:50 PM

*&&&&&&&&*
!
( ومن شرّ حاسد إذا حسد )

العين حق ؛؛

**memories** · 08-08-2009, 02:23 PM

لا حول ولا قوة الا بالله

هدو اعصابكم ياشباب الله يهدينا ويهديكم

الموضوع مو مستاهل اثباتات او مقارنات

صحيح انه مبيعات تويوتا تعتبر الاعلى في امريكا

ولكن مبيعات هوندا تغلبت عليها عدة مرات

ومازالت مبيعات هوندا في ارتفاع رغم غلاء سعرها مقارنة بالتويوتا

شكرا