الموضوع: اسعار قطع الغيار

اشكرك اخوي اتش على الرد
حلوه منك / فتح ولا حماس ههههههههههههههههههههههههههههههههههههههههههههه

بالبداية اتمنى منك ان لاتزعل من رايي وانا احترم رايك واراء جميع الاعضاء
اما عندما اقول ان اسعار قطع غيار الهوندا غالية فهذا الشي متفق عليه ولا يختلف عليه اثنان , وبالنسبة لي شخصيا انا اعرف ان جيدا اسعار القطع وخذ الكلام من مجرب ولاتاخذ من حكيم مثل ماقالو بالمثل .

اخي الكريم اتش انت تحدثت عن اسعار / فلتر الزيت ، الفحمات ، البواجي واتمنى لك وللجميع ان يبقى حديثهم عن اسعار تلك القطع وان لا يضطروا الى القطع الاخرى رغم غلائها , وخذ على سبيل المثال حادثين حصلوا لي /
الحادث الاول كان بالرفرف الخلفي الايسر ( لا حظ يعني مش من قدام ) الحادث كان بسيط بنظر الجميع واصحابي الي شافو السيارة كلهم توقعوا ان التكلفة راح تكون بحدود الفين ريال لكن البعض كان يعرف اسعار قطع الهوندا وكان يقول ربما تكلف خمسة الاف ريال لكن والله وانت ما حلفتني ان التكلفة طلعت بحدود خمسة عشر الف ريال 12الف قطع الغيار 3 الاف شغل اليد بورشة مو بالوكالة .

اما الحادث الثاني فكان لي مشكلة مع القير ورحت للوكالة ابي اغيرة تعرف كما كان سعر القير اكثر من عشرين الف , وتقولي قطع الهوندا رخيصة الله يهديك بس .

اخي الكريم اتش انت عندما قارنت اسعار قطع غيار الهوندا قارنت بين اسعارها بالسابق والحاضر فكنت اتمنى منك ان تقارنها باسعار منافسيها من السيارات , وخذ على سبيل المثال اخر شي بدلته يوم الجمعة اللي طاف سعر الفحمات الامامي الاصلي بعد اخر خصم وصل الى محلات السبيع ( الوكيل المعتمد لعبدالله هاشم ) 225ريال واخوي معاه كامري بدلهم بـ70 ريال و لا تتحدث عن الجودة ارجوك فالكامري معروفها بجودتها .

اتمنى من الجميع ان لا يفهم كلامي انه سب او ذم للهوندا فهي سيارتي المفضلة رغم كل الكلام اللي كتبته واتمنى ان تصبح الاسعار رخيصة ومتوفره لدى اكثر من وكيل .

والهوندا انا ما اتكلم عليها لاني لا استطيع وحتى لو بعت سيارتي ما راح اشتري الا هوندا وعلى قولت كاظم الساهر ( يضرب الحب شو بيذل ) بس لازم نعترف ان السيارة ما يعيبها إلا اسعار قطع الغيار مرة ثانية اقولها .

وبالنسبة للاخ الفاضل راعي الاكورد اللي قال /
انا عندي اذا اشتري شي اهم شي ايدوميعني ان يكون فيه عمر طويل حتى لو كان غالي شوي

احسن من آخذ لي قطعه مثلا رخيصه او كل شهرابدلها عدل كلامي لو شنو ..

اقوله كلامك عدل ومية عدل لكن انت تتكلم عن القطع الاستهلاكية لكن لو لا قدر الله صار لك حادث راح تعرف ان كلامك ( عدل لو شنو ... )

اتمنى من كل قلبي ان لا يضرك الله بشي وان يحفظ لك سيارتك وللجميع وان لا تتعرضوا لمثل ما تعرضت له .

اخي الكريم ACC انا اعرف ان اخي اتش يتكلم بطيبة شديدة فقد لاحظت هذا الشي من اكثر من رد له , وانا اعتذر لك بالنيابة عنه وشكرا لك ،،،،،،،،،،