الموضوع: بخصوص العضو the sniper2024

سلام عليكم

كيف الشباب ان شاء الله طيبين

كالعاده اذا شفتوا الوجه ذا :( قولوا الله يستر

المهم ياشباب

قبل امس كلمني خوينا the sniper 2024 على الجوال يسولف ونتبادل اطراف الحديث ومن ضمن الحوار اللي صار بيني وبينه قال لي انه صار عليه حادث

طبعا صار عليه الحادث واهله معاه بس الحمد لله الجميع بخير وماصار لهم اي شي وهذا اهم شي عشان كذا تشوفوني شوي رايق

نروح لطريقة الحادث:

كان الرجال واقف عند إشاره وقدامه واحد المهم ويجيك واحد مدرعم من ورا وينتف الرجال بسيارته (اكورد 2006) وصدمه من ورا وهو حاول يوقف السياره لكنه صدم اللي قدام :(

المشكله ان ال طووووط ماني بقايل صدمه وانحاش يعني وصلت فينا الدنائه الى هذي الدرجه لا وهذا واحنا مسلمين يعني والله لو انه كافر والا يهودي والله يوقف وانا احلف واقولها والله يوقف لانهم مايحبون يظلمون احد واحنا يالمسلمين ابد انتف الرجال ولاتوقف مسوين دعاية سنكرز<<< هذا وقت تنكيت الله يهديك :(

المهم نزل خوينا يشوف السياره

من ورا الحمد لله يقول ماجاها الا خدش بسيط وبصراحه شي غريب لكن الحمد لله

نجي للوجهيه :

الصدام مع الشمعه مع الرفرف والشبك هذولي يقول راحوا فيها :( يعني الله يعينه يقول يبي لها قطع جديده مافيه امل تتسمكر :(

المهم تفاهمنا انا وياه على الموضوع واهم شي ان الرجال بخير وبصحه واهله طيبين وبسلامه

بس حبيت اطلب طلب لكل من الأنس والتيما مميز ياأهل تبوك طمنونا على الرجال تراه من عندكم من تبوك واللي يقابله يسلم لي عليه ويطمننا عليه والله الله افزعوا للرجال اذا وده شي ومايحتاج توصيه انتوا اهل تبوك واللي مايعرفكم يجهلكم;)

اهم شي الحمد لله عى سلامتك يا sniper 2024 والحديد يتعوض وانا اخوك

الواجب ياشباب

محبكم

ن ك د

الحمدلله على سلامته وسلامت الاهل وخصون اني مجرب زي الموقف ذا اهلي يطلعون من عندي وبعد نص ساعه صاير عليهم حادث الله يعينه واذا يبي شي مستعدين انشالله

سلاااماااات اخوي the sniper 2024 وان شاء تكون سالم غانم والاهل بعد ويصير هذا الحادث اخر احزانك

واللي يزيد الطين بله انه صدمك وانحاش الله لا يوفقه شين وقوي عين بس يالله ربي ياخذ حقك منه في يوم الحساب

واشكرك حبيب قلبي ن ك د على الاهتمام بالرعيه والحرص عليهم << :p :d

الحمد للة على سلامت خويناthe sniper 2024 وإنشاء الله تكفيه شر اكبر
ومشكور اخوي نكودي على هالموضوع الـــ:(

الحمد لله على سلامتك أخوي إن شاء الله ماتشوف شر الله يجلها أكبر المصائب.

الحمدلله على سلامته ومايشوووووف شر إن شاء الله

الحمد لله على سلاااااااااااااامته وما يشووووووووف شر

ومشكووووووووووووور على الموضوع

لا حول ولا قوة الا بالله العلي العظيم ...اولا الحمد لله على سلامه اخونا the sniper واهله ..ثانيا بالنسبة للي صدمه وقب وانحاش وقمط حسابه عند الله سبحانه وتعالي ((وان الله خبير بما تعملون)) وربنا سبحانه ما يغفل عنه اي شي ...والله انه مايستحي ولا ينتخي ولايخاف ربه ..((في الحديد ولا في اللحم))ثالثا الف شكر لخبيب قلبي نكود الله يجمعنا معاه في اقرب وقت ....رابعا الم تلاحظوا يا شباب ان الحوادث اصبحت تكثر في الأونة الأخيرة ..خامسا اوصي جميع الشباب في هذا المنتدى انهم قبل خروجهم اي مكان ان يكونوا قد ادوا فريضة الله وقد دعوا الله عند خرجهم فنحن لانعلم بما قد يصيبنا ...

الحمد لله على السلامة والله يعوضك في الدينا والاخرة

الحمدلله على سلامتك اخوي

يعطيك العافيه ن ك د

بالفعل خوينا في الوكالة قال لي جا واحد راعي اكورد 2006 زعلااااااان وضاااايق خلقه مررررره يقول "الكلام لخويي في الوكالة" سألته عن سبب الحادث ،، قال لي / ان فيه راعي هايلكس او ددسن صدمه من ورى وبعدين صدم هو في راعي جيب من الأمام وانه سليم هو واهله ماجا لهم شي الحمد لله .

وجلس خوينا في الوكالة يهدي فيه ويقول له في الحديد ولا فيك

الحمد لله على كل حال اخوي sniper

واحنا في الخدمه دائماً ،، وبصراحه يحق لك تزعل لأن اللي صدمك دنيء نفس ،، لو انه وقف كان سامحته انت

تلقاه الحين من بدوان تبوك اللي مايشوفون الله يهديه

عموماً تم قبول اضافتك على الماسنجر اخوي sniper ونتشرف بك ياغالي

محبتي
الأنس

الحمد لله على سلامته وما يشوف شر

الحمد لله على سلامتك وسلامة الاهل اخوي
الله يعوضك ويجعلها آخر الاحزان

الحمد لله على سلامتك أخوي إن شاء الله ماتشوف شر الله يجلها أكبر المصائب.

.أخوووك// أبو شلوة

الحمد لله على سلامته وسلامة اهله وان شاء الله مايشوف شر وجعلها الله اكبر المصايب