الحمد لله على سلامتك يا lord 033

**ن ك د السـعــــوديه 3 5 7** · 02-02-2007, 08:39 PM

سلام كيف حال الشباب :(

قايل لكم من اول الله يستر من ذا الوجه :(

اقول Honda احذف ذا الوجه ماعاد ابيه

بصراحه امس كنت على المسنجر اطقطق وانا وواحد ;) في منتصف الليل

المهم ويدخل خويي lord 033 ووجهه حزين قلت الله يستر

المهم طلع الرجال مسوي حادث قبل امس الساعه 3 الفجر والحمد لله الرجال بخير وبصحه وسلامه

حادث باللومينا اللي كانت معاه من ثاني ثانوي طبعا يقول السياره احتمال تروح تشليح طبعا طز فيها

اهم شي ان خوينا بخير

تعرفون المطر والخير اللي جاء الرياض هو السبب اول ماينزل المطر انواع الزلق المسكين زلقت عليه السياره وطمر الرصيف باتجاه ماصوره من جهة الراكب والحمد لله مامعاه احد بس هو

المهم حبيت اطمنكم على الرجال وهو بصحه وسلامه

بس شايل هم شي ;)

اللي هو

متى نضبط مقياس درجة الحراره :d

والله انك رايق ياللورد 033

ياحبيبي جعلها ماييشتغل بس اهم شي انك تكون بخير ياقلبي :o

المهم الحمد لله على سلامتك حبيبي وان شاء الله ماتشوف شر

واخلي الشباب يسلمون عليك

طبعا لن ننسى اخواننا

الماستر حنوم

the sniper2024

الحمد لله على سلامتهم

محبكم

ن ك د

ملاحظه:
احس ان الإداره بتطردني ماعندي الا هالسوالف كل شوي حادث وش اسوي هذا حظي على اللوحه :( عدد المشاركات 1500 ومدري كم كلها فلان صار عليه حادث وفلان في المستشفى بيسوي عمليه :(

معليش استحملوني فتره

**The Stig** · 02-02-2007, 09:07 PM

ماشالله عليك ... والله الرجال بتاع علوووم ...
ويحب العلوووم

الحمد لله على سلامت الجميع ... ومشكور على الاخبار

**ياسر الشمراني** · 02-02-2007, 10:12 PM

الحمد لله على السلامة

ومايشوف شر

والله يستر من مستقبلك يان ك د

ياخي تبي نصيحتي

غير لوحتك :(

بس اشوف موضوع لك اعرف انه حادث او مستشفى او الشرطة مسكتكم في التجمع !!!

:(

**هوندا 2007** · 02-02-2007, 10:20 PM

الحمدلله على سلامته

مايشوف شر

**أكورداوي** · 02-02-2007, 10:21 PM

الحمد لله على سلامتك يا lord 033

وان شاء الله انها آخر المصايب وفي الحديد ولا فيك ..

وبعدين وشسالفتك أنت يابوالشباب ,,, <<----- ن ك د

صاير كأنك الصحاف هاليومين (( قدييييييييم الصحاف )) ماعندك الا هالأخبار الزفت حتى الصحاف كانت أخباره حلوه لكنها هياط ..

**beckhaam** · 03-02-2007, 01:57 AM

مايشوف شر ان شاء الله

**اكورد الجنوب** · 03-02-2007, 02:12 AM

نكد

يعني حتى الاخبار النكد ما يجيبها إلا انت
الحمدلله على سلامتك يـــ لورد 33 وما تشوف شر اكبر المصايب إنشاء الله

**lord033** · 03-02-2007, 02:33 AM

السلام عليكم

اول شي ..

الله يجزاكم خير كلكم ويسلمكم ان شاء الله

وجعل الشر مايجيكم

الحمدلله انا بخير وصحه وسلامة

ومافيني الا العافيه ولله الحمد

بالنسبه للسياره .. تضررت شوي .. والله يعوضنا ان شاءالله

بعدين احب اشكر اخوووي نكوود على كتابتة لهذا الموضوع

مع اني كنت معارض بشده للشيء هذا

بس هو ما عطاني وجه ولا شاور احد

الله يجزاه خير ويوفقه ان شاء الله ما قصر

ومايحتاج اني امدحه ماشاء الله عليه .. لأانه غني عن هذا الشي

والله يكتب الي فيه الخير

اشكركم مرهـ اخرى

وبالتوفيق للجميع ان شاء الله ...

**FOXDIE** · 03-02-2007, 11:18 AM

الحمد لله على سلامتك واشاء الله هذا الحادث يكون اخر المصائب للي حدثتلك...وبالنسبة للمزعج وأخباره المزعجة والمسدة للنفوس هذا يبيله شي غير طبيعي علشان يهجد ويجيب اخبار حلوة مثل وجهه الحلو ....الله يعطيك العافية يا نكد على هالأخبار الحزينة ....

**هـ ل ن السعوديه 818** · 03-02-2007, 02:53 PM

الحمد الله على السلامه

ماتشوف شر

ان شالله اخر المصايب

**ن ك د السـعــــوديه 3 5 7** · 03-02-2007, 02:57 PM

:( الناس اليومين هذي صدورهم ضيقه *****الواحد ماله خلق يشيل هم خويه:(

**يامطنش** · 03-02-2007, 06:48 PM

الحمدلله على سلامته نكودي نصيحه لك اذا دريت بخبر شين علم اي احد وهو ينشره صرنا نتشام منك:d

**ابوفهد.** · 03-02-2007, 08:22 PM

الحمد لله على سلامت الجميع

**اتــشـــــ** · 03-02-2007, 08:40 PM

ماتشوف شر اخوي لورد
والله يجعلها آخر المصائب .

**ه ا د السعودية 451** · 04-02-2007, 01:49 AM

الحــــــــــــــمد للــــــــــه على الســـــــــلامــــــــة

ماتشــــــــــــــــــــــــــــــــــــــــــــوف شر

اللــــــــــــــــــــــه يعوض علـــــــــــيك lord033

**الاخطبوط** · 04-02-2007, 03:34 PM

ماتشوف شر اخوي lord033

ونكد الظاهر نيته طيبه انه يبي يسلم على الشباب بس الظاهر انه طلع وجه نحس خخخخخخخخخ:d

لا وش دعوة امزح معك يالغالي والله انها ميزه انك تعطينا اخبار الشباب نتطمن عليهم ونوقف معهم سواء كانت اخبار زينة او شينه >>> بالتوفيق