ذكرتني قبل اسبوع آخ من هذاك اليوم المشؤوم

كنت اريد اطلع بالسيارة وقبل لا افتح الباب جت عيني على (بنت الجيران) مقدمة السيارة وإلا أحصل شدخ طوله حوالي 13 سم (جبت مسطرة مدرس رياضيات) وللاسف إنه امطير شوي من البوية الحمدلله انه ما طير واجد بس ياخي قهر السيارة وكالة وجديدة والمرور ما بسوولي شي لو خبرتهم عن السالفة يعني أنا ما اعرف كيف هالناس ما عندها احساس بس اتحب اتريح لها راس واتعور لها راس ياخي شو هالاجناس انفوسهم تقطع الانفاس ياخي ساعات يجيك وسواس تبغي اتزور عباس بن فرناس لكن تتذكر إنه بغى يطير مثل الجرناس ( شاعر من العصر الجيروسي).

لكن هذا الحال ما نقدر انسوي شي

سالفة انك اتلحف السيارة ترى مهي بعملية تعال كل شوي لحفها بردانة وشلحها حرّانة

ماعليه تعيش وتاكل غيرها أنا لحد الحين حصلت 4 اشدوخ وعفصة وحدة

واللي قهرتني العفصة اللي مكانها غريب وحجمها غريب ايضا

وفي ناس اتجيب ورقة من المرور واتصلح على حساب التأمين

شكرا