الموضوع: س/ تصفط سيارتك و أنت خايف ليه ؟

وعليكم السلام ..

أخوي والله انا عارف شعورك ، وانا فعلاً صارت لي هالمشكله في سيارتي القديمه ..

كنت بقول لك دخل سيارتك البيت وخليها بالكراج ، ولا تحطها بالشارع .. بس حتى في البيت ما سلمت !!

بصراحه ما في حل الا انك تغطيها ! يعني اذا وصلت البيت ، حط عليها cover او غطاء للسياره ..
أعتقد ان هذا هو الحل الوحيد ، ما ادري اذا باقي الشباب عندهم حلول أخرى ..

الله يعينك ياخوي ، وحياك الله .

أخوي Blk راح تستغرب لما أقولك أنا في العاصمة الرياض ويصير كذا معي لدرجة إني مرة وقفته الله يكرمك ويكرم الأعضاء عند زبالة كبيرة جاء واحد من الحاقدين ورما قارورة عشان تدخل الزبالة لكن خبطت في حديد الزبالة وتناثر تقريباً نصف الزجاج على الكبوت يوم جيت بغيت أنهبل توقعت أن زجاج السيارة الأمامي تكسر بس الحمد لله ربك ستر يوم وخرت الزجاج لقيت ثلاث مشخات صغيرة جدا ما تشوفها إلى إذا دققت في الكبوت هذا وأنا في الرياض أجل لو إني في قرية وش بيصير , ومشكور إخوي إتش والله أنك صادق مافيه بنات يجلسون برا البيت وأنا الحمد لله على طول داخل البيت بس فيه شيء معذبني بصراحة مرة مرة أن الباب اللي عندنا لا زم تنزل من السيارة وتفتحه وإذا فتحته تقلى سيارة الإخوان الحبايب صني وإكسنت داخل البيت لا وحاجزين المظلة يعني بهذلة بس خلها على ربك , وأيضاً مشكور أخوي Up Speed والله أنك صادق ما تدرين وين تلاقيها منه من الحاسدين اللي برا ولا من أخوانك الصغار يخبطون فيها ويرمون العربيات عليها ههههههههههههههههههههههه الله يعين يعني الواحد منا لازم يشتري سيارة ويعرف أن المشوخ راح تجي معها هدية بعد هههههههههههههههههههههههههههههههههههههههههههههههههه هههههههههه .

اسمع النصايح الي توديك في داهية :D

هههههه

شوف ياخوي انا صارت لي نفس المشكله كنت ساكن جديد بالحي ولا اعرف احد وكنت اوقف سيارتي قدام العماره وتعرف كل عصريه لزم الورعان يجسلون تحت العماره وكل ماجيت انا بموتري تشوفهم يطالعون وتحس فاكين وناوين شر بس انهم خايفين هههههههه( ترا شكلي مهو شبهه:d ) المهم مرت الايام واشوف مشخ على موتري قعدت افكر انا اقول اللحين ان دبغتهم يمكن ماينفع فيهم ويمكن اشوف خرايط على موتري الزبده قلت خلني اشبكهم وقعدت افكر كيف بشبك معهم ويوم من الايام لقيت واحد منهم يمشي وماسك زقاره قلت بس الورع يبي يولع الزقاره على طول انا نقزت عنده قلت تبي ولاعه:dوالولاعه اللي عندي تولع ويطلع لونها اخضر يزعط ليزر لا وفيها نور زنون بعد:d هههههه وقلت له افا ماهقيتها انا جاركم ياخي كان طلبت مني ولاعه اعطيك وعقبها الوضع ماشي اوكي وصارو يحرسون السياره :d وسبحان الله مغير الاحوال

أخوي إتش أنت آخر العنقود أما أنا أكبر من الثنين أما أن اعطيهم مفتاح سيارتي وأنا مسافر هذا مستحيل مرة حتى لو سيارة واحد منهم خربانة ياخوي هذي كورد اللي مايعرفها يجهلها واخوي إتش حتى لو كلمت الوالد أول ماشريتها قبل شهرين راح كلمهم وسمعوا الكلام بس بعدين بدوا يطنشون لدرجة أنه يجي الخميس والجمعةوأنا ماعندي دوام ماتتهنى بالمظلة لأني أسهر لآخر الليل وأشوف ماشاء الله ياجيت البيت الساعة 3 أشوف اللكزس والبي إم تحت المظلة ماعرفوا أنهم لو يبيعونها الثنتين ما جابوا قيمت سيارتي واحد مغرور مرة هههههههههههههههههههههههههههههههههههههههههههههههههه , بعدين أخوي إتش مامعي ولامفتاح لسياراتهم كل واحد سيارته بأسمه ولا يفكر يعطيني هذا مستحيل ولو أخذه وهم مايدرون أتفقوا وافرشوني ياليتني آخر العنقود كان فلة ولعب سلة , أما حركتك أخوي أكورد2006 رهيبة ما ينفع إلا كذا معهم لأنهم ودهم يركبون السيارة ماهم عارفين كيف فيعوداو يحقدون يقولون مالنا إلا نمشخ السيارة بس كفوا ذيبان عرفت لهم صح .

محد افتهملها الا ( اكورد 2006)
هههههههههههههههههههههههه
مجنون هونندا

والله انك صادق شكلنا بنطبق على طريقته ومشكور اخوي مجنون هوندا .

ذكرتني قبل اسبوع آخ من هذاك اليوم المشؤوم

كنت اريد اطلع بالسيارة وقبل لا افتح الباب جت عيني على (بنت الجيران) مقدمة السيارة وإلا أحصل شدخ طوله حوالي 13 سم (جبت مسطرة مدرس رياضيات) وللاسف إنه امطير شوي من البوية الحمدلله انه ما طير واجد بس ياخي قهر السيارة وكالة وجديدة والمرور ما بسوولي شي لو خبرتهم عن السالفة يعني أنا ما اعرف كيف هالناس ما عندها احساس بس اتحب اتريح لها راس واتعور لها راس ياخي شو هالاجناس انفوسهم تقطع الانفاس ياخي ساعات يجيك وسواس تبغي اتزور عباس بن فرناس لكن تتذكر إنه بغى يطير مثل الجرناس ( شاعر من العصر الجيروسي).

لكن هذا الحال ما نقدر انسوي شي

سالفة انك اتلحف السيارة ترى مهي بعملية تعال كل شوي لحفها بردانة وشلحها حرّانة

ماعليه تعيش وتاكل غيرها أنا لحد الحين حصلت 4 اشدوخ وعفصة وحدة

واللي قهرتني العفصة اللي مكانها غريب وحجمها غريب ايضا

وفي ناس اتجيب ورقة من المرور واتصلح على حساب التأمين

شكرا

ما في الا حل واحد انك تجيب هندي وتعطيه راتب شهري ويقعد يحرس السيارة
او انك تجيب (الله يكرمكم)كلب حراسة وتنتهي المشكلة ان شاء الله:d .

واقسم بالله انك صادق

تشوف شخوط طول وعرض في سيارتك مخربه شكل البوية :(

شيء يقهر بحق !!

أنا عندي فكرة لك

روح عند المحلات اللي عندهم ملصقات للسيارات او اللي يقدرون يسوون لك ملصق

وخلي هالملصق يكون " إن الله رقيب ٌ حسيب "

وحطها على السيارة وجرّب شوف هل اتجيك شخطات ثانية ولا لا

انا بسوي كذا ان شاء الله احسن حل لأني فعلا منقهر انا حريص على اني ما اشخط سيارات الناس ولكن نصيبي ان الناس تشخط سيارتي هههههه


نو بروبلم قول الحمدلله عشان لا اتجيك شخطة ثانية كبيرة

الله يعينك ياشباب والله قهر انا كل يوم ادخلها معي باليت ادخل السياره قبل ما ادخل انا\\

ههههه

بس القهر انه صار فيه شخط << بالعربي صدمممممت انا بس ماتسمى صدمه

تسمى حكه ( عندنا ) كخخخخخ بالصدام رحت لمحل تلميع ومادري حط عليه ماده وراحت الشخوط وباقي شخيط صغيررر نقطت عليه بويه نفس اللون