الموضوع: يمنع دخول المشرفين والإدارة

هناك عدة طرق لرفع ضغط المشرف وهي كالتالي:
1) أدخــل اي قسم واكتب أي موضــوع ماله دخــل في هالقسم >> الموضوع في وادي والقسم في وادي,, مثال >>

اكتب موضوع رياضي في منتدى الصوتيات

ويفضــل لو تكتـب عليه (( ارجــو التثبيـت )) يكون لها طعم احسن ,,

2) خـذ لك موضـوع توه جـديد _______>>> انسخـه واكتبـه بإسمك مره ثانيه في نفس القسم،، ويفضــل تكتب عليـه

((( فكــره جديــده )))

<< هنا المشــرف يـدوخ.... مايدري وين المكـرر عشــان يحــذفه >>

3) لا تشارك في أي قسم ولا ترد على أحد .. وبعدين أطلب من الإدارة تحطك عضو فعال وكل يوم أرسل ظلم ظلّم ،، )

إذا ماعطوك وجه ؟؟

<< صدقني اذا ماقالوا لك اقلب وجهك ... اضمن لك بيرقونك إلى (عضـو غثــه) >>

4) اكتب موضوع في قسم الشكـاوي والإقتراحــات (( الفزعــه ياشباب )) >> طبعـا بيجيك المشرف طاير ،،

واكتب في الموضوع (( واحــد صفــر )) وبجانبها صـورة واحــد يضحــك ,,

>> في هـذي اضمــن لك بكف على خشـتك وانت توك تكتب الموضوع >>

5) ادخل على أي موضوع مثبت ... وأكتب عليه للرفع,, )

<< في هـذي احسن لك تطلع بشويش بكرامتك قبل مايمزعونك >>

6) حاول ترد على المواضيع القديــــــمه >> طلع الغبار >> والجديده خلها تنزل .

<< كذا تقلب القسم حقه فوق تحت >>

7) شوف لك مشرف وتلزق فيه.........كل يوم إرسله رسائل خاصه تقـول له ،، وش رايك في ذاك الموضــوع..

. احـس انه شين احذفه تكفى ,, ولا ذاك الموضـوع رهيـب ثبته تكفى ,,

<< هنا المشـرف يكره اليوم اللي خلـوه فيه مشــرف >>

8) دقق في إملاءات المشرفين... ورد عليهم فقط لتصحيح الإملاء ولا تجيب طاري الموضوع,,,

9) عند تعيين أي مشرف جـديد ... أبدا تكلم عن الواسطة وأنه ما يستاهل ولمح أن الإدارة ما عندها سالفة ,,

>> هــذي تغنيــك عن كل الوســائل اللي راحــت <<
والله يموتون قهر ;)