الله المستعان
ماني مطول بس ابي رايكم ونتناقش البارح كنت جاي من شارع الضباب الكلام في الرياض
طالع لشارع البطحاء العام المقصد كان مجمع بن سليمان المهم وصلت الطازج الي في بديت شارع البطحاء العام كلكم اعتقد تعرفونه وخصوصن الي ديم في الغرابي المهم اطب في التفتيش الي هناك اصلن مكانه غلط كان الباص واقف (طقتني ام الركب من الباص)وفيه عسكر يسجل مخلافات واحد معطل العالم يفتش وعسكر الباص المحموع ثلاثه كنو المشهد الي صار ان فيه شاب اضنه سوري فلسطيني المهم من بلاد الشام مدري ايش مشكلته المهم انهم ناوين يركبونه الباص فاسال ليش تركبوني وش المشكله فقاله العسكر انطم واركب قاله لا ما اركب الى اعرف ليش قاله بتركب غصبن عنك ما صارت مشاده بينه عن المشكله وانا اعتقد كان قرارهم تعسفي في شياله ولا ماله حق يتكلم فيوم بد يعابط نادى العسكر حق الباص خويه ويجون على الولد وعطونه كم كف حلاقه على كم كلمه المهم يوم جو يركبونه يدفه واحد الى طاح على درج الباص ويشوته برجله داخل الباص رجع العسكر الي معطل العالم جاء دوري قلتله مالكم حق على الشاب بي القسوه ذي تركبونه قال ذا حمار الله يعزكم بي المنطق ذا
قلت ولو بس فيه اسلوب افضل ورح يركب اوذا رفض خذو اثبته وراح يجيكم وين بي يروح
قال ونت وش دخلك جيب اورقك واذا ناقصه لا تزعجني على جنب اصلن ما ينفع معكم الى كذا
عشان تعرفون النظام اعطيه اوراقي اخر شي قال لا تتعودها وانتبه لكلامك بلله عليكم هذا منطق او رجل مرور هل في كلامي شي غلط وش ذنب الناس تنافخ عليهم دم انك ما تبي الشغله ذي لا تشتغلها صراحه لو انا فاضي ما راح اخليها تعدي على كلامه والله انا اشوف الحجز على الي مسوي جريمه كبير لا تغفر ليش حطو المخالفات طيب وضن الكثير عارفين جز المرور والقرف الي فيه ما نقول الى الله يعين وياليت ينتبهون السؤلين لي التصرفات الي زي ذي لصالحنا ولصالح بلدنا والي قاهرني قدام اجانب انتظر ردودكم نكودي لا تدقق الموضوع جد
الله المستعان
قسم بالله ياموضوعك جاب لي ازمه :( <<< متعقد منهم الله لايوفقهم دنياوآخره
ياحبيبي خلها مستوره والا تدري بأقول لكم بس انا في الدوام الحين والله ياإنهم مستقعدين لي انا مدري مني والا من لوحتي والا مدري من وش ؟؟ :(
بس والله اني ماسأمحهم ولاني مسامحهم لو مايبقى الا انا ويسألوني يوم القيامه يقولون لي سامحهم ويدخلون الجنه والله مااسامحهم
وبعدين لاتخاف ياقلبي نكودك معاك وبعدين خلاص ماشفت القرار الجديد لاتشيل هم ;)
لا والله اخوي نكودي ما شفته واليوم العصر خلك من ذي عند اول نقطه تفتيش على خط مكه رايح روضة الخراره اذا بعسكري بس مني قايل من فين يرجع عشان محد يزعل من احد يوم قرا لقبي قال يمني وبعدين لحقه قال اقصد جيزاني خزيته بعيني قام يضحك قال ليه اليمنه مو مسلمين قلت الى بس على ما اضن عندك اثباتات سعوديه طبعن انا وعيال عمي قال ايه قلت اجل انا سعودي وتعاملني على اني موطن مالك دخل اصلي وفصلي نزل وجه بي الارض وعطاني اثبتي وقال رح
يارجال خلها على ربك ,,
والله ان بعض العسكر انه مايستاهل البدله الي يلبسها ولا يقدر قيمتها ولايدري انه يمثل دوله كامله ..
من الغباء الملاحظ على بعضهم .. مثال بسيط صار لي قبل أمس ,,
جاتك الدوريه السريه مستلكعه بمكان بااااايخ ورا بيت وتترصد الي يديورون غلط من عند الروتير الي قريب من البيت ,,
المهم ان الروتير هذا كل الأمه تعكس من عنده لأنك اذا ما عكست الله يعينك تمسك خط الى نهاية الشارع ..
أنا كنت واحد من الضحايا الي عكس الروتير ولا يجيني العسكري وانا معي اهلي ,, طب لي بنصف الشارع يوقفني ,,
وقفت أخذ اثباتاتي وقالي اسفط .. سفطت ورحت له ولا كلمته ولاكلمه قلت له يالله تبي تعطيني مخالفه عجل لأني مستعجل الزبده وهو يكتب جاك شايب نفس مشكلتي ووقفوه ,
الشايب ما سكت (( ذيب والله )) قال للشرطي :
الحين انتم مالقيتوا الا تترصدون لنا على شي تافه من جد والشارع وراكم كله تفحيط ولا رحتوا لهم ولا تكلمتوا بحرف واحد .. !!
الشرطي شايف نفسه ورافع خشمه وقام ينفخ على الشايب عشانه قال الحق وقام يتحداه ويقول ترا والله لأوديك التوقيف..
يعني أنا أتوقع ان الشايب مثل أبوه ويرفع صوته عليه عشان قال الحق ...؟؟؟
والله انه سفيه وأتفه من السفيه ’’
وش تتوقع يصير اذا طاحت السلطة بيد من لايستحقها ويستغلها اسوأ استغلال
طبعا موب كلهم لكن الغالبية اخلاقهم زفت واذا سويت مخالفه ولو بسيطه يعاملك زي المجرم
ياخي عطني مخالفة وانتهينا اما تقعد تذلني عليها
الحين طالعين بحركه جديده اذا حقد عليك العسكري ولا لقى عليك اي مخالفه يعطيك مخالفة على ان الفحص الدوري منتهي
غير كذا المزاجات >>> النظام يختلف من عسكري لعسكري هذا يقولك هذي مخالفة والثاني يقول عادي
بيطبق النظام وهو مايدري وشهو النظام اللي بيطبقه اصلا يعني بيجتهد بالقرار >>ولكل مجتهد نصيب
>>>يامطنش: وربي يبيلي قاموس عشان اتابع وش انت بتقول :d وش رايك تكتب الرد وانت هادي ومروق
ياخي اللي حتى ماصارتله مواقف بيقرأ موضوعك وبيعصب وبيحط رد :d
الاخطبوط كان هنا
يارجل والله من الي اشوفه الى متاء التسيب ذا الناس وصلو القمر
اخوي يدرس في الخارج في بريطانيا يقول ما عمره مسكه عسكر صارله خمس سنوات يقول اذا سويت مخالفه وشافوك تجيك على بريدك عند باب البيت وفيه موعد محدد اذا ما جيت دبلوها واذا طنشت كم مره ذيك الساعه جو ومسكوك وبرضو فيه عندهم شي اسمه محاكمه
يشوفون هل العسكري متبلي عليك او وش اسبابك الي تخليك سويت كذا وكل دول الاجنبيه انا ما اقارن نفسنا فيهم لاكن نقول نبي يحطون الشخص المناسب في المكان المناسب ويلومن الاجانب اذا قالو عنا متخلفين وشعب ثالث بسبب الاشكال ذي وما اتكلم على العسكر بس جميع موظفين الدوله والبنوك والاتصالت او يكون في واجها مع المواطن والمقيم انت تمثل دوله قبل ان تمثل شخصك اخطبوط اعذرني لاكن شي يقهر ما نقول الى الله يعين
سلام عليكم اخواني كلكم تعرفوني اني بحريني و الله ربعي انا لما اقول ليهم بروح السعودية بشتري اي غرض يقول لي انا اعطيك الفرق بس ما اروح اقول ليه ليش قال و الله الجسر السعودية ما اروح اخلاقهم العساكر كلش زفته مع احترامي الشديد الشديد الى اخواني السعوديين و على راسي و اهلي بس صدق هذا الي صاير في البحرين اهل البحرين يكرهون السعودية بسبب الجسر و تعاملة فقط جسر السعودية ما بالك في السعودية لا يوجد احترام الى زائر صراحة بعكس البحرين العسكري يحترم الزائر قبل المواطن بصراحة و انتو تجون البحرين وتجوفون بعينكم . سامحوني اخواني انتو على راسي من فوق كل اهل السعودية بس الواقع يقال.....
بس ياخوي مو كلهم نحنا نتكلم على النسبه الموجوده ولتي لا نتمنا ان نراها
انتو شوفو العسكر وتعليمهم وكيف كانت معاملتهم وتعرفون ليه اخلاااقهم كذا .؟؟!!!
يعني بصراحه انا بقول لكم حاجه كثير تصير لي انا طول الله عماركم كل اسبوع لازم اروح القاعدة الجويه بالرياض لان بيت نسيبي هناك
المهم اللي يروح لم القاعده لازم يسوون له اجراء امني قبل لا يدخل مثل (( تفتيش الموتر , اخذ تصريح دخول , والاحتفاض بالبطاقة الشخصيه ومن هالامور ))
الشاهد ان معاملت العسكر هناك اكثر من بااايخه يجيك العسكري ويسألك اسأله بايخه ومدري وش تبي ماله دخل فيها بس كذا يبي زي ماتقول يتليقف وكثير من الاحيان يرفع ضغطك علشان يتلفض عليك عااد انت مالك الا تجاوبه <-- قد مره هايط ومادخلوه الا لين جاء النقيب اللي اعرفه ودخلني :o
فوالله شي يفشل وشي تستحي منه قدام اخوانا الخليجيين اللي يجونا من برا
ومشكور يامطنش على هذا الموضوع
مع اطيب الامنيات لك ..
والله معك حق ياغالي
فيه تقصير واضح من الجميع :(
والله يستر حالنا ويصحح اوضاعنا يارب .
محبتي
أبوعمار
الله يعين ويتغير الحال الى الاحسن ننظر لي الجيل القادم <<<<<<<يقاله شايب
و الله يا شباب ان هالسالفه توها صايره لي ما لها 10 دقايق
انا طالع رايح لمقهى انترنت ( اللي اكتب منه الحين )
المهم اني وقفت عند المقهى و وقفت عندي دوريه و يأشر لي اطلع قدام
نزلت للعسكري اقوله انا موقف ابي المقهى يقولي اركب السياره و اطلع قدام
طلعت قدام للتفتيش و اخذوا اثباتي و الاستماره
و استلمني العسكري تحقيق ليش وقفت قبل التفتيش ؟
المهم قلت له اني موقف للمقهى و ما رضى طويل العمر يخليني امشي
لين وريته ورقة اشتراك المقهى
هههههههههههههههههههههههههاي <<< ضحكه مقهور ....
اقول سلم لي على جوازات الكويت والبحرين <<< ( قطر الإمارات وعمان الى الان مارحتها ) :(
ياناس قمة الأخلاق اول شي الحمد لله على السلامه وابتسامه وحياكم الله وانت في بلدك الثاني شوف الكلام الحلو <<< وده بس يروح هناك عشان يسمع الكلام ويرجع :d
اما عندك تسلم صفط ولاكأنك واقف ياخذ الأوراق وتحسه يقول انقلع
آآآآآآآآآآآآآآآآآآآآآآآآآآآآآآآآآآآه بس خلوها انا راجع لكم بسواااااااااااااليف عنهم انت يامطنش بس فتحت السالفه ابد خلاص راحوا فيها
سلالالالالالالالالام عليييييكم يا شباب ابااااااركم وعلوووووومكم انشاءالله بخير المهمكلامكم صحيح يا شباب والله قهر كل من صار يشتغل في المرور شاف نفسه علىالأخرين وخاصتا حنا الشباب والله مساكين مساكين ...حتى لما نروح السوق او نتمشى او حتى السوبرماركت نتصروع والسبة هالدوريات الي ماترحم ....((الله يصلح دولتنا )) ويديم فيها الأمن والأمان((ابذبح روحي دايم اتاخر و الله مشكلة))
ياشباب الله يهديكم
عسكرنا اغلبيتهم ساقطين تربية شوارع فاشلين دراسيا وش تنتظر منهم اذا كان ساقط طول حياته وطموحه جندي علشان يكون له سلطه لنه ما بيوصل لكبر منها وفوق كذا اكثر سيارات مخالفه ومخالفين هم بأنفسهم
انا كتبت رد على الموضوع ذا انا عارف انه قديم لكن اشكر كل الي مرو عليه وابي اشوف موقف جديده حصلت مع اعضاء جدد
يا خوي مرة ثانية اذا زود عليك الكلام وانت كنت محترم معاه يعني ما مسك عليك اي زلة
مالك الا حل واحد !!
قل له انت منت كفو تتكلم معي بهذي الطريقة واطلب منه الضابط المناوب وقله يجي للموقع
اذا جاب لك الرقيب اللي معاه والا السلتوح قله يا اخي ابي الضابط ابي واحد مسؤول
اذا هذا اللي معاك في نقطة التفتيش واخلاقك زي كذا وما تكلم ابي الضابط
طبعا يقول لك من باب التصريف انا هذا المسؤول عني مو الضابط ،
قله خير ان شاء الله بس اذا حضر الضابط لا تغير كلامك
ودق على 993 اذا كان النقطة تفتيش مرور ، او 999 اذا كانت دوريات امنية
بيرد عليك واحد الله بالخير ملقوف قله يا اخي انا عندي مشكلة مع عسكري هنا في النقطة وابي ضابط يجي للموقع يحلها ( اذا قال لك ما في ضابط اتأكد انك اخذت اسمه ) وقتها والله لا ينخرشون كلهم ، حتى الفلسطيني يمكن يخرجونه
خذ في علمك انه في كل ليلة يكون ضابط مناوب يسمع البلاغات واذا شفت انهم يصرفونك ما عنك وعن جمع المعلومات التالية قبل المغادرة من الموقع
* اخذ لوحات الدوريات المتواجدة في الموقع ، مع معرفة اسم العسكري اللي غلط عليك مع الرقيب حقه واذا رفض قله من حقي ابي اشتكي عليك وابي اسمك ، حتى دباباتهم خذ لوحاتها وسجل الوقت والتاريخ
وثاني يوم لا يردك الا ادارة المرور ، واظن مدير الادارة اسمه المقبل ارمي المعروض على مكتبه تراه متفهم لدرجة كبيرة وما يرضى بحركات الهمج اللي زي هذا وصدقني لاياخذ لك حقك من العسكري
صح ان الدعوة طويلة وتعب ويبي لها واحد فاضي لكن الاشكال هاذي ما تتأدب الا كذا
طبعا انا اتكلم عن المشاكل الكبيرة واذا شفته بدا يغلط عليك او مثلا يصكك قسيمة على ربط حزام وتلاقيه يمشي واحد غيرك يعرفه
باختصار حقك لا تسكت عنه لانه بيصيبك غبن من الاشكال ذي
اسف للاطالة
يارجال خلها على ربك
تصدقون مره ركبوني الباص يقولون انت قاطع اشاره وانا لاقطعت ولايحزنون
^ ^ ^ ^ ^
هين هين
يا شباب لكل قاعده شواذ
وارى ان بعض العساكر اول مايكون بنقطة تفتيش وتقول له كيف حالك يزعل
ويعطيك قسيمه
وبعضهم بالعكس تكون مخالفات لكن لما تسلم عليه تقول له والله عارف اني غلطان
يقول لك روح بس لا تعيدها مره ثانيه
يعني صدقني يعتمد على اسلوبك مع العسكري بشكل كبير
و اهم شيء لا تحسس العسكري انه اقل منك
عامله كأنه ضابط وصدقني مارح يعطيك قسمه بالعكس بيقول لك وانت ماشيء اي خدمه
مواقع النشر (المفضلة)