الموضوع: للحينـي مو مصــدق عيــــــوووووووووني !!!!

على ماذكروة الشباب حط ببالكـ بعد الوزن

بس بصراحه قويه كامري يتعدا بورش كيان ولا واس

دمتم بود

ياجماعة الخير شقاعدين تقولون ..

مهما صارت ، نشيطه والا قير عادي مستحيل تجيب الـ 280 وهي ستاندر

وعلى طاري الوزن .. الوزن مايفيدك الا بالقومه والا بالخط انسى .. السياره تلعب وفوق هذا اغلب السيارات

يموت عزمها لاعشقت خامس ..

اخوي مأجر صني .. شقق كوامري لين قال بس .. مجرد مايعشق الخامس يطوفونه ..

انا بالبريليود شققت كوامري لين قلت بس

ولد عمي عنده مونديو .. يقول اشق الكامري سلام سلام ..

يقول هذاك اليوم على طريق الحسا بورش قطري يقول ولد عمي امش 200 وجاني البورش وطافني ودست وراه بعدين خفف عشاني

وطفته ورحت عنده بعيـــد ، يقول اشوي الا الرجال يكبس من بعيد وطافني بشكل جنوووني ..

لاحد يستهين بالبورش بكل انواعه .. وهالكامري اللي تكلم عنده خوينا الكويتي .. كامري مش استاندر ولو جرب مع كل الكوامري

راح يعرف مستوى الكامري

الكامري ومأدراك ما الكامري التويوتا اذا صنع شي صنع بس مو التيس لأن اعفن واضعف مكينة نزلت(2007-2010) بس القديم قوي في كل شي (2003-2006) بس في ألا قوى منه(كامري98 سته سلندر)طياره موكامري كان عندي 98 v6 ماشاء عزم قوي جدا طلعت على سيارات كثير بس طبعا كانت امريكي وعندك ألا اقوى(كامري90 سته سلندر) قوي جدا. بس يطلع على البورش يمكن مافي شي مستحيل على الياباني<<<<ابو عيون.:d

مستحيييييل الكامري يجيب 280
لا و 2007 بعد سلاامااات
يعني لو قديم كان قلنا ممكن يمسك معاك الين 260 واذا انه ملغم فيه احتمال
بس الجديد مستحييل الا اذا كان مسقط مكينة وقير جديده مع تلغيم
لانه انا اعرف شباب بـ أكوردات جديدة شخمطو الكامري من 2007 وانت طالع
وايضا سيارات اخرى ومنها الاتيما بجميع موديلاتها بدون كلام تطلع عليه
وايضا المازدا سته تطلع عليه وهذا من واقع تجربه ( انا كنت راكب )
وكثييير من السيارات الـ 4 سلندر

قصدكم ديهاتسوا ؟ طبلونها 280

المشاركة الأصلية كتبت بواسطة ღღ 3eo0oney...ღღ

هههههههههههههه

وربي جالس اضحك بقووووه

لا هي ع الكايين ولا ع الكامري هي ع السواق اللي يسوق السيارة

ولا تنسى ابووو سعوووود لوتعطيه اكسنت نشط لك مكينتها يفجرها لك وبص

انتبه تقرب الاكسنت
خلك على الكامري :p

شكل طبلونك خربان ويلعب عليك وانت عايش الجو << براااااااااااا

انا بصراحه انلحست

اذا هو ملغم ماهو شي غريب او مستحيل يعني عادي
بس لازم يكون قلبه ميت لان كامري وماشي 280 يعني اذا بي ام والواحد يخاف فما بالكم بكامري خفيفه

واذا انتوا تقصدوا انه ستاندر بس نشيط روحوا طيروا والله لو معبيها رد بول بدل البنزين ما يوصل 280

هذا رأي في النهايه

تحياتي

دام ان الكامري 2007 يعني ما في منه سته سلندر .. يعني الاكيد انه مرهم مكينة و8 سلندر بعد .. لأن ترا الكوابرس واللومينات وهم 8 سلندر و6 لتر بعضهم ما يجيب 280 وبعضهم يجيبها بعد عناء ومشوار طويل

ياخوي كيف 8 سلندر على دفع امامي :p