انا كان عندي دانلوب عمر معاي سنتين تمام التمام
وغيرته بدانلوب :d
لكن ناوي ان شاء الله في العام القادم نفس الوقت هذا اركب بيريلي
مبروك عليكم حبايبي الأعضاء دخول فصل الصيف :D ادري انكم مررررررررررررة مستانسين علية وبذات اذا كان معاة شويت غبار منعش ;) .
ندخل في الموضوع تدرون اكيد ياشباب ان الكفرات مثلنا تحب فصل الصيف واكبر دليل على ذلك قطع الكفرات المتشققة من الفرحة على الخطوط السريعة غير طبعآ الكفرات الي وصل درجة الفرح فيها لحد الانفجار .
السؤال ياحلوين وش هو افضل كفر ينفع للاكورد ؟
انا جربت الميشلان الفرنسي وهي الكفرات الاصلية الي جات مع الموتر وقت ماشريت السيارة. بصراحة هي جيدة وحق كرف بس عيبها انها قاسية شوي وغالية شويتين ب460 ريال .
هل في احد من الاعضاء الكرام جرب كفرات غير الميشلان ؟
والشباب الي مركبين كفرات بريللي أو كنتاننتيل لسياراتهم ياليت يقولون لنا كيف الكفر معاهم مع ذكر الاسعار والصناعة ومقاس الجنط وهل الجنط أصلي أو تجاري ؟
ملا حظة : قبل فترة كنت في وكالة بريللي ولقيت عندهم كفر الماني يركب على الاكورد بس انة غالي ب780 ريال وشكل الدعسة حقتة مررررررة شينة .
اتش انا مركب من اربع شهور تقريبا كفرات دانلوب 260ريال من الغرابي يعني سعره حلوه والكفر زين يعني ماهو ممتاز مرة ولا هو سيء وبالنسبة للجنط حجم 16 تجاري .
تحياتي لكم جميعا
من وجهة نظري المتواضعه
اظن ان بريللي غالية جدا ولا هي قد سعرها
فيه كفرات من واقع تجربه ممتازه وسعرها ممتاز وتخدم
هي فالكين وهذا الموقع حقهم للي يبي تفاصيل اكثر
http://www.falkentire.com/
اقول نصيحه اصبر على قردك
ترى لو ركبت غير الميشلان بتفرق معك الرساوه كثير
انا اقول احسن شي كل واحد يركب ( قطن حتى ما تخسرولا تتقطع )
واحد جلــــــــــــــــــــــــــــــــــــــــــــــــ ـــــــــــــــــــــــــــــــــــده مجنون هوندا:
انا مركب ميشلان فرنساوي نفس حق الوكاله جنط 16 سعره حوالي 500 مع التركيب والترصيص
بصراحة مااقدر افيدك اخوي اتش لان بصراحة انا اللي ابغى من يفيدني بهذا الموضوع بصراحة احس كفرات الأكورد سخيفة لدرجة انك تسمع صوت عيون القطط بشكل مزعج هل فيه حل أو فيه كفر معين عشان اركبه ياليت تفيدوني وشكرا .
فية شوية ملاحظات لك دحوم ولكل حبايبي اعضاء المنتدى احب اقولها لكم وانشاء الله انكم تستفيدون منها :اخوي دحوم الصوت الي يطلع بسبب عيون القطط تعاني منة الأن اكثر السيارات حتى الفارهة منها :( ( انا مجرب البي ام الفئة السابعة آخر موديل والكزس الـ430 وكلها فيها اصوات ) يعني الصوت فيك فيك :p غير كذا اغلب كفرات السبورالجديدة تكون سخيفة جدآ ونسبة اسلاك الحديد فيها مرتفعة عشان تكون راسية وتتحمل السرعات العالية والحرارة العالية (مثل كفرات الاكورد الميشلان) وهذا من اهم الاسباب الي تخلي الكفر يكون قاسي ومزعج على عيون القطط . بس اذا جيت للحق غير الميشلان لاتدووووووور يعني من جد تحس السيارة راسية معاك في السرعات العالية وفي المنحنيات والأمطار حتى في الاوقات الصعبة الفرامل تمسك اكثر في الميشلان وفي الخطوط الطويلة ماتسمع للكفرات صوت حتى ونت ماشي على سرعة 200 :d .المشاركة الأصلية كتبت بواسطة دحوم
1- لازم يكون عندك معيار هواء للكفرات خاص فيك (حطة دايمآ في شنطة سيارتك) لان معيار الهواء حق المشاحم ممكن يكون خربان أو قرايتة غير صحيحة غيركذا كل مشحمة يختلف معيارها عن المشحمة الثانية (وهذا الي يحوس الكفرات ويلخبط مقاس الضغط فيها ) .
2- اذا جيت تعاير ضغط الكفرات لازم تكون السيارة والكفرات باردة (يعني اقل شي تكون واقفة (طافية) السيارة ثلاث ساعات ) نصيحة انتبة انتبة انتبة تنفخ الكفرات والسيارة حارة .
3-كفرات الاكورد الميشلان يفضل يكون ضغظ الكفرات الامامي 32 والخلفي 30 (اذا كنت مسافر بسيارتك ولمسافة طويلة ومعاك اكثر من راكب انصحك تخلي الضغط للكفر الامامي 35 والخلفي 32 . الوكالة يعايرون كل الكفرات الامامي والخلفي على ضغط 30 ) طبعآ مقاسات الضغظ موجودة على استكر ابيض اسفل باب السائق تقدر ترجعلها اذا نسيت ارقام ضغط الكفرات .
4- مع كل صيانة 10000 لاتنسى تكلم مهندس الصيانة في الوكالة يبدلك اماكن الكفرات على شكل X عشان تحافظ على الكفرات وماتتمسح عليك .
5- لاتمشي على الكفر وهو منسم (بتضر الكفر والجنط) وانصحك تشتري منفاخ هواء لسيارتك ينفعك اوقات الشدايد ;) . (انصحك اخوي دحوم تروح مركز ساكو عندهم منفاخ هواء مع شاحن للبطارية لونة يجي اصفر اسمة WAGAN TECH وسعرة يمكن بحدود 250 ريال والله انك بتدعيلي اذا شريتة اول شي انة ينفخ الكفرات ثاني شي لاقدر الله فضت عليك بطارية السيارة تقدر تشحن بطارية سيارتك بذا الجهاز (احسن ماتقعد تترجى العالم عشان يعطونك اشتراك ) طبعآ الجهاز هذا يخزن الكهرباء وسطة ولفترة طويلة انا جهازي من شريتة الى الان ماخلصت كهربتة مع انة لي ستة شهور من شريتة .واذا خلصت الكهرباء منة (فية لمبة صغيرة في الجهاز تبيلك مستوى الكهرباء المتبقية اذا اللون اخضر تمام واذا احمر معناة يبيلة شحن) تقدر تشحنة في البيت على كهرباء 220 V (اول ماتشتري الجهاز لازم تشحنة اول مرة لمدة 24 ساعة متواصلة بعد كذا كل ماخلصت الكهرباء منة تشحنة بس 18 ساعة متواصلة )
احس اني طلعت عن الموضوع وكلامي كثير بس والله احبكم :o معليش سامحوني على الاطالة :d :d
التعديل الأخير تم بواسطة اتــشـــــ ; 15-06-2006 الساعة 01:22 AM
المشاركة الأصلية كتبت بواسطة accord 06صدقت والله اخوي ACCORD 06 غير الميشلان لاتدور .
وابشرك امس رحت لوكالة ميشلان في طريق خريص وركبت طقم كفرات ميشلان الماني ( الكفرات القديمة كانت فرنسية ) الكفر الواحد طلع علي 550 ريال مع التركيب والترصيص يعني المجموع الكلي 2200 ريال طبعآ عطوني هدية عبارة عن معيارهواء اكتروني للكفرات من شركة SCHRADER الفرنسية الشهيرة (قيمة معيار الهواء مايقارب الـ 75 دولار) بس صراحة معيار تتعب ونت تقول محترم .
شهادة لله الجفالي ابدع في وكالة ميشلان تركيب نظيف خدمة جدآ راقية كفرات طازجة :d وجديدة انتاج الاسبوع السادس من عام 2006 .
اشكر جميع من مر وشارك في الموضوع
ما شاء الله .... الله يعطيك خيرهن و يكفيك شرهن
من جد الميشلان = راحة بال .... يكفيك انه مضمون ضد الانسلاخ
بعد مشيئة الله طبعا
ميشلان جيده وحق كرف ماشاء الله اخوي يومياً رايح فقيهم على خط وكل اسوبع البحرين (يدرس لاحد يفهمها غلط)
ودامت معاه أكثر 60 كيلو والأن يفكر بالتغيير وشكله بيركب مثلهم
بالنسبه لي Toyo روعه حتى السيارات المزوده لما تشوف نوع الإطارات تشوف تويو
ACCORD 06 و ACCORD-SE
حقيقة ماخاب من شاور أعضاء مثلكم
اشكركم على المرور .
التعديل الأخير تم بواسطة اتــشـــــ ; 24-06-2006 الساعة 01:37 AM
طيب شباب شرايكم في كفرات سوموتو تنفع للتركيب او لا ؟؟؟
اخوي أميراذا تبي شي رخيص وجيد انصحك بدنلوب .المشاركة الأصلية كتبت بواسطة امير
ما شاء الله يا اخوي اتش انت طارح موضوع الكفرات وعندك خلفية واسعة عنها بصراحة انا قريت كل الموضوع بما فيه الردود والحمد لله استفدت
( وانصح كل الي يشفوا الموضوع انهم يقروه كامل لانه بصراحة مفيد )
الله يعطيك العافية يا اتش ويكثر من امثالك
اخوي اتش مشكور على الموضوع بس عندي استفسار بسيط العرض للحين موجود
وبغيت الرقم حق فرع وكالة ميشلان بالدمام واذا كان عندك الوصف يكون احلا;)
مع ان سيارتي جديده بس بغير الكفرات لني مسكة بريك بعنف وانوكلت الكفرات والحين عندي رجه وصوت بالكفرات:(
وكفرات الوكاله ماتنظمن يعني في اي لحظه ممكن يبنشر عليك الكفر صوح صوح:d
المشاركة الأصلية كتبت بواسطة اكورد 2006حياك الله اخوي اكورد 2006
بلنسبة للعرض يابعدي والله مادري لاني غيرت الكفرات في تاريخ 2006 -06 -13 وكذلك وصف وكالة الدمام ماعرفة لاني من سكان الرياض .
على العموم هذي ارقم وكالة ميشلان في الشرقية 8334978
وفي الرياض 2231307
وفي الغربية 2840712
واي استفسار ثاني انا تحت الخدمة ;)
على طاري الكفرات والجنوط ألخ هذا موقع حلو أختر السيارة وركب ألي تبيه:
http://www.tirerack.com/
هذه معلومات مهمه عن الكفرات (كيف تعرف اقصى سرعة مسموحه للكفر):من الأحرف ZR,V,R,S
http://www.tirerack.com/tires/tirete....jsp?techid=35
يعطيكم العافيه على المواقع...........
انا جربت تقريبا جميع انواع الكفرات , الميشلان هي الافضل مهما كان ..
انا سمعت ان عندهم نوعية من الكفرات اسمها Silence بصراحة ماسألت عنها بس يقولون انها تعطي هدوء اكثر وطبعا سعرها اعلى ...
الا مع ماجربتو تنفخون الكفرات نيتروجين ؟
مواقع النشر (المفضلة)