بصراحه كلنا غشينا فى الامتحانات مافى حد ما غش ولو مره صح؟
المهم الحين انا بسألكم
1- متى اول مره غشيت فيها ؟
2- كم مره انمسكت ؟
3- كم مره غشيت ؟
4- شو احلى مره غشيت فيها والطريقه المستخدمه (ان امكن ) ؟

انا ببدأ:
1- في الصف الخامس وانا اذكرها للحين
2- أقول لا تعدو يعني في كل سنة دراسية تقريبا 7 او 8 مرات.
3- الصراحة اطلب من الله ان يسامحني وهذا شي ما افتخر فيه , بس في كل سنة دراسية لازم ناخذلنا بصة (على قولة المصريين) يمين يسار.
4- مرة كان عندي امتحان فيزياء , وانا كنت متعقد من انمتحانات الاستاذ, فمرة كان غايب وموكل استاذ الانجليزي يراقب علينا , واحنا فرحنا وايد لان الاستاذ مال الانجليزي ولا معاه خبر بالدنيا, فأنا استغليت هذا العيب وقعدت ورايا الاول على المدرسة الله يذكره بالخير , والمهم الأستاذ كان يعرفني اني لعوب فقام جلس على يميني انا والولد ويسولف معي عن الامتحان , المهم طول ابو الشباب وانا ماكل هوا في الامتحان , وانادي الولد اللي وراي وما يعبرني, فجأة كانت ردة فعلي اني لفيت وراي وقلبت الصفحة على السؤال اللي ابغيه , بعدها الولد لما شافني كذا اقول ما سكت من الضحك والاستاذ كان شايفني ومطنش .
بس أقول لا حد يحاول يسويها , او لا حد يفكر انه يغش ,الحمدلله الله تاب علينا من المدارس
طبعا اللي في الجامعة يعرف كيف النظام
يلا باقى دوركم