الموضوع: بعد كم كيلو تغير كفراتك**موضوع للنقاش

الكفرات ماتعتمد على الكيلوا اعتماد كلي..

يعني واحد ماشي عشرين الف وكفراته لها سنتين فاكيد انها نشفت وحبلت مع الشمس والحراة فيحتاج يغيرها,,,

وممكن تكون ممسوحة ومالها الا سنة فتحتاج تغيرها

تغيير الكفرات ياحبيبي على حسب حالت الكفرات اذا تحتاج او لا يعني كفر ممسوح او محبل ولا فيه رقعات كثيرة ,,,

هذا من واقع خبرتي واذا فيه شي ثاني انشاء الله الشباب يفيدوك....

أنا عن نفسي اذا بدا الكفر ياكل مسامير بشكل متكرر وركز على كلمة متكرر لأن حتى الكفر الجديد ممكن يدخلة مسمار بس اذا كان بشكل كبير ومتكرر معناته الكفر نشف وانتهى عمره الافتراضي

الكفرات مالها امان يعني على حسب استخدامك
مثلاً سيارتي غيرت كفراتها بعد سنه وتسعه شهور وهي ماشيه 62الف لأن انصلخ علي واحد قدام
راح يجي واحد طاير وبيقول يمكن مشموسه في الوكالة بقوله ان سيارتي من الدفعه
الأخير في 2007
زبده الكلام اقول الكفرات على حسب استخدامك

ياهلا وغلا يالله ان تحيه

اممممممممممم تتغير على حسب الممشى وحسب الاستخدام وبعضها تكون مشموسه
بس اغلب الاحيان تعيش الكفرات 70 الف كيلو

والكفرات هي اهم شي بالسيارة يعني لاتهملهم واول ماتحس ان في واحد من الكفرات فيه مشكله الحق على طووووووووول

أنا عن نفسي كل 60 أو 70

من سنه الى سنه ونص في الكثير

بالنسبه لي اغيره كل سنه لان ضمان الكفر سنه وحده بس
وتراني راعي خطوط بعد يعني يوميا اداوم للخرج الله يجيب النقل امين
اما بالنسبه للكفر اللي اغيره هو سوموتومو الياباني وجربته قبل كذا وجلس معاي سنه كامله وماشكى من شي ابد ابد بس زعلني في الاخير لانو حبل بس بعد وشو بعد ما اهنته والله

على حسب مسحة الكفر وإذا كنت تبغاها تقريبآ فهي 100000 كيلو

الصحيح انه يتم تغيرها كل 50 الف كيلو او بعد مرور سنه

شكرا لك اخوي على الموضوع الرائع
بالنسبه تغيير الكفرات فهي تعتمد على اربعه اسباب رئيسيه تقريبا :
1: نوع الكفرات وجودتها
2 : استخدام السياره فالبعض هاوي تفحيط او قومات او القيام بالضغط على المكابح بصوره مفاحئه
3 : حالة المركبه فمن المحتمل وجود اعطال ميكانيكيه تودي على مسح الكفرات حتى لوكانت ذات جوده عاليه
4 : حالة الطرق وتجنب الحفر قدر المستطاع مثلا عندنا في جده لا يوجد ولا حفره وقريبا الاحتفال باغلاق اخر حفره عام2200 ه:((تحلم انت ) او طلوع الارصفه او الحوادث حفظكم الله منها
وشكرا لك

والله اخوي من خبرتي على حسب دعسة رجلك او وين تمشي
مثلا راعين السيارات الدفع الرباعي 4*4 اذا طعست عليها تتمسح الكفر ات بسرعه وهذا رايي ولا الاصل الكفرات بعد سنتين ومع السواقين 2 ونص وثلاثة ارباع:d
وتقبل مروري

حسب الظروف تتغير
والشباب ماقصروا بالافادة

مدري والله ههههههههههههه

من ناحيتى لى تجربه مستفيظه بخصوص الكفرات بس قاعده اشوفها في حياتى عمر الكفر الى تشتريه استحاله يكون جودته مثل الى يكون مع الموتر وهو جديد شد بلد لانك اذا اشتريت اى كفر من اى وكيل مهما كان ذو جوده عاليه ماراح يطول مثل الشد بلد وهاذا عن تجربه وبكل امانه اذا الكفر ركبته وسلمت من الرجه فانت بخير لان في حياتى ماركبت كفر الى وطلع فيه رجه الله يرج امخاخ الوكلاء واحد ورى الثانى لانو بالعربي الكفرات بالسعوديه رايحه فيها ولى يدمرها مره واحده شوارعنا ال الحلوه الجميله التى تخلو من الحفر والمطبات ؟

المشاركة الأصلية كتبت بواسطة حميد

من ناحيتى لى تجربه مستفيظه بخصوص الكفرات بس قاعده اشوفها في حياتى عمر الكفر الى تشتريه استحاله يكون جودته مثل الى يكون مع الموتر وهو جديد شد بلد لانك اذا اشتريت اى كفر من اى وكيل مهما كان ذو جوده عاليه ماراح يطول مثل الشد بلد وهاذا عن تجربه وبكل امانه اذا الكفر ركبته وسلمت من الرجه فانت بخير لان في حياتى ماركبت كفر الى وطلع فيه رجه الله يرج امخاخ الوكلاء واحد ورى الثانى لانو بالعربي الكفرات بالسعوديه رايحه فيها ولى يدمرها مره واحده شوارعنا ال الحلوه الجميله التى تخلو من الحفر والمطبات ؟

اسمحلي أخوي كلامك موصحيح كفرات الوكاله سيئه جدا ورخيصه بعد
ويمكن لأنك تشتري كفرات رخيصه تشوف الجوده تعبانه(أبو 300 ولا250)
جرب كفرات بيرللي ولا فايرستون وتشوف مستوى ثاني من الجوده
بس تدري الكفر الواحد من هالنوعيات يكلف حوالي 700 ولا900 وأحيانن يتعدى الالف
جرب هالنوعين بعدين بتشوف تتغير وجهة نظرك ولا لأ:d

والله من ناحيتي انا الى الحين ماغيرت الكفرات من الوكاله يعني حقت الوكاله

سيارتي موديلها 2009 مطلعها في شهر 9 عام 2009 والى الحين ماغيرتها ماشي فيها 68الف كيلو والحين صار يطلع صوت ونونه اذا مشيت لان الكفر على وشك ينتهي

يعني على حسب اتخدام الشخص سيارته

أنا اغيرها اذا فكرت اغيرها

أعتقد أن تغيير الكفر بيكون بعد 60000ك م خصوصا إذا كانت الكفرات موجودة بالسيارة لها سنتين عالأقل، و دومت بتمشي داخل المدن ممكن تمشي معك لين ال70000 ك م، لكن لو راعي خطوط لابد تغير عال60000بالكتير حتى لو كان الكفر مر عليه شهرين لأن الكفرات بتتعرض لأجهاد كبير جدا من الحرارة و الأحتكاك عالطرق و الفراملز
و تقبلوا مروري