انا موتري اتوقع انه يجيب 230 او اكثر لاني ما قصرت فيه منذ ولادته :dالمشاركة الأصلية كتبت بواسطة FOXDIE
شكرا لك حبيبي
حلو التحدي
لكن اذا عندك ملف فيديو مقاوم اكورد 2005 4 سلندر و التيما 4 سلندر ياريت لو اتنزله
و شكرا لك
انا موتري اتوقع انه يجيب 230 او اكثر لاني ما قصرت فيه منذ ولادته :d
شكرا لك حبيبي
وعليكم السلامالسلام عليكم
قــاتل الله التعصــب :d
يأخوان يامحبين الهوندا والاكورد ترى ردودكم متعصبة وعاطفية جدا ومافيها واقعية والكل يقول الاكورد اقوى من الالتيما وهالكلام موصحيح لأنة الالتيما فعلا اقوى من الاكورد
بس هذا مومعناتة انة الهوندا ماتقدر تطور مكاينها وتجعلها اقوى من النيسان او انها عاجزة عن زيادة قوة محركاتها
يأخوان اللي عندة هوندا يرفع راسة ليش لأنة مكاين الهوندا اقوى مكاين وأنظف مكاين بالعالم او نقول باليابان ومعروف انة فئة الاربعة سلندر مهيمنة عليها الهوندا وخبرتها طويلة بهالمجال
.. مثـال بسيط .. الهوندا تريد محرك 4 سلندر بمحركين ((التيما))
عندك الـcivic Type-R هذي السيارة تهزء الـZ الجديد ابوستة سلندر والمجهز للسباقات .. والسيارة هذي يمكن مومنتشرة عندكم بس موجودة عندنا بالكويت وبكثرة والسيارات تتجنبها
وانا اسال الاخ هوندا كنكورد جيبلي سيارة بمحرك 4 سلندر وبهذي القوة ماراح تلقى
عندك الـNSX يمكن بعض الشباب مايعرفونها وهذي موجودة عندنا الموتر (6) سلندر فقط ويمشي معى الـGTR ابو ( 6 سلندر + تيربو )وعندي مقاطع رسمية يعني سيارات استوك ووكالات اللي تسوي التجارب عليها الهوندا يطوف النيسان ولاحظو انة الهوندا ماتعتمد على التيربو والشارج بسياراتها اعتمادها على تصنيع المكاين وطريقة عملها
والكلام يطوول ؟؟
نرجع للتايب ار ولأنها اربعة سلندر وزبدة كلامنا
المعادلة سهله الفرق بين الاكورد والتايب ار .. الاولى سيارة عملية و((أقتصادية)) في استهلاك الوقود مهجنة والشيئ هذا دايمن تذكرة الهوندا بسيارتها واللي يبي يعرف قوة محركات الهوندا يغير برمجة السيارة ويشوف الفرق والثانية سيارة سباق وهذا اللي تعتمد علية النيسان في تصنيع السيارات قووة المحرك فقط ولاحظو جميع سياراتها
والله يعطيك العافية
قريت كلامك و استفدت
شكرا لك
يعطيك العافية يالعقرب ...وكلامك صحيح يا خوي ولكن الي حرق اعصابنا راعين الألتمات ...
ولك مني صورة ل nsx من الوكالة....
صورة تشكر عليها بصراحة عطتني نيتروسن في النفسية
عجيبة و تدل على ان الهوندا تخبئ مفاجآت ما بعد الستة سلندر..!!
يا ترى راح انشوف اكورد 8 سلندر مع صرفية زينة؟؟
صحيح كلامج اختيالسلام عليكم اخواني جميعااا
بصراحه انا بقولك راي من تجربتي البسيطه با السيارات وانا بنت وما اعرف في ها السوالف بس كان الفرق عندي جدا وااضح لما كنت اسوق نيساان مكسيما موديل 200 لما توصل سرعتها 120 خلاااص المسكينه تبتدي كل اجزاءها ترتعشالله كاافي
بس لما شريت الهونداثبات ورزانه با الشاارع وفرق في المنعطفات ولا أحلي
خلي شعارك هوندا وبس والباقي خس :d
ثبات عنيد على المنعطفات وانا لي تجربة خطيرة مع المنعطفات بأكوردتي طبعا
شكرا لج
مشاء الله شدني الموضوع
فقلت لازم ارد على الحلوين اللي هنا
اولا ياشباب لازم تعرفوا الاكورد الجديد من 2000 - 2007 مكائنه كلها من فئه K
وهذي المكينه الجيل الجديد من الفتك الاربعه سلندر
نفس مكينه الاكيورا التايب R بس الفرق افي السعه ومقاسات البلوف
بعدين لو بحثتو في النت عن مكينه الاكورد اللي هيا K - Series راح تلاقي ارقام اليمه في الدراق ريس لها ويكفي انه في جنوب امريكا افضل سياره سوبر ستريت اخدتها الهوندا بمحرك K
ياشباب انا شوفت تجارب كثير شباب مع الالتيمات صراحه وخصوصا السته سلندر تعتبر سكاي لاين مصغر . . يعني مشاء الله تبارك الله قوه جدا ممتازه ويكفي مكينه الالتيما الجديده دخلت الترتيب العالمي لاحسن 10 محركات في العالم بنظامها الـVQ6 ولايخفا انه نظام الفتك اللي فيها مقتبس او فكرته من الهوندا اساسا
بعدين نجـي للجوده والاستحمال . . تقريبا النيسان ردئ جدا من ناحيه الجوده وهذا شي معروف ومثبت على النيسان وهذا يعتبر عيبها . . وغلاء القطع والخرابات اللي تجي بدري في اول 100 الف كيلو . . وماخفيا اعظم
في الاخير انا اشوف انه السيارتين كلها ياباني والسيارتين فيها نقاط ضعف سوا من القطع او من القوه االمستخرجه من المكينه
واللي حاب يتاكد ينزل الدراق حق جده ويشوف الارقام
الياباني ملك الخط
ومعليش حبيت اضيف شي
انو هنا في اكورد سته سلندر قير عادي
بس ماحد فاهم لها تمام
ونظام الفتك فيها جدا معقد :(
كلامك راقيالمعروف عن النيسان الصرفية في البانزين
قطع الغيار غالية، وأسألوا الي عندهم مكسيما
بسرعة تتفكك يعني حدها ثلاث سنين إذا كنت محافظ عليها ونظامي تقعد معاك أربع سنوات
بعدين تسمع أصوات وبلاوي وتمل من السيارة وودك تبيعها
ثبات سعر الهوندا عكس النيسان
أعتقد النيسان يعانون من ارتفاع درجة الحرارة للسيارة الستة سلندر
النيسان خفيفة بشكل مو طبيعي جربت المكسيما على سرعة 140 تقريبا وكسرت كسرة خفيفة بعد ماسويت هالحكرة تشاهدت وقريت الفاتحة وحلفت يمين ما أعيدها، خفيفة بشكل مو طبيعي فما بالك بالألتيما ؟؟؟
والي عندي أهم شي خدمة الوكيل، صحيح وكيل الهوندا اسعاره غاليه حسب ما هو متعارف بس قارنوا النيسان راح تشوفون مافي فرق
والشي الثاني بالوكيل الخدمة مابعد البيع، تعامل ولا أجمل وأسلوب حلو وعصري من قبل وكالة هوندا
رحت أكثر من مرة من النيسان، كأنهم يقولولك عاجبك حط سيارتك مو عاجبك الله معاك في فرق كبير كبير كبير
هذي أغلب المقارنات
بالنسبة للسرعة ماتهمني ، كلها فرق بسيط وبس
تحياتي
شكرا لك
هذا الي بغيتكم فيه:
هذه حبيبتنا:
عاد ابي اشوف الردود ...
عطوني الفروق ومن الفضل بكل صراحة ...وانا اعطيكم رائي من الأن وهو الأكورد احلى وافخم
من الألتيما....
يا سلام عليك
جميل جدا
ياخي ما فيه مقارنة الا فالقوة
الجودة و الثبات و الفخامة و الاستخدام و الراحة لصالح الاكورد
اللهم البعض يمكن يقول شكل الألتيما احلى لكن انا اقول حتى الاكورد ف بعض الاحيان اشوفه اروع و احلى و اكثر تناسق كشكل خارجي
شكرا لك
التعديل الأخير تم بواسطة هوندا كونكورد ; 12-03-2007 الساعة 07:57 PM
شكرا لك كثيرا
معلوماتك استفدنا منها يا الطيب
و مشاركتك عذبة
يعطيك العافية كونكورد يا بعد قلبي دايما معي ...ز
تسلم ....اااسف على الأنقطاع لمدة يومين لعدة ضروف.....
الله يسلمك لا تنقطع عنا كثير
مقطع الفيديو راح أحمله و أحطه لكم
و شكرا
متواصلين بإذن الله
الاكورد 6 سلندر 275حصان 5 سرعات سعه المحرك3.0 واقصى عزم للدوران 5000
الالتيما 6 سلندر 250 حصان 4سرعات سعه المحرك3.5 واقصى عزم للدوران 4800
معلومات اكيييييييده انا اتكلم عن الاتوماتيك
ميزه الالتيما خفتها وسعه المحرك فقط
انا شفت مطارحات كثيرة الاكورد تنافس الالتيما الاتوماتيك واذا كان السائق هاوي مطارحات يجيب الالتيما
انا اتكلم جد وبدون مجامله للاكورد مشكله الاكورد 6سلندر قليله وماحد مهتم فيها مظلومه
مو معطينها حقها واللي عنده اكورد 6 سلندر يطلع مو حق سرعه حق فخامه
وهذي هي الاسباب اللي انا اشوفها
السلام عليكم..
الاكورد 6سلندر 275 حصان السعه 3.0 خمس سرعات اقصى عزم دوران 5000
الالتيما 6سلندر 250 حصان السعه 3.5 اربع سرعات اقصى عزم دوران4800
مشكله الاكورد مو معروفه كثير وقليله 4سلندر مغطيه عليها عشان كذا مالها سمعه
والله الاكورد طيارة
انا شفت مطارحات كثيره للاكورد 6 موسهله وتنافس الالتيما واوقات اذا صاحب الاكورد سواق والله يطوفها انا اتكلم عن الاتوماتيك طبعا التيما قير عادي صعبه شوي
والله الاكورد مسكته بس اللي يعرفها
انا هذا رأيي واللي اشوفه وشكرا
اكورد من موديل 96 الى موديل 2007 قير عادي مع التيما قير عادي كلهم اربعة سلندر = الاكورد تروح
اكورد اوتو مع التيما اوتو كلهم اربعة سلندر = الاكورد تروح
التيما عادي واكثر الالتيمات قير عادي مع اكورد اوتو لان اكثر الاكورد اوتو =الالتيما تروح وعلشان كذا نشوفها دايما تروح على الاكور
اكورد ستة سلندر مع التيما ستة سلندر اوتو نفس العزم بالضبط
اكورد ستة سلندر والتيما قير عادي ستة سلندر = الالتيما تروح بفرق سيارة
اكورد ستة سلندر 2007 مع لومينا اس اس 2003 = الاكورد ماسكة مع اللومينا الين فصلت على 220 مش زي الالتيما الين 160
كانت لي تجربة كنت رايح مع واحد من الشباب مخطط الشبيلي على البي ام حقتي وماكان مصدق من قوة البي ام الزايده ان الاكورد تطوفها وهي مرتاحة لاني كنت اطوف كوامري قراندي وماكسيمات وانا مريح وكلها قير عادي وفجئة جاني واحد يسلم وانا اعبي بنزين ولمى جا يمشي انتبهت انه يبي يركب اكورد واقفة قدامي وكان بيركب بالجنب يعني مو له انحرجت بس قلت بتجرء فرصة لان خويي الي مو مصدق معي وقلت له احمد تعال شوي وقلتله ابي خويك يجرب معاي قال ماقدر سيارته جديده الين الحين ماتمرنت واصريت عليه وقال بكلمه ويناديه ويقوله جرب معاكم خويه خاف من البي ام بس قال يله نجرب وش خسرانين ونطلع على الشبيلي طبعا الي معاي مو مصدق ان الاكورد تطوف البي ام قال انا وين شايف هذا طلع شايفه في معرض الظهران مشارك بموستنج معدل يعني الرجال سواق دراج ويعرف للسيارات وكيف يسوقها (مو مثل بعض الناس كورلا 1.8 تطوفه) المهم جرب معاي اول مرة اكتشفت ان الرجال اذا عطاني فرق نص سيارة يخلي المسافة تثبت وخويي مو مصدق لاني خليته يسوق علشان يصدق بنفسه المهم قلتله لا ابيك تدعس قال خلاص طفتك قلت برضو ابي اشوف عزمها قالي اذكر الله طيب قلنا ماشالله قال طيب الحين اوريك وصدفه جات لومينا اس اس اظن 2003 واكتشفنا اننا مع القومات والسوالف وصلنا الدوار الي عند المصنع نهاية الشبيلي ونلف يمين ونمسك طريق هافمون ونقاوم اكتشفت ان الاكورد ماسكة مع اللومينا الين 220 وطبعا يروحون عني بفارق تقريبا من ثلاثة الى اربعة سيارات وانا اجيبهم فوق 220 بس لاحضت ان الاكورد ثابتة بمنعطفات طريق هافمون الحادة شوي واللومينا شوي وبتزحف بس الي عليها سواق وفعلا اكثر من مرة نعيد القومة ونواصل بالمنعطفات والاكورد ماشالله عليها واسف على الاطالة
كونكورد
اقرى كلامي وبتعرف ليه الالتيما تطوف الاكورد بعض الاحيان وراح تزيد ثقة بسيارتك ولو انت جربت ولا طفتها معناتها ماعرفت الين الحين كيف تسوق الاكورد
موضوع حماس من جد وقوي بنفس الوقت
شاري2008 باذن الله ست سلندر وبروح ادور التيمات واكسر روسهم
وماني مكملها 300 كليوا الا وانا جايب طبلونها ان شاء الله وبصورها
كم اسبوع وتنزل عندنا بالرياض
والوعد الشارع
<<<<<<<<<<<<متحمس بقوه
شوفوا يالغالين انا في الماضي سنة 2005 وقبل كنت من عشاق الالتيما وانتظرها بس تنزل للسوق السعودي وبعد مانزلت خلاص ناوي اشتريها ورحت للمعرض واخترتها لكن اخوي عنده اكورد 2004 وقالي بلا التيما بلا خرابيط الاتيما تشوفها مع البزارين والتاكسيات خذ لك اكورد لانها فخمة قلت له مو داخله مزاجي قالي جربتها قلت وشلون اجربها قال اذا ماتعرف احد عنده التيما روح للوكالة واطلب من الموظف تجربها وركز على الاصوات اذا مشيت على عيون القطط ورحت وعطوني الفل اوبشن ستة سلندر ومثل ماقال اخوي انواع الاصوات لكن العزم بدون تعليق لكن وش فايدة العزم اذا عندنا في السعودية مقاومات وهياط بدون مقابل يعني ادعس واعدم الماكينة وبعد ما اقوم عليه يقول عيدها نظام بزران روحوا شوفوا نظام طوكيو مراهنات مقابل سياره المهزوم مو عندنا الله يخلف نضبط وندفع الثمن غــــــالـــــــيوفي الاخير قلت كم سعر الالتيما قالي المعرض طبعا السياحي 56,000 والاكورد سياحي 71,000 قلت مادام الاغلى اكورد والسياحي ميزته فيها ABS مو مثل الالتيما لازم اخذ الفل اوبشن سته سلندر اللي قيمتها 110,000
وبعدها قلت اكورد ولا فلا
الالتيما راح وقتها ، ياما هزأنا التيمات ستة سلندر .
الغبار مالي المنتدى ..... انا بس شفت عنوان الموضوع ... طلع غبار بعيني
يغلق يا اصحاب القسم
معشي الجن
http://www.flickr.com/photos/ashknaney/
Raptor eco boost... anyone whana try his luck !!? XD
ضوابط المشاركة
مواقع النشر (المفضلة)