اكورد من موديل 96 الى موديل 2007 قير عادي مع التيما قير عادي كلهم اربعة سلندر = الاكورد تروح
اكورد اوتو مع التيما اوتو كلهم اربعة سلندر = الاكورد تروح
التيما عادي واكثر الالتيمات قير عادي مع اكورد اوتو لان اكثر الاكورد اوتو =الالتيما تروح وعلشان كذا نشوفها دايما تروح على الاكور
اكورد ستة سلندر مع التيما ستة سلندر اوتو نفس العزم بالضبط
اكورد ستة سلندر والتيما قير عادي ستة سلندر = الالتيما تروح بفرق سيارة
اكورد ستة سلندر 2007 مع لومينا اس اس 2003 = الاكورد ماسكة مع اللومينا الين فصلت على 220 مش زي الالتيما الين 160

كانت لي تجربة كنت رايح مع واحد من الشباب مخطط الشبيلي على البي ام حقتي وماكان مصدق من قوة البي ام الزايده ان الاكورد تطوفها وهي مرتاحة لاني كنت اطوف كوامري قراندي وماكسيمات وانا مريح وكلها قير عادي وفجئة جاني واحد يسلم وانا اعبي بنزين ولمى جا يمشي انتبهت انه يبي يركب اكورد واقفة قدامي وكان بيركب بالجنب يعني مو له انحرجت بس قلت بتجرء فرصة لان خويي الي مو مصدق معي وقلت له احمد تعال شوي وقلتله ابي خويك يجرب معاي قال ماقدر سيارته جديده الين الحين ماتمرنت واصريت عليه وقال بكلمه ويناديه ويقوله جرب معاكم خويه خاف من البي ام بس قال يله نجرب وش خسرانين ونطلع على الشبيلي طبعا الي معاي مو مصدق ان الاكورد تطوف البي ام قال انا وين شايف هذا طلع شايفه في معرض الظهران مشارك بموستنج معدل يعني الرجال سواق دراج ويعرف للسيارات وكيف يسوقها (مو مثل بعض الناس كورلا 1.8 تطوفه) المهم جرب معاي اول مرة اكتشفت ان الرجال اذا عطاني فرق نص سيارة يخلي المسافة تثبت وخويي مو مصدق لاني خليته يسوق علشان يصدق بنفسه المهم قلتله لا ابيك تدعس قال خلاص طفتك قلت برضو ابي اشوف عزمها قالي اذكر الله طيب قلنا ماشالله قال طيب الحين اوريك وصدفه جات لومينا اس اس اظن 2003 واكتشفنا اننا مع القومات والسوالف وصلنا الدوار الي عند المصنع نهاية الشبيلي ونلف يمين ونمسك طريق هافمون ونقاوم اكتشفت ان الاكورد ماسكة مع اللومينا الين 220 وطبعا يروحون عني بفارق تقريبا من ثلاثة الى اربعة سيارات وانا اجيبهم فوق 220 بس لاحضت ان الاكورد ثابتة بمنعطفات طريق هافمون الحادة شوي واللومينا شوي وبتزحف بس الي عليها سواق وفعلا اكثر من مرة نعيد القومة ونواصل بالمنعطفات والاكورد ماشالله عليها واسف على الاطالة
كونكورد
اقرى كلامي وبتعرف ليه الالتيما تطوف الاكورد بعض الاحيان وراح تزيد ثقة بسيارتك ولو انت جربت ولا طفتها معناتها ماعرفت الين الحين كيف تسوق الاكورد