الموضوع: استشارة في سعر سيارة هوندا أكورد مع الشكر

المشاركة الأصلية كتبت بواسطة king

بالأول أستخير ربك ممكن تكون خيره لك وممكن لأ

وانا اشوف ان السيارة ممشاها واجد لكن إذا على كلامك انها نظيفة ولا فيها اي صدمات ومستعد انه يفحصها

توكل على الله بعد الأستخارة , وفقني وإياك إلى الخير

الله يعطيك العافية
كم تسوى قيمتها

اخوي الله يسهل عليك
اسعاره من50الى55

هلا اخوي
اسعارها مثل هالمواصفات من 45 - 52
ومااتوقع انا تترتفع اكثر
لكن تبي نصيحتي اذا عندك 30 او 40 الف حطها دفعه اولى واخذ هوندا 2008-2009
ويطلع عليك القسط 1100 او 1200
واذا تبيها فل كامل يطلع عليك 1370 ريال حول هالمبلغ مايفرق كثير
انا كنت عندهم الاسبوع الماضي
ونصييييييييحه ياخوي اركب جديد ...
اتمنى اني افدتك ..
تحياتي

هلا اخوي ،

إذا على قولتك الموتر نظيف وعلى يد صاحبه ،

انصحك بشرائه بـأقل من 45 الف

لأنه ماشي فوق المية الف يعني لو في الستين الف كان يسوى 45 الف وفوق

تحية لك

وعليكم السلام
بصراحة ياخوي انا اشوف الممشى مايأثر اذا كانت السيارة نظيفة وشد بلد وبعد فحص المكينة والقير ووديها عند اقرب ميزان للتاكد
من العضلات من اسفل .. وبعد كذا شوف التهريب من تحت وتوكل على الله
وبالنسبة للبوية حتى لو تسويلها رش بسيط احترافي بدون سمكرة ماعندك مشكلة

حياك الله اخوي
اهم شي ركز على نقطتين
عدد المستخدمين لها ويوضح بملاك الاستمارة
عدد الكيلو مترات
السيارات حاليا بجودتها مو مثل اول
اصبحت مثلها مثل اي سلعة استهلاكية اكثر من قبل
فالممشى له دور كبير
القيمة مع هالممشى والحكة اللي قلت 43-48 الف
اعطي هالقيمة بناء على وصفك وليس على السيارة نفسها يعني ماهي سومة لاني ما شفتها للعيان قد تزود قيمتها وقد تقل وهذا ابراء للذمة
واخيرا عليك بالاستخارة اخوي فهي طريق لتوفيق الله لك
والله اعلم

من 50 الى 54 اذا كانت نظيفة

نصيحة : لو تحطها دفعة أولى وتقسط الباقي أفضلك بـ مليون مرة من المستعمل وخاصة أنها ماشية 145 ألف في أقل من 3 سنوات ..

وسعرها في حدود الـ 48,000 ألى 55,000 بالكثيير لو كانت نظيفة ..!

وبالتوفيق لك ولاتنسى تستخير قبل كل شئ ..

الله يوفقك انشالله استخيير وديها الفحص وشيك على المكينه والقير والعضلات وسعر بيكون كما وصفه اخوي سكااي بين 48-53