ماخاب من استشار- بخصوص شراء اكورد 2008

[gray2008]

السلام عليكم ومساكم الله بالخير جميعا

حبايبي ابس استشيركم في سعر لأكورد 2008 فل اوبشن

ماشيه تقريبا 58 ألف

السياره نظيفه ماشالله وكل الصيانه مسويها في الشركه

صاحبها يبغى مني 10 ألاف ريال وانا اكمل باقي الأقساط 1500 ريال لمدة 42 شهر ودفعه اخيره 20 ألف ريال

يعني حسبتها تطلع كلها 93 ألف ريال

ايش رايكم فيها تستاهل المبلغ بحكم انها اقساط لسه باقي عليها 42 شهر انا راح ادفعها

اتمنى الافاده منكم ومشكورين على ردودكم مقدما

[kakashi-san]

وعليكم السلام ..

يا هلا فيك اخوي ..

مبروك مقدماً ..

والله على سالفة التنازل أنا ما لي خبره فيها ..

لكن سأله لو باخذها كاش كم تطلع علي ..

لان سعرها من 70 - 78 ألف للنظيف ..

[The Stig]

والله راح تصيييييير غاليه مره بهالحركه !
يعني تطلع عليك بحدود ٩٣ الف ريال فقط لا غير :d>>> انشالله حسبتي صح يعني :d

المهم .. اذا عندك هالمبلغ ... ياتروح تاخذ جديد ...
اذا عندك اقل ... مثل ماقال كاشكاني خذ لك ٢٠٠٨ نظيف كاش

اما اذا ودك في الاقساط ... فانا اقول روح فك لك وحده وكاله جديده اقساط ... ضامنها والاقساط مدفوعه مدفوعه في الحالتين

[ابو اروى]

مادام انها اقساط خذ جديده وكاله على يدك افضل

او اشتري كاش بسعر ارخص

[gray2008]

يعطيكم العافيه ومشكورين اخواني

انا حسبتها وحسيت انها غاليه بس قلت لأنها اقساط ماراح ادفع المبلغ كاش فأكيد راح يزيد علي شوي

وقلت في نفس الوقت لازم نستشيركم ونشوف كيف الوضع

يعطيكم العافيه وماقصرتوا حبايبي

[مجوووودي]

دام الوضع اقساط في اقساط .. خذ لك 2009 جديدة .. وقسط على راحتك..

[مرسال الهوندا]

الان سعر الجديد الفل ابشن اربعة سلندر تقريبا بـ 93 الف

خذ جديد ازين لك ، او إذا عندك كاش خذ من المعارض تلقى نظيف ماشي حتى اربع عشر الف تقريبا او سبع عشر الف بسعر ما يتجاوز 80 ألف موديل 2008م ،

طبعا ما نبخس بخويك والسموحة والراي لك في النهاية