الموضوع: هل ضروري تغيير المسجل

صحيح ان المسجل له اثر كبير لكن ما ابي افتي لك فيها

شاكر مرورك أخوي honda pilot
صحيح أخوي عاشق هوندا اكورد إنو كاسيت الجوال مو بذيك الجودة بس هو أسهل في التقليب شاكر لك ردك

أخوي King المسجل صوته ماهو عالي إذا زودت الصوت يخرب الصوت مايطلع واضح والدق يتلخبط فشكلو مالي إلا أغيره

بالنسبه لكلامك أنا أفكر أشتري زي هذا قيمته 480 تقريبا وبسأل غيره يمكن في محلات أرخص
بالنسبة لكاسيت الجوال هل يعدم المسجل؟؟
ويعطيك ألف ألف عافية وكثر الله خيركم

قوة السماعة يعتمد على Powe Out للمسجل
ونقاء الصوت يعتمد عن الماده المشغله وكذلك على نوعية السماعات
في كل داخل مسجل يوجد امبلي فاير وكلن له طاقته على الشانل والمقصود بالشانل وهو مخرج السماعه من المسجل
توجد كثير من المصطلحات الخاطئه عند بعض الناس
هو انه اذا ركب سماعه 400 واط بتعطي مستوى افضل من الــ 200 واط
لاكن في الواقع كلاهما نفس الشي ونفس القدرة
لان المتحكم الاول والاخير في الصوت هو الامبليفير اللي داخل المسجل وكم واط يعطي على الشانل
انا راجعت مواصفات المسجل ووجدت
انه يعطي
Output Power : 52W x4 High Power
يعني يبي يعطي على كل سماعه 52 واط فقط
فاالأفضل اذا بغيت تستفيد من قدرة السماعه
انك تركب امبلي فاير 1000 واط عندك في السياره وتشبك عليه السماعات

انا مركب عندي في الاكورد 1994

مسجل جي في سي يعطيك 50 واط للسماعة

سماعتين اماميتين ..مشبوكة في المسجل مباشرة ..قوة السماعة 280 واط ماركة كينوود

سماعين خلفية كينوود 420 واط مشبوكة بأمبلي فاير او مضخم سوني 350 واط

والصوت عندي ما يحتاج جامد وقوي جدا..واذا تبي اقوى ركب السماعات الي قدام كينوود 280 واط

والي ورا سماعتين فقط ( لأن البعض يحشر 6 سماعات ورا وكل سماعة تخرب على الثانية والصوت يطلع فاشل) سماعتين من

نوع كينوود 480 واط ..واشبك السماعات كلها في مضخم كبير ابو 4 قنوات

وفصلك صندوق يكفي ووفرين ..بحجم 10 " انش...وركبه صح في الشنطة واشبك على الووفرين مضخم جامد 1200 واط

من نوع كينوود او بايونير ولا تدور غيرهم ..لانا لسوني حلو على السماعات لكن على الوفرات يعني مش ولا بد

وخذ الووفرين ..كينوود 1000 واط ...بكذا يكون عندك سيستم رايق ..وصوت قوي

وان كان تبغى اكثر احترافية ...احفر لك في البابين الي ورا اماكن سماعة صغيرة وركب مثل الي قدام 280 واط...

واشبك لك قدام تويترين ..بكذا يكون السيستم توب التوب

طبعا حاول تدفع شوي في الأسلاك وخذ انواع مضمونة ..علشان ما تحصل مشاكل لاحقا في الكهرباء ومشاكل في الصوت والوشوشة

حاول تبعد شوي عن السماعات المستعملة او اي قطع مختصة بالصوتيات خصوصا المسجلات ...لانها احيانا تكون مافهيا شي ..لكن

قد تحصل مشاكل في المستقبل ..كضعف الصوت او غيرها...او حتى مشاكل مع الشرطة خخخخ لان البعض يسرقون السماعات من

السيارات وبيعها عليك بسعر بلاش خخخ

حاول تشوف لك مهندس فنان يركب لك السيستم وخلك على الفلبينين شغلهم مرة حلوة ونظيف



طبعا تلاحظ ان اكثر شي مركبه كينوود لان صراحة اسعارهم رخيصة واصوات السماعات قوية وجامدة وتستحمل ...

وعندك بايونير قوي جدا جدا لكن اسعاره غالية شوية ...والسوني ممتاز لكن مو بمستوى الكينود والبايونير على ان اشكال السوني

اشكل السماعات حلوة جدا ..لكن الأداء يصب في مصلحة الكينود والبايونير..

نتمنى لك التوفيق واسفين ان كان في غلط او قصور مع التحية

^^^^^^^^
الرجال يقول هل ضروري اغير المسجل

ماقال ودي اركب ساوند سيستيم في السياره

أخوي accord 2007 الله يعطيك العافية على شرحك الأكثر من رائع بتعبك معاي لأني ميح في شغلات الإمبلي فاير وكيف تشبيكه فكرتك هي لو أنا أبغى صوت عالي وصافي أغير المسجل وأركب أمبلي فاير؟؟ هذا إلي فهمتو صح؟؟ طيب الإمبلي فاير تقريبا كم يكون سعرو ووش أفضل شركة ووين بينحط؟؟ وبالنسبو للسماعات إلي ركبتها والله مادري خايف إنها مضروبة هو قالي في سوني وفي سونيكو وكلها صيني بس سوني مافي 300واط وهذا إلي خلاني أركب سونيكو عارف غثيتك معاي وكثر الله خيرك


أخوي King مشكور وماقصرت تعبناك معنا وإن شاء الله مانتسرع بس إنتا عارف هي خرمة يعني كانت سماعات بعدين مسجل وإن شاء الله إمبلي فاير يمكن بعدين سستم:d


أخوي O.Almazroo3y شاكر لك تعبك في الشرح والله ماقصرت بس أظن لو حطيت كل ماتفضلت بذكره أظن السيارة بتنفجر:d ومشكور وكلامك على راسي من فوق وماعليك قصور

المعلومات الي قلتوهة فادتني مرة الله يجزاكم خير

حياك أخوي هيرو

المسجل اللي انت حاط صورتة ^^^^

ترى مرة كويس صحابي معاه كرسيدا زيك مركبة..

المشاركة الأصلية كتبت بواسطة ((أبو مهند))

أخوي o.almazroo3y شاكر لك تعبك في الشرح والله ماقصرت بس أظن لو حطيت كل ماتفضلت بذكره أظن السيارة بتنفجر:d ومشكور وكلامك على راسي من فوق وماعليك قصور

خخخخخخ لا باقي على مرحلة الانفجار...

ويالله بالتوفيق وتلاقي المسجل الي يعجبكـ

أخويل ط و السعودية 874بيض الله وجهك وماقصرت وشكلي عزمت عليه وسلملي على خويك


أخوي o.almazroo3y تسلم يالغالي والله يكتب إلي فيه الخير

أبشركم الحمد لله إشتريت المسجل والحمد لله راضي عنه تمام الرضا

وشكر لجميع من تقدم برأيه الله يعطيكم العافية

مبروووك...

::

ألف مبرووك , كنت جااي أقولك أشترييه ههههههه ...

يلا وأهم شئ أنك راضي عنه , وان شاء الله المرة الجاية تركب الامبلي فاير ( المضخم ) ..

وأنصحك بـ أكاي 1200 واط سعره بـ حدود 500 ريال وأقل ..

وباقي لك الأوفر بعد المضخم تلاقيه بـ 300 ريال بـ الكثير ..

وبس كده السيستم عندك متكامل ..

//