كل كم تغير زيت سيارتك؟؟ ادخل وشوف الاوروبيين كل كم يغيروا.

**اكورد مودي** · 27-12-2009, 02:45 PM

=
منقولمن مجلة السيارات التابعة لصحيفة الجزيرة
فجرت هيئةالقياسات والمواصفات العالمية مفاجأة كبرى بالتقرير الذي أصدرته وأكدت فيه أنالدعاية التي ترددها شركات صناعة وتجارة زيوت المحركات بشأن ضرورة تغيير الزيت كل 2000 أو 3000 كيلومتر مجرد أسطورة أو كذبة ليس لها أي أساس علمي ولا واقعي وأن زيتالمحرك قادر على العمل بكفاءة لمسافة تصل إلى أكثر من 20 ألف كيلومتر ..
ويقولالخبراء إن شركات صناعة وتجارة الزيوت نجحت خلال العقود الماضية في ترسيخ فكرةالتغيير السريع والمتكرر لزيت المحرك لتحقق بذلك أرباحا خيالية خاصة وأن أغلبالسائقين لا يتصورون فكرة الإبقاء على الزيت داخل المحرك لمسافة تتجاوز 3000كيلومتر .
في الوقت نفسه يرى هؤلاء الخبراء أن الزيوت الحالية ومحركات السياراتذات التقنية العالية تتحمل بقاء الزيت داخل المحرك إلى مسافة 20 ألف كيلومتر وفقاًلتقديرات هيئات المواصفات والمعايير العالمية .
في الوقت نفسه يوصي الخبراءبضرورة قياس الزيت والكشف عنه بعد قطع مسافة 5000 كيلومتر تحسباً للنقص الطبيعي فيمستوى الزيت، حيث يكفي في هذه الحالة زيادة الزيت فقط لتعويض النقص الطبيعي وهوالأسلوب الشائع في الولايات المتحدة وأوروبا على نطاق واسع .
ويقول الخبراء إنتغيير لون الزيت إلى اللون الأسود ليس مؤشراً على انتهاء صلاحيته أو انخفاض كفاءتهوأن هذا التغيير طبيعي لوجوده بالقرب من منطقة الاحتراق الداخلي في المحرك مما يؤديإلى تسرب مواد الاحتراق إليه وتغيير لونه .
أما شركات صناعة السيارات العالميةالكبرى فتقول إن تغيير الزيت كل 5 آلاف أو حتى 8 آلاف كيلومتر أمر مبالغ فيه ونفقاتبلا داع .
من ناحيتها قالت شركة فورد موتور ثاني أكبر شركة سيارات في الولاياتالمتحدة وثالث أكبر شركة في العالم إن سياراتها الحديثة تستطيع العمل لمسافة 12 ألفكيلومتر على الأقل قبل الحاجة إلى تغيير الزيت دون أن يؤثر ذلك سلبا على عمر ولاكفاءة المحرك .
ويقول دينيس بان شيلدر كبير المهندسين في معهد السيارات الأمريكيإن صناعة السيارات والزيوت شهدت تطورا كبيرا خلال السنوات الماضية بعد أن كان قد تمتحديد مسافة 5000 كيلومتر كحد أقصى لصلاحية الزيت وبالتالي فإن كفاءة المحركاتوالزيوت اليوم أعلى منها في الماضي الأمر الذي يجعل هذا الرقم منخفضا تماما .
وأضاف المهندس دينيس بان شيلدر أن الزيوت الحديثة عالية الجودة وتحتوي علىمواد مانعة للتأكسد ومواد مانعة لتكون الرواسب مما يعني زيادة العمر الافتراضي لهذهالزيوت ..
ويشير الخبراء إلى أن تجربة إعادة تدوير زيوت المحرك المستعملة مرةأخرى دليل على أن السائقين يتخلصون من الزيت وهو صالح للاستخدام وأن ما يتم هوتغيير لونه فقط ..
كما يشير الخبراء إلى أن ارتفاع درجة الحرارة في بعض الدولبما في ذلك مثلا دول الخليج لا يؤثر على كفاءة الزيت ولا عمرهالافتراضي وينصحون بعدم الاستماع إلى ما يردده البعض عن ضرورة تغيير الزيت علىمسافات متقاربة أثناء الصيف ..
ويتجلى بوضوح حقيقة ضعف ثقافة أصحاب السياراتفيما يتعلق بأفضل السبل للتعامل مع قضية تغيير الزيت باعتبارها أحد عناصر تكلفةتشغيل السيارة تجاهلهم للتوصيات التي تقدمها شركات إنتاج السيارات نفسها في هذاالخصوص والتي تتفق على قدرة السيارة على العمل لمسافة لا تقل عن عشرة آلاف كيلومتردون الحاجة إلى تغيير الزيت .
فهناك بالفعل أكثر من عشرة كتيبات خاصة بالسياراتمنها لعشرة أنواع سيارات مختلفة، ذكرت أن الزيت لا يجب تغييره قبل قطع مسافة تراوحما بين 10000 و15000 كيلومتر، والملاحظ عبارة (لا يجب تغييره) وليس ) يفضل) أو (يمكن) تغييره!! والمعلوم أن مصنعي السيارات بمن فيهم مصنعو محركاتها هم أقدر علىإعطاء معلومة حقيقية وصحيحة بحكم تخصصهم
ونحن يا غافلين لكم الله ونسمع كلام الوكاله ونمشي ونحن مو داريين
غير طبعا شركات الزيوت الي مسويه زيت ابو 5000 وزيت ابو 10000
ونحن وراهم
ابغى تعليقكم في هذا الموضوع والي عنده فكره يطرحها.

**kakashi-san** · 27-12-2009, 02:58 PM

السلام عليكمْ ..

نفس الكلام سمعته من الورشه اللي قريبه من بيتنا ..

فيها فلبيني له أكثر من 10 سنوات ..

وعن نفسي اغيّر الزيت كل 10 آلالاف والحمد لله ماشيه السيارة معاي زي العسل ولا شكيت منها ..

تغير الزييت + السيفون ..

**my_angel_2353** · 27-12-2009, 02:59 PM

بصرااحه
كلام قوي الي تقووله
انا ا نصحك تحط حاجات
تدعم الكلام الي تقووله
اما رابط او فيديو
لان لو كلامك صحيح راح تفتح العيون على الشي
وراح يدعون لك ناااس واجد
وانا اولهم

تحياتي لك

**abdelslam** · 27-12-2009, 03:09 PM

هذا كلام غير صحيح

وأنآ متأكد من هذا الشيء

يآخي سيارت صديقي مخبطه لأنه مشى 11000 كيلو و مآغير زيت المكينه

والي مطلع هذه الإشاعه يقول 20000 من صدقه هذا !!

طيب أنتم تصدقون وكالة هوندا ولآ كلآم النت الي ماله من الصحه دليل

الوكاله تقول 5000 يعني 5000

والي مستغني عن سيارته يجرب يمشي عليها 20000 ويقول لنا ايش صار

**my_angel_2353** · 27-12-2009, 03:22 PM

المشاركة الأصلية كتبت بواسطة abdelslam

هذا كلام غير صحيح

وأنآ متأكد من هذا الشيء

يآخي سيارت صديقي مخبطه لأنه مشى 11000 كيلو و مآغير زيت المكينه

والي مطلع هذه الإشاعه يقول 20000 من صدقه هذا !!

طيب أنتم تصدقون وكالة هوندا ولآ كلآم النت الي ماله من الصحه دليل

الوكاله تقول 5000 يعني 5000

والي مستغني عن سيارته يجرب يمشي عليها 20000 ويقول لنا ايش صار

انا ما اتفق معك لاني صااحبي عنده مرسيدس و والوكاله تقوله كل 20000 الف

والكل عارف ان اكثر سياره حساسه هي مرسيدس

**اكوردsky** · 27-12-2009, 03:26 PM

انا في سيارتي كنت اغير كل 3000
لكن كثير يقولون 5000
الحين صرت اغير كل 5000 والحمدلله على كل حال
اما 10000 صعبه والله
مشكور عالموضوع اخوي

**accordyon** · 27-12-2009, 03:49 PM

عندي تعليق بسيط
الحين الي يقول الوكالة قالت تغير الزيت كل 5000 معناها في كل تشيك
لسيارة عندهم تغير الزيت لأنه التشيك في الوكالة كل 5000 صح؟؟
طيب ليه الموديل السابق 2007 ونازل كان التشيك كل 10000 ولما سألت
مهندس الصيانة عن الزيت قال خليه مع التشيكات الي هي كل 10000
وانا للحين لين سنتين ماشي على هانظام اغير الزيت من7000 الى 10000
والحمدلله ماشيه تمام التمام

**AL_ADMIRAL** · 27-12-2009, 06:02 PM

أنا ماشي عى الزيت الآن 11 ألف وناوي أغيره لمن أكمل 15 ألف <<< موبيل1 0W40

وخليكم أنتم على الوكاله وزيتها :p

اليوم رحت مع أخوي عشان يغير بواجي سيارته , سعر 6 بواجي بـ 67 ريال << ليجند 2004
أنا قايله من أول نغيرها برا شغلها بسيط , وأخوي كان نفسه يطمن ويغيرها في الوكاله
المهم تعرفو بكم شغل يدهم ؟! بـ 140 رياااال يعني أذا البوجي الواحد بـ 11 ريال تركيبه بـ 11×2=22 زايد بعد ريال وربع
معنو سيارتي جديده بس مني معترف بالوكاله ~_^ , وأن شاء الله نشوفهم على صيانة 40 ألف

**vtec_m79** · 27-12-2009, 06:17 PM

يا شباب في خلط في الموضوع

أولا الاوربيين جوهم غير عن الجو الي عندنا هذا أولا

ثانيا السيارات الاوربية مثل المرسيدس و البي إم دبليو يستخدمون زين يستحمل 10000 كيلو و الزيت موجود لكل السيارات
إنشاء الله الصيانه الجاية راح أحط زيت أبو 10000 وهو Synthetic oil
أغلى من العادي تقريبا سعر العادي *3

لكن شوف الصورة إذا الزيت ما تغير لفترة طويلة

**slaitr** · 27-12-2009, 08:46 PM

^^^^
الله يهديك
الحين بالصورة ذي خليت اغلب الاعضاء يوسوسون
ومن بكره تلقاه يغير الزيت وهو ماكمل 2000 :d

لا هنت ياصاحب الموضوع بتوفر علي مبلغ وقدره

**Pink Dream** · 27-12-2009, 09:43 PM

^^^^^^

والله انك صادق منظر يجيب الرعب

انا مايهمني كلام الاوربيين ولا غيرهم ..

توني ماشي 4 الالاف والزيتعند محرووق وناقص

ليش ؟؟!! عشان زيت هوندا ابو كلب :p

وحده 3500 كيلو بعدها نصيحه غيرووه

وموضوع انك تخلي الزيت 20 الف كيلو يعتمد على لزوجة الزيت الي عندك وطريقة قيادتك لسياره ..

**محجوب** · 27-12-2009, 10:10 PM

عندي كم تعليق ..

والكل عارف ان اكثر سياره حساسه هي مرسيدس

^^^^

قويييييييييية حبتين :d

طيب ليه الموديل السابق 2007 ونازل كان التشيك كل 10000

تشييكها في كتيب الوكالة كل 5000 كيلو وليس كل 10,000 !!

أولا الاوربيين جوهم غير عن الجو الي عندنا هذا أولا

طيب واذا درجة حرارة المكينة تفوق الـ90 درجة مئوية بتفرق انت في اوروبا وللا السعودية !!

لكن شوف الصورة إذا الزيت ما تغير لفترة طويلة

متأكد ذا زيت مو دبس :d
..
...
....

بالنسبة للموضوع .. أنا أصدق هالكلام نوعا ما .. بس في نفس الوقت في حاجات ما تخليني أقتنع بيه .. مثلا كامري أخوي السابقة موديل 98 مشى بها ممكن 10,000 كيلو بدون تغيير الزيت ثم سبكت المكينة !!

أتوقع .... الا متاكد ان نوعية القيادة هي العامل الأهم في قرار (متى أغير زيت سيارتي) .. يعني إذا الشخص ما عمره يدعس وضغط المكينة حده يوصل للـ3 مثلا .. هذا لو يغير زيت كل 15.000 ما يجيه شي .. بس اذا الشخص زيي مثلا طول اليوم دعس والضغط عند الأحمر :d .. الزيت حده 5 الاف وضروري يتغير ..

^^^^^^^^^^^
رد هذا الشخص مجرد رأي قابل للصواب كما هو قابل للخطأ

**محمد عقيل** · 27-12-2009, 10:10 PM

يعود هذا لطبيعة المحرك وعمره الافتراضي لان المحركات الجديدة تحتمل اكثر من 10000 كيلومتر لتحتاج الى غيار اما القديمة فستجد ان الزيت فقد مرونته واصبح لونه اسود والفلتر متسخ خلال 3000 كيلو
ويمكن بقليل من الخبرة ان تفرك الزيت بين اصبعيك لترى لزوجة الزيت

**abAdy.777** · 27-12-2009, 10:43 PM

انا اقول على الجو عندهم غبير وعندنا غير يمكن يساعد<< مو متأكد
والزيت الي يستخدمونه مدته 10,000 كيلو
انا كان عندي فورد 8 سلندر اغير زيت وسيفون بـ 100 ريال تقريبا
مادري نسيت
اما ابوي مرسيدس نوع زيت ثاني و6 سلندر بـ375 ريال
يعني يعتمد نوع الزيت الي تحطه
شرايكم يعني 8سلندر بـ100 و6 بـ375<<< اكيد نوع الزيت

**alaa4net** · 27-12-2009, 10:56 PM

يا شباب الزيت تبع ال 10000 هو غير الزيت المخصص للهوندا بأنواعها

هذا الزيت اسمه (سانتاتيك) و هو أغلى بكثير من الزيت العادي ومن أهم ميزات هذا الزيت

أنه لا تحتاج السيارة الى تحمية عند تشغيلها في الصباح (شغل و امشي)

اذ ترى السيارة التي تستخدم زيت السنتاتيك لا يطلع ال rpm فيها عند تشغيلها صباحا.

**AbuJawad** · 27-12-2009, 10:58 PM

يعطيك العافية اخوي صاحب الموضوع

بالفعل موضوع مفيد ومجهود تشكر عليه

كلامك صح 100%

واحب اقول للاخوان اللي يقولوا ان الوكالة تقول غير زيت كل 5000 كم
اقولهم اقروا الكتالوج حق سياراتكم بعدين تكلموا
المصنع يقول
في الظروف القاسية او الصعبة يتغير كل 5000 كم
والظروف العادية يتغير كل 10000 كم

ايش هي الظروف القاسية والظروف العادية
الصعبة مثل القيادة بسرعات عالية لفترات طويلة تحت درجات حرارة عالية
او تحت درجات برودة عالية
الظروف العادية مثل القيادة في المدن والاستخدام الطبيعي

وعشان الاخوان اللي مستغربين من كلمة تغيير الزيت كل 20000 كم

اقولهم شوفوا السيارات الاوربية مثل السيات والفولفو اللي زيتها يدوم حتى 25000 كم

ومثلها السيارات الالمانية تدوم لغاية 30000 كم

المشكلة اغلبنا يترك كلام الخبراء على جنب ويسمع كلام ابو يمن
والناس اللي كل همها كسب فلوس
انت جرب غير زيت لسيارتك وشغل السيارة وروح مشوار ساعتين
وروح لبنشر ثاني وقله شيكلي على الزيت
رح يقلك الزيت محروق ويحتاج تغيير ويبرر كلامه بسبب تغيير اللون
وان الزيت صار اسود

يا جماعة تغير لون الزيت مو معناه انو الزيت فقد فعاليته
تغير اللون يصير بسبب الحرارة
وفعالية الزيت لا تقاس باللون وانما باللزوجة

تحياااتي للجمع وعذرااااا لصاحب الموضوع

**روحـي فـداك** · 27-12-2009, 11:29 PM

انا اليوم مغير الزيت عن موتري ماشي 6000 وما مبين عليه .. ويمشي ازيد .. كله ع حسب الاستعمال ..

**حميد** · 28-12-2009, 12:03 AM

اول شي مساء الورد للورد
ثانى حاجه مع احترامى وتحفظى لراعى الموضوع اقول سلمات يعمى توصل درجه الحراره عندنا بالصيف تقريبا 50 وفوق يعمى انا عندى مثال
في عز الصيف وعز الظهريه والشمس ماشالله نااااااااااار وقف سيارتك بعد مشى تقريبا ساعه بسرعه 140 مو قايل 200 اوكيه
اسمعو صوت المراوح وكم تقعد شغاله بعدين ردو على هاذى كفيله انو الواحد يغير الزيت تقريبا من 3000 للقديم والسيارات الجديده عند 5000 وسلامتكم.

**eminem** · 28-12-2009, 12:15 AM

السلام عليكم ... بصراحة ماقريت الموضوع كامل بس حارد بناء على العنوان ... ياحبيبي لاتقارن بيننا وبين الأوربيين من ناحية سيارات وأجواء و و و ...من ناحيتي أنا ماشي على صيانة الوكالة وكل ماقالوا : لازم تغيير زيت غيرت ... وبس

**اكورد مودي** · 28-12-2009, 02:54 AM

اشكر الجميع على الردود الحلوةوهذي المعلومات من هيئة معتمدة وتقدرو تشوفوها على النت و انا ابغى اعطيكم نصيحه بسيطه
المشكله انه نحن هنا في السعودية التجار يلعبوا بينا لعب ويمشونا على كيفهم والدليل ارتفاع الاسعار ونحن بس نتشكا وبعد ما نتشكى بخمس دقايق نروح نشتري منهم
يعني انتو فكروا بالله صاحب التجاره راح يقولك المعلومه هذي ليه هو مجنون يكسر على نفسه و يرجع المكاسب الي ممكن تجي له من ورا الناس الي كل ما قال شي قالو صح
ياعالم اصحو ابغاكم بس تروحوا بره السعودية لمدة ثلاث ايام وشوفوا الشعوب الثانية كيف ممشيه التجار من غير لا وزارة تجارة ولا شي وخلي واحد فيهم يرفع سعره والله يخلوه يندم ويحسب لهم مليون حساب
هذا الكلام انا مجربه على كرولا 2006 ومشيت فيها 12000 ولا صار فيها اي شي وكنت اقوم بيها وادعس وغير اني ما اعرف نفسي كل خميس ماسك طريق المدينه 140 الين ما يفصل 170 معايا
وبعدين الموضوع واضح يقول للسيارات الحديثة يعني لا يجينا واحد يقول موديل 98 خبط عليه
اكييد راح تخبط لانه الدراسه على الموديلات الحديثه
انا بس حبيت اوضح لكم وانصحكم وكل واحد عقلو في راسه الي يبغى يسمع كلام التجار والوكاله الي تقول كانها هيا الي ما تغلط وعبادي الحلو الي يخاف على مصلحت الناس وينصحهم دايما لانه طيب مررره
مشكلتنا من جد اننا ما نحب نفكر دايما نبغى غيرنا يفكر ونحن ناخذ على الجاهز
معليش على الرد الحار شوي بس انا مقهور من الي قاعد يصير هنا من استغلال و نحن الخاسر الاكبر
وتقبلو تحياتي للجميع.

**my_angel_2353** · 28-12-2009, 03:58 AM

المشاركة الأصلية كتبت بواسطة abujawad

يعطيك العافية اخوي صاحب الموضوع

بالفعل موضوع مفيد ومجهود تشكر عليه

كلامك صح 100%

واحب اقول للاخوان اللي يقولوا ان الوكالة تقول غير زيت كل 5000 كم
اقولهم اقروا الكتالوج حق سياراتكم بعدين تكلموا
المصنع يقول
في الظروف القاسية او الصعبة يتغير كل 5000 كم
والظروف العادية يتغير كل 10000 كم

ايش هي الظروف القاسية والظروف العادية
الصعبة مثل القيادة بسرعات عالية لفترات طويلة تحت درجات حرارة عالية
او تحت درجات برودة عالية
الظروف العادية مثل القيادة في المدن والاستخدام الطبيعي

وعشان الاخوان اللي مستغربين من كلمة تغيير الزيت كل 20000 كم

اقولهم شوفوا السيارات الاوربية مثل السيات والفولفو اللي زيتها يدوم حتى 25000 كم

ومثلها السيارات الالمانية تدوم لغاية 30000 كم

المشكلة اغلبنا يترك كلام الخبراء على جنب ويسمع كلام ابو يمن
والناس اللي كل همها كسب فلوس
انت جرب غير زيت لسيارتك وشغل السيارة وروح مشوار ساعتين
وروح لبنشر ثاني وقله شيكلي على الزيت
رح يقلك الزيت محروق ويحتاج تغيير ويبرر كلامه بسبب تغيير اللون
وان الزيت صار اسود

يا جماعة تغير لون الزيت مو معناه انو الزيت فقد فعاليته
تغير اللون يصير بسبب الحرارة
وفعالية الزيت لا تقاس باللون وانما باللزوجة

تحياااتي للجمع وعذرااااا لصاحب الموضوع

يسلم لي هالتم

**AL_ADMIRAL** · 28-12-2009, 05:18 AM

طيب واذا درجة حرارة المكينة تفوق الـ90 درجة مئوية بتفرق انت في اوروبا وللا السعودية !!

الله الله ... الله الله ... الله الله

**accordyon** · 28-12-2009, 12:05 PM

تشييكها في كتيب الوكالة كل 5000 كيلو وليس كل 10,000 !!

عارف ان الكتيب كل 5000 بس الكتيب شي والمسافة او عدد الكيلو
الي تستقبل فيه السيارة شي ثاني
انا لما شيكت 10000 سألت متى الصيانة الجاية قالي في 20000 قلت ليه
مهي كل 5000 المعروفه قال الصيانة كل 10000
ومايمنع نشوف اصحاب نفس الموديل ونسمع رايهم في الموضوع

**Mr.CaR** · 28-12-2009, 06:32 PM

*&&&&&&&&*
!

الزيت ما يكمّل بالمكينة 5000 آلآف إلآ وريحته طالعه .. :p
.
تخيل بس كيف لو مشيناه 20 ألف ؟

.
.
لكن في أنواع زيوت بالسوق

يسمونها " زيوت تخليقية "

هذي تتحمّل 10 آلاف و أكثر ..

لكـن مشكلتها سعرها ؛ اللي يوصل في بعض المنتجات تقريباً 3 أضعاف الزيوت العادية .. :o

لكـن ما أدري ليش العالم تدور ورى الحوسه و وجع الراس ؟

غير زيت عادي كل 5 آلاف

منها تحافظ على مكينتك بتجديد الزيت + إنزال الأوساخ اللي بالمكينة خلال الـ 5 آلاف اللي مشى فيها الزيت

المشاركة الأصلية كتبت بواسطة محجوب

عندي كم تعليق ..

طيب واذا درجة حرارة المكينة تفوق الـ90 درجة مئوية بتفرق انت في اوروبا وللا السعودية !!

^^^^^^^^^^^
رد هذا الشخص مجرد رأي قابل للصواب كما هو قابل للخطأ

*^^^^^^^*

تفرق ونص ..

لو قلنا إن حرارة المكينة بالداخل توصل 90ْ

لا تنسى إن الهواء عندنا بالصيف (جهنّم..!)

يعني الهواء اللي يدخل المكينة حار + تشغيل المكيّف يفرق بعد (ولو كان تأثير بسيط حتّى)

^^^^^

رأي هذا الآدمي لا يحتمل الصواب ولا يحتمل الخطأ

**ابو حمدان** · 28-12-2009, 09:35 PM

المشاركة الأصلية كتبت بواسطة abAdy.777

انا اقول على الجو عندهم غبير وعندنا غير يمكن يساعد<< مو متأكد
والزيت الي يستخدمونه مدته 10,000 كيلو
انا كان عندي فورد 8 سلندر اغير زيت وسيفون بـ 100 ريال تقريبا
مادري نسيت
اما ابوي مرسيدس نوع زيت ثاني و6 سلندر بـ375 ريال
يعني يعتمد نوع الزيت الي تحطه
شرايكم يعني 8سلندر بـ100 و6 بـ375<<< اكيد نوع الزيت

شكلك زيت بس مو فلتر معه ولعلمك ترا مرسدس البساتم كبيره وتاخذ المرسدس زيت كثير معروفه