وداعاً أكورد 2007 لقد اخترت كامري 2007 لأنها تصل إلى الهدف قبلكِ!
السلام عليكم
موضوع واضح من عنوانه
كنت قد كتبت موضوع يخص الألتيما و الأكورد و ان الألتيما تغلب الأكورد من ناحية السرعة والعزم والانطلاقة بشكل خاص ( يعني قومة ) لكن الحين أكتب هذا الموضوع وانا منترس حسرة و ألم على الأكورد اللي سقطت في الميدان أمام الكامري .. !!:(
مع العلم ان السيارتين موديل هالسنة اللي هي 2007
طبعا هذا الشي شفته بعيوني في مقطع فيديو اعتقد في السعودية مصورين هالقومة .. المقطع يقول ان الاكورد انطلق و انطلقت معاه الكامري بنفس المستوى تقريبا في البداية ...ثانية و نص.. ولاّ أشوف الكامري بدت تسبق الأكورد و بعد ما سبقت الأكورد قام راعي الكامري يتنذّل على راعي الأكورد و يغطي عليه ( هاي حركات يسوونها البعض أثناء الريس) علشان يقول له غلبتك واذا فيك خير طوفني..!
ارجوكم .. محد يقول راعي الأكورد ما يعرف يسوق ... ترانا بلعنا زلة الأكورد في القومات أكثر من مرة مع بلغم هالكلام " ما يعرف يسوق وما يعرف يرايس" ...
السبب الرئيسي في رأيي واضح وهو أنا الأكورد تعاني من " السِــمــْــــنَــــة " و تحتاج إلى جدول دوري للحِــمْــيَـــة !!... وأنّ الكامري رشيقة و في ريعان شبابها !!
إييييييه وأنا اللي جاي أبغي أقاوم مع رفيجي اللي عنده كامري 2007 ... أروح أدوّر لي تركتور زراعي أقاوم معاه أبرك لي...!:d
مواقع النشر (المفضلة)