جيت الرياض زاير وطلعت طاير
الســـلام عـليكـم
ياشباب وش هالعالم اللي بالرياض قسم بالله انواع الانحطاط الاخلاقي والاستهتار وربي والله اني كرهت الرياض عقب سالفتي
السالفه ومافيها اني جاي من الشرقيه الى الرياض ووصلت على الساعه 12 الليل ووقفت السياره قدام العماره على شارع الناس رايحين جايين عليه ومنور ودخلت عند نسيبي ونمت وسحبتها نومه لين ماجاني نسيبي الصباح الساعه 6 يقولي قم قم تعال شف موترك واقوم وانزل واشوف الاكورد على بلكتين وطايحه على الارض انا يوم شفتها كذا وقفت مكاني عند باب العماره قاعد اقول في نفسي الله لايوفقهم وصلت الدنائه والخسه فيهم انهم يسرقون جنوطي والصواميل ويقطون موتري على الارض قدام العماره وعلى شارع رئيسي ومادريت الا نسيبي يجرني يقولي ادق على الشرطه قلت له وللحين مادقيت انت ووجهك دق عليهم وماقصرو الشرطه جابو اللي يرفع البصمات وماخلا اي مكان الا ورقعه بالريشه ولا لقينا بصمات وجت الظهريه وادق على ولد عمي قلت له السالفه كذا كذا قال طيب الحين جايك ويوم جا قلت له ابي جنوط رح لتشليح قالي رح الغرابي احسن ونروح الغرابي وحصلت جنوط اصليه مع كفرات ميشلان بثلاث الاف وست ميه انا قلت اكيد مسروقه وقلت حق اليماني انا جنوطي مسروقه ولا ابي اركب جنوط مسروقه قالي افا انا وجهي وجه واحد يسرق قلت له لا حشا بس يمكن ان احد جابها لك وانت شريتها منه وانت ماتدري قالي والله انها ماهيب مسروقه قلت له طيب وش دراك قالي هذي جنوط واحد جاي مبدل جنوطه قلت له خلاص انا بركبها بس بذمتك لنك حلفت قالي خلاص على ذمتي واشيل الجنوط واشتري لي اقفال جنوط واعود على اكوردتي واركب الجنوط واجرب السياره ووينك يالشرقيه
ســـــــــــــــــــــــــــــــــــــلام
اخوووووووووووووي معليـــــــش اللي صار لك والله يعوض عليك :(
بس حتى بالشرقيه صار لخويي كذا يعني في كل مدينه فيها حثاله مجتمع وجلس يلعن بالشرقيه واهلها لا ويسب فيني خويه :d ردة فعل مباشره:d
لا تعم اخوووووووي اكورد 2006
الظالم بيحصل جزاه دنيا واخره
بعدين خذ الحذر بدري بتركيب اقفال وخله يخيس تحت عند الاكورد :p وبعد خل مفتاح عجل وخله يحاول :d
تحيتـــــــــــــــــــــي لك
اسلم طريقه تركيب اقفال لكل كفر
والله يعوضك
اخوي ه ا د السعودية 451
انا ماعممت على اهل الرياض انا اقصد وش هالبشريه اللي يسرقون والا الباقين والنعم فيهم وبعدين ياخوي شكلك مبسوط وتظحك:d وانت تسمع سالفتي يارجال اظحك واستانس حتى اخواني ظحكو علي صدق المثل اللي يقول النار ماتحرق الا رجول واطيها:d
التعديل الأخير تم بواسطة اكورد 2006 ; 18-03-2007 الساعة 03:33 AM
وليه البي ام احسن من الاكورد:d
.jpg)
زين عندي بالجوال مقطع فديو للكزس 430
بعدين بالنسبه لي الشرقية أفضل من الرياض بــ100000000مره بكل شي
الله يعوض عليك أخوي اكورد 2006
بعدين ياخي انت الغلطان احد يوقف على شارع عام :d >>> اجل وين يوقف
والله حاس بمعاناتك الحين الواحد يوقف السيارة جوا البيت وهو خايف عليها كيف اذا وقفها بالشارع
زين ماجاك واحد يفحط بالحاره وتهج معه السيارة ولاه مشمع بموترك اللي واقف قدام بيتكم لا ومن زود النذاله ماتشوف الا غبار الصادم >>> صايرتلهم
بس عندي سؤال: بأي حي صارت السرقة >>> فيه حي براسي بس أبي أتاكد
الاخطبوط كان هنا
الله يعوضك خير منها ياخوي
حتى انا قبل اسبوع بالضبط بالجبيل انسرق 2 من جنوط اوكوردتي 2006 وجنطين من اكورد جاري
طيب الحرامي هذا انصفنا مايبي يخسر احد واجد
بس والله لو ادري منهو لارتكب فيه جريمه <<<قوي
طبعا دقينا على الشرطه وجو اخذوا البصمات الى الحين ماردولنا خبر
رحت الوكاله ابشتري جنوط قال الجنط على 1700 بعد الخصم
واشتريت كفرات مشلان على 530 ريال
المشكله موب بسرقة الجنوط المشكله انه مايعرف يسرق زي باقي الحراميه :d
الاخ الحرامي حط العفريته تحت الرفرف اللي تحت الباب وكسر ام امه والباب نقز على قدام
الله لايوفقه لادنيا ولا اخره
شوفو الصوره بالمرفقات
عالعموم ياشباب الكل ينتبه على جنوطه ويركبلها صواميل امان قبل مايصير شي لاسمح الله
واسف على الاطاله
التعديل الأخير تم بواسطة شرقاوي ; 20-03-2007 الساعة 05:12 PM
أكورد 2006
الله يعوضك خير منها في الدنيا والآخره .. وهذي الدنيا فانيه يعني مو لازم جنوط .. مرات جنوط مرات طاسات ومرات بدون واسأل مجرب :d
السلام عليكم
من كم اسبوع بالامارات حتى ما تقولو بالسعوديه بس في حراميه حتى عندنا
حرامي ابن حلال سرق طواس سيارة جاري والجلده الي على السقف وسيارته كامري 2004
يعني وش استفاد من سرقة الطواس لو محتاج طواس يزورني في البيت عندي ما يزيد عن 12 طاسه لجميع انواع السيارات اعطياهم بالبلاش بس ياخذهم من وجهي :p
ولا حول ولا قوه الا بالله
نازل اشيك على سيارتي والله خوفتوني :d
مشكور على الموضوع
وقدر الله وما شاء فعل
اللهم اغفر له وارحمه، وعافه واعف عنه، واكرم نزله ووسع مدخله، واغسله بالماء والثلج والبرد، ونقه من خطاياه كما نقيت الثوب الأبيض من الدنس، وابدله داراً خيراً من داره وأهلاً خيراً من أهله وأدخله الجنة، واعذه من عذاب القبر وعذاب النار.
اللهم آمين .. الله يرحمك ياصلاح الغامدي
الله يعوضك ياخوي بخير منها
وان شاء الله دفعة بلاء عنك.
اما اللي سرق الجنوط ...يجيه يوم يتحسف يا في الدنيا او الاخره.
ياخي سيارة ولد اخوي في نهار جمعه من رمضان الناس صايمه ومعتكفه
في المساجد جاء واحد سولت له نفسه انه يكسر القزاز ويأخذ
مسجل السيدي والاغراض اللي في درج السياره.
مانقول الا ان الله عسى يكفينا من شرهم ويحفظ لنا امننا وايماننا.
الله يعوضك في الدنيا و الاخره..
وهذا شر و راح عنك الحمد لله..
هلا اخوي جوفينتوس صدقت ان الشرقيه احلا بس الرياض احلا بطرقها وبخدماتها واسواقها يعني مثال لو جنوطي مسروقه بالشرقيه كان مالقيت لي جنوط اصليه مع كفرات ميشلان ب 3600 :dالمشاركة الأصلية كتبت بواسطة JUVENTUS
اكورد 2006الله يعوض عليك أخوي اكورد 2006
بعدين ياخي انت الغلطان احد يوقف على شارع عام :d >>> اجل وين يوقف
والله حاس بمعاناتك الحين الواحد يوقف السيارة جوا البيت وهو خايف عليها كيف اذا وقفها بالشارع
زين ماجاك واحد يفحط بالحاره وتهج معه السيارة ولاه مشمع بموترك اللي واقف قدام بيتكم لا ومن زود النذاله ماتشوف الا غبار الصادم >>> صايرتلهم
بس عندي سؤال: بأي حي صارت السرقة >>> فيه حي براسي بس أبي أتاكد
اكورد 2006
أكورداوي,like.no.other,اكوردي 2004,و ق ا 177
شاكر لكم اهتمامكم بالموضوع ولاتنسون ركبو اقفال للجنوط
ضوابط المشاركة
رد مع اقتباس.jpg)
مواقع النشر (المفضلة)